Dauvunau 5:8 - Vakavakadewa Vou kei na iVola tale eso

⁸ Kakua ni kurabui ni o raica ni sa vakasaurarataki ira na dravudravua na matanitu ka cakitaka vei ira na lewa dodonu kei na nodra dodonu. Na tamata vakailesilesi yadua sa taqomaki koya o koya sa liu cake vua ka sa taqomaki rau ruarua o ira era sa cecere cake.

Ai Vola Tabu (Vakadewa Makawa Vakavoutaki 2021)

⁸ Kevaka ko sa kunea ni ra sa vakasaurarataki na dravudravua, ka sa kau vakatani ka vakaukauwa na lewa kei na caka dodonu e na dua na qali, kakua ni ko kidacala kina, ni sa vakaraica tiko ko koya sa cecere vei ira sa cecere sara; ia sa tiko ka cecere vei ira.

AI VOLA TABU

⁸ Kevaka ko sa kunea ni ra sa vakasaurarataki na dravudravua, ka sa kauti vakaukauwa tani na lewa kei na caka dodonu e na dua na qali, kakua ni ko kidacala kina: ni sa vakaraica tiko ko koya sa cecere vei ira sa cecere sara; ia sa tiko e sa cecere vei ira.

Vakavakadewa Makawa

⁸ Kevaka ko sa kunea ni ra sa vakasaurarataki na dravudravua, ka sa kau vakatani ka vakaukauwa na lewa kei na caka dodonu e na dua na qali, kakua ni ko kidacala kina: ni sa vakaraica tiko ko koya sa cecere vei ira sa cecere sara; ia sa tiko ka cecere vei ira.

Ai Vola Tabu Ena Vakavakadewa Vou

⁸ Kakua ni kurabui ni o raica ni sa vakasaurarataki ira na dravudravua na matanitu ka cakitaka vei ira na lewa dodonu kei na nodra dodonu. Na tamata vakailesilesi yadua sa taqomaki koya o koya sa liu cake vua ka sa taqomaki rau ruarua o ira era sa cecere cake.

Dauvunau 5:8 Iomraidhean Croise

2 Veigauna 26:10

A tara talega o Usaia eso na vale ni yadra balabalavu ena vanua lala ka kelia eso na drano wai, baleta ni sa levu sara na nona bulumakau ena vanua bucabuca o Sepela. Ena vuku ni nona dau taleitaka na vakayagataki qele, a sa vakauqeti ira na tamata me ra teivaka na vaini ena veidelana ka vakayagataka na veivanua bulabula ena teitei.

Jope 24:23

Na Kalou ena rawa ni vakalaivi koya me tiko vinaka mada ka bula sautu, Ia sa wanonova matua ga na veika era cakava.

NA SAME 12:5

A sa kaya o Jiova, “Au sa na lako yani Baleta ni ra sa vakararawataki na dravudravua, Era sa tagi ena vutugu o ira era sa vakararawataki. Au na solia vei ira na galala era gadreva tu!”

NA SAME 55:9

Turaga, ni vakarusai ira ka vakasesea na nodra vosa; Ni'u sa kunea na i valavala kaukauwa kei na veivala ena koro.

NA SAME 82:1

Sa liutaka na bose mai lomalagi na Kalou; Sa solia na nona lewa o koya ena nodra bose na kalou.

NA SAME 83:18

Ia me ra kila ni yacamuni o Jiova, O koya na ledua sa Cecere Sara e vuravura taucoko. Vua na i liuliu ni sere; me vaka Na Kitica. A nodra Same na luve i Kora.

NA SAME 95:3

Ni sa Kalou qaqa ga o Jiova, Ka sa Tui kaukauwa vei ira na veikalou kece sara.

Vosavakaibalebale 22:16

Kevaka o soli i loloma vei ira na vutuniyau, se tabaki ira sobu na dravudravua mo vutuniyau kina, o na yaco mo dravudravua sara.

Vosavakaibalebale 24:12

Sa dikevi iko; ka kila. Sa saumi ira na tamata o koya me vaka na nodra i valavala.

Vosavakaibalebale 8:17

Au sa lomani ira era sa lomani au; O koya sa vakasaqarai au ena kunei au.

Dauvunau 3:16

Me kuria, au sa raica talega ni sa rawa mo kunea ena vuravura oqo na i valavala ca ena vanua e dodonu me kune kina na lewa dodonu kei na ka dina.

Dauvunau 4:1

Ia au sa qai vakasamataka lesu tale na veika ca kece sa caka tiko e vuravura. Era sa tagi na vakararawataki ka sa sega ni dua e bau via vukei ira. Sa sega ni dua e via vukei ira baleta ni sa tu na kaukauwa vei ira era vakasaurarataki ira.

Dauvunau 5:9

Sa vakararavi sara talega e dua na tui ki na vua ni qele.

Dauvunau 7:7

Sa vaka na i vukivuki ni tamata lialia e dua na tamata vuku ena gauna sa vakaisina kina e dua na tamata. Ni o taura na ka o saumi kina mo cakava na ka ca sa na vakacacana na nomu i vakarau.

Dauvunau 8:9

Au sa raica na ka kece oqo ena gauna au vakasamataka kina na veika sa caka ena vuravura oqo, na vuravura era sa kaukauwa kina eso na tamata, ka ra sa vakararawataki ira na tani ena vukudra.

Aisea 10:12

Ni sa na vakaotia na nona cakacaka kece o Jiova ena ulunivanua o Saioni kei Jerusalemi, ena qai totogitaka na dokadoka viavialevu i tui Asiria kei na nona qaciqacia.

Aisea 3:15

Sa sega ni tu vei kemuni na dodonu, Mo ni tabaki ira sobu na noqu tamata, Ka rawa ka mai vei ira na dravudravua. Oi au, o Jiova ni lewevuqa sa kaya vakaoqo.”

Aisea 37:36

A qai lako e dua na agilosi i Jiova ka vakamatea e lewe 185,000 na sotia ni Asiria ena nodra keba. Ia ena mataka lailai ka tarava, era sa davo ka mate kece tu.

Aisea 5:7

O Isireli na loganivaini i Jiova ni lewevuqa, Na vaini sa tea sai ira na lewe i Juta. Sa namaka o koya me ra cakava na ka vinaka, Ia sa qai kena i sosomi na vakadave dra. Sa namaka o koya me ra cakava na ka dodonu, Ia sa qai rogo mai na domo ni veivakararawataki.

Aisea 57:15

Oi au na Kalou Cecere ka Savasava, O koya sa bula tikoga ka tawa mudu. Au sa tiko ena vanua cecere ka savasava Ia au sa tiko talega kei ira na tamata Era sa yalo malumalumu ka veivutuni; Me'u kauta tale mai na nodra yalo dei kei na vakanuinui.

Isikeli 18:18

Ia na tamana, ena vuku ni nona dauveivakasaurarataki, butakoca na i yau i tacina, ka cakava na veika tawa dodonu vei ira na kai nona, raica, ena mate vakaidina o koya ena vuku ni nona caka cala.

Emosi 5:12

Au sa kila na levu ni nomuni talaidredre kei na levu ni nomuni i valavala ca. O ni a dau vakararawataki ira na tamata vinaka, ka dau ciqoma na veivaqumi, ka vakadredretaka vei ira na dravudravua me lewai vakadodonu na nodra kisi ena mataveilewai.

Emosi 6:12

Era cici li na ose ena dela ni vatu? E dua li e dau vakayagataka na bulumakau me siviyara kina ena wasawasa? Ia o ni sa vakatanitaka ga na lewa dodonu me wai gaga kei na vua ni valavala dodonu me wai wiwi.

Maika 2:9

Dou sa vakasevi ira tani na nodra yada na noqu tamata mai na veivale era sa daulomana, ka dou sa butakoca vakadua mai vei ira na luvedra na noqu i solisoli vinaka kecega.

Sakaraia 8:6

Sa kaya o Jiova, “Era na rairai vakatitiqataka beka na vo-ni-bula ni matanitu oqo na kena yaco, ia sa sega sara ni dredre vei au na ka oqo.

Malakai 3:5

Sa qai kaya na Turaga na Kalou Levu, “Au na rairai mai vei kemudou me ia na veilewai, ka'u na kusarawa ni tukuna na nodra ca na daucakaisausau, na dauveibutakoci, na daububului vakailasu, o ira era daubutakoca na i sau ni tamata cakacaka, o ira era dau vakasaurarataki ira na yada, na luveniyali, na kai tani, kei ira era sa sega ni vakarokorokotaki au.”

Luke 1:32

Ena dokai vakalevu o koya, ka na vakatokai me Luve i Koya sa Cecere Sara. Na Turaga na Kalou ena solia vua na i tutu vakatui, me vakataka na nona qase o Tevita,

Luke 1:35

Sa qai sauma na agilosi ka kaya vua, “Ena lako sobu mai vei iko na Yalo Tabu, ka na sobuti iko na kaukauwa i Koya sa Cecere Sara. Ena ka oqo, ena vakatokai kina na gonelailai tabu sa sucu mai vei iko me Luve ni Kalou.

Luke 1:76

“Ia o iko na gone, o na vakatokai na parofita i Koya sa Cecere Sara. Ni o na liu ena mata ni Turaga Mo caramaka na nona sala;

Cakacaka 12:23

Sa qai samuti Eroti vakasauri e dua na agilosi ni Turaga ka ni a sega ni vakarokorokotaka na Kalou o koya. A sa kanilaka na yagona na baca ka mani mate sara kina.

Roma 11:33

Sa uasivi dina na vinaka ni Kalou kivei keda kece! Sa titobu sara na nona vuku kei na nona kila-ka! O cei ena rawa ni vakamacalataka na lomana? O cei e rawa ni kila na nona i vakarau?.

Jemesa 2:13

baleta ni na sega ni vakatakila na Kalou na nona yaloveivosoti vua na tamata sa sega vua na yaloveivosoti ena gauna ni veilewai; ni sa uasivi cake na yaloveivosoti mai na veilewai.

1 Pita 4:12

Oi kemuni na wekaqu lomani, ni kakua ni kurabui ena vuku ni rarawa levu sa yaco tiko vei kemuni mo ni vakatovolei kina, me vaka beka ni sa yaco tiko vei kemuni e dua na ka vou.

1 Joni 3:13

Ni kakua ni kurabui, kemuni na wekaqu, kevaka sa cati kemuni o ira na kai vuravura.