Dauvunau 5:6 - Vakavakadewa Vou kei na iVola tale eso

⁶ Kakua ni laiva na nomu vosa me vakavuna na nomu i valavala ca, mo qai kaya kina vua na bete ni Kalou ni o a sega ni nakita na ka o a tukuna. Na cava mo vakacudruya kina na Kalou? Na cava o vakavuna kina me vakarusa na veika o cakava?

Ai Vola Tabu (Vakadewa Makawa Vakavoutaki 2021)

⁶ Mo kakua ni solia na gusumu me vakacala na nomu bula, ka mo kakua talega ni kaya e matana na agilosi ni sa nomu vosa cala. A cava me cudru kina na Kalou e na vuku ni nomu vosa, ka vakarusa kina na cakacaka ni ligamu?

AI VOLA TABU

⁶ Mo kakua ni solia na gusumu me vakacala na lewemu; mo kakua talega ni kaya e matana na agilose, ni sa nomu vosa cala: me vakacudrui na Kalou vakacava e na vuku ni domomu, me vakarusa na cakacaka ni ligamu?

Vakavakadewa Makawa

⁶ Mo kakua ni solia na gusumu me vakacala na lewemu; mo kakua talega ni kaya e matana na agilose, ni sa nomu vosa cala: a cava mo vakacudruya kina na Kalou e na vuku ni nomu vosa ka me vakarusa na cakacaka ni ligamu?

Ai Vola Tabu Ena Vakavakadewa Vou

⁶ Kakua ni laiva na nomu vosa me vakavuna na nomu i valavala ca, mo qai kaya kina vua na bete ni Kalou ni o a sega ni nakita na ka o a tukuna. Na cava mo vakacudruya kina na Kalou? Na cava o vakavuna kina me vakarusa na veika o cakava?

Dauvunau 5:6 Iomraidhean Croise

Vakatekivu 48:16

Me vakalougatataki rau na agilosi sa dau vakabulai au mai na leqa kecega; Me bula vei rau oqo na yacaqu kei na yacadrau na tamaqu o Epara-ama kei Aisake! Me levu na nodrau kawa ka tubu me lewe vuqa e vuravura!”

Vosavakaibalebale 23:17

Kakua ni vuvutaki ira na tamata i valavala ca; ia mo rerevaki Jiova tikoga ena veisiga kece.

Dauvunau 10:12

Na nona vosa na tamata vuku sa vakavuna na nona dokai, ia na nona vosa na tamata lialia sa na vakarusai koya.

Dauvunau 3:14

Au sa kila ni veika kece sa cakava na Kalou ena tudei ka sega ni mudu. E sega ni rawa mo kuria tale e dua na ka se mo kauta tani mai kina e dua na ka. Sa dua na ka sa cakava na Kalou, o ya me vakavuna me da rerevaki koya.

Vunau ni Soro 4:2

me tukuna vei ira na Isireli ni kevaka e dua na tamata sa kitaka vakacalaka se sega ni nakita na nona cakava cala e dua na ka sa vakarota o Jiova, ia me muria na i vakaro oqo:

Vunau ni Soro 4:22

Kevaka sa caka cala e dua na i liuliu ka sega ni nakita, ka sa vakadinadinataka na nona voroka vakacalaka e dua na i vakaro i Jiova,

Malakai 2:7

Sa nodra i tavi ga na bete me ra vakatavuvulitaka na i vakavuvuli dina me baleta na Kalou. E dodonu me ra lako na tamata ka la'ki vulica mai vei ira na ka au sa vinakata, baleta ni sai ira oqo na i talatala i Jiova ni lewevuqa.

Malakai 3:1

A sa sauma vakaoqo o Jiova ni lewevuqa, “Au sa na tala yani na noqu i talai me la'ki vakarautaka vei au na sala. Ena qai basika vakasauri yani ki na nona Valenisoro na Turaga o ni vakasaqara tiko. Na i talai o ni gadreva tiko mo ni raica ena lako yani ka kacivaka na noqu veiyalayalati.”

Tiko mai na Lekutu 15:25

Me qai sorovaki ira na lewenivanua taucoko e Isireli na bete, era na qai vosoti ni ra sa kauta na nodra i madrali, na ka sa cabori ena bukawaqa; kei na i soro ni valavala ca, ena vuku ni nodra vakacalaka ena mata i Jiova.

1 Korinica 11:10

Ena vukudra na agilosi, sa dodonu kina vua na yalewa me ubia na uluna me vakatakila ni sa tiko o koya ena ruku ni veiliutaki nei watina.

1 Timoci 5:21

Au sa vakaroti iko oqo ena mata ni Kalou kei Jisu Karisito kei ira na agilosi digitaki mo muria na veivakaro oqo, me dodonu na nomu lewa ka kakua ni veitotaki.

Iperiu 1:14

A cava sara mada o ira na agilosi? Sa i ira ga na yalo dauveiqaravi vua na Kalou ka ra sa talai mai vua me ra vukei ira era sa vakarau ciqoma na i veivakabulai ni Kalou.

Jemesa 1:26

Kevaka sa nanuma e dua na tamata ni sa lotu, ka qai sega ni vakatulewataka rawa na yamena, sa ka walega na nona lotu, ka sa vakaisini koya ga vakai koya.

Jemesa 3:2

Oi keda kece eda dau caka cala. Ia kevaka e dua na tamata sa sega ni dau cala ena nona vosa, sa tamata vinaka sara o koya ka sa rawa talega ni vakatulewataka vakavinaka na nona bula raraba.

2 Joni 1:8

Ni qarauni kemuni vinaka, mo ni kakua kina ni vakayalia na veika eda cakacakataka oti, ia mo ni na taura ga na kena i sau taucoko sara.