Dauvunau 6:2 - Vakavakadewa Vou kei na iVola tale eso

² Sa solia na Kalou vua e dua na tamata na i yau, na dokai kei na veika me taukena, io na veika kece sara e gadreva, ena qai sega ni soli vua me marautaka. Era na qai la'ki marautaka tale e so na tamata tani. Sa sega sara ga na kena yaga ka sega ni dodonu.

Ai Vola Tabu (Vakadewa Makawa Vakavoutaki 2021)

² a tamata sa solia kina na Kalou nai yau, kei na kamunaga, kei na vakarokoroko, ka sa sega ni yali vua e dua na ka sa domona na yalona, ia sa sega ni solia vua na Kalou me kana rawa kina, ka sa kana ga kina na vulagi. Oqo na ka walega, ka dua na mate ca.

AI VOLA TABU

² a tamata sa solia kina na Kalou nai yau, kei na kamunaga, kei na vakarokoroko, a sa sega ni yali vua e dua na ka sa domona na yalona, ia ka sa sega ni solia vua na Kalou me kana rawa kina, a sa kana ga kina na vulagi: o qo na ka walega, ka dua na mate ca.

Vakavakadewa Makawa

² a tamata sa solia kina na Kalou nai yau, kei na kamunaga, kei na vakarokoroko, ka sa sega ni yali vua e dua na ka sa domona na yalona, ia sa sega ni solia vua na Kalou me kana rawa kina, ka sa kana ga kina na vulagi: oqo na ka walega, ka dua na mate ca.

Ai Vola Tabu Ena Vakavakadewa Vou

² Sa solia na Kalou vua e dua na tamata na i yau, na dokai kei na veika me taukena, io na veika kece sara e gadreva, ena qai sega ni soli vua me marautaka. Era na qai la'ki marautaka tale e so na tamata tani. Sa sega sara ga na kena yaga ka sega ni dodonu.

Dauvunau 6:2 Iomraidhean Croise

1 Tui 3:13

Ia au na solia talega vei iko na ka o a sega ni kerea, na i yau, mo dokai, ka me kakua kina ni dua tale na tui me na tautauvata kei iko ena nomu gauna taucoko.

1 Veigauna 29:25

A sa vakalevulevui Solomoni e matadra na Isireli o Jiova, ka cakava me vakasakiti vakalevu cake na nona bula mai vei ira na vo ni tui era veiliutaki e Isireli.

1 Veigauna 29:28

A sa mate o koya ni sa matua vinaka sara na nona yabaki ni bula, ni sa vutuniyau ka rokovi, ka sa sosomitaki koya me tui o Solomoni na luvena.

2 Veigauna 1:11

A sa kaya vei Solomoni na Kalou, “Ena vuku ni kena sa tiko e lomamu na ka oqo, o a sega ni kerea na veika mo taukena, se na i yau, se na dokai, se me ra mate o ira era cati iko; o qai sega wale mada ga ni kerea mo bula balavu, ia o a qai kerea ga me nomu na vuku kei na yalomatua me rawa kina ni o lewai ira vakavinaka na noqu tamata, ka'u a buli iko kina mo nodra tui,

NA SAME 17:14

ni vakabulai au mai vei ira ena nomuni kaukauwa, mai vei ira era sa rawata na veika era vinakata ena bula oqo. Ni totogitaki ira me ra na vakararawataki o ni sa maroroya tu me baleti ira; Me tu talega na kena me rauti ira na luvedra, Ka me vo tu eso me baleti ira na nodra kawa.

NA SAME 39:6

E dina ga, ni sa lako voli na tamata me vaka na i yaloyalo ga ni dua na ka. Na veika kece e cakava sa ka wale ga; Sa kumuna vata na i yau, ia, sa sega ni kila se o cei ena taukena.

NA SAME 73:7

Sa sovaraka mai na yalodra na ca Ka sa sinai na nodra vakasama ena veinaki ca.

Dauvunau 4:4

Au sa kila talega na ka era sa cakacaka vakaukauwa kina na tamata me ra rawa ka: na vuna ga sai koya na nodra gadreva me levu cake na ka e tu vei ira mai na ka era rawata na tani. Ia sa sega talega na kena yaga. Sa vaka ga na via vesuka na cagi.

Dauvunau 4:8

E dua na tamata e tu taudua voli ga. E sega ni bau dua na luvena se dua na tacina, ia sa cakacaka tikoga ka sa sega ni mamau rawa na yalona ena i yau sa tu vua. Sa cakacaka vakaukauwa ena vuku i cei o koya ka sa vakuai koya kina mai na marau? Sa sega talega na kena yaga na ka oqo ka sa dua na i vakarau ni bula vakaloloma.

Dauvunau 5:13

Sa i koya oqo e dua na ka rerevaki au raica ena vuravura oqo era sa dau maroroya na tamata na nodra i lavo ka qai vakayagataka ena gauna era qai vinakata kina,

Dauvunau 5:16

Oqo e dua talega na ka ca. Eda na lako tale yani me vaka ga na noda a lako mai. Eda cakacaka ka tovolea me da vesuka rawa na cagi, ia na cava li eda bau rawata?

Dauvunau 5:18

Sa i koya oqo na ka au sa kunea rawa: na ka uasivi duadua e rawa me cakava e dua na tamata sai koya me kana ka gunu ka marautaka na ka e cakava rawa ena gauna lekaleka ni nona bula sa solia vua na Kalou; sai koya oqo na nona i votavota sa solia vua na Kalou.

Dauvunau 5:19

Kevaka sa solia na Kalou vua e dua na tamata na i yau kei na veika me taukena ka solia talega vua me marautaka sa dodonu talega me vinakata ka marautaka o koya na veika e rawata. Sa i solisoli mai vua na Kalou; sai koya oqo na nona i votavota sa solia vua na Kalou.

Aisea 55:2

Na cava o ni vakayagataka kina na i lavo Ena ka e sega ni kakana? Na cava o ni vakayagataka kina na kemuni i sau O ni qai sega ni mamau? Ni vakarorogo vei au o ni na qai rawata Na kakana vinaka mo ni kania Na kakana uasivi o ni marautaka ni kania.

Lele i Jeremaia 5:2

Na ka e neimami sa soli vei ira na kai tani; Era sa tiko ena neimami veivale na vulagi.

Taniela 5:18

Na Kalou Cecere a buli tamamuni, o Nepukanesa na tui, me dua na tui kaukauwa ka qaqa ka solia vua na dokai kei na lagilagi.

Osea 7:9

ka ra sa lecava kina ni nodra vakararavi oqo ki na veimatanitu tani sa vakavuna me kau tani kina na nodra kaukauwa. Sa vakaiyalayala ga na nodra siga, ia era sa sega ga ni kila.

Vakarua 28:33

E dua tale na matanitu tani ena vakayagataka na vua ni nomuni qele kece kei na veika kece o ni rawata, ia o ni na vakararawataki tikoga ka vakacacani.

Vakarua 28:43

“Era na toso cake na vulagi era tiko kei kemuni me ra cecere sara, ia o kemuni na yaco mo ni lolovira sara.

Dauveilewai 18:10

Ni da yaco ki kea, era na sega ni nanumi keda vakaca na tamata. Sa vanua levu dina, sa tu kece kina na ka e vinakata e dua, oqo na ka sa solia vei kemuni na Kalou.”