Dauvunau 5:18 - Vakavakadewa Vou kei na iVola tale eso

¹⁸ Sa i koya oqo na ka au sa kunea rawa: na ka uasivi duadua e rawa me cakava e dua na tamata sai koya me kana ka gunu ka marautaka na ka e cakava rawa ena gauna lekaleka ni nona bula sa solia vua na Kalou; sai koya oqo na nona i votavota sa solia vua na Kalou.

Ai Vola Tabu (Vakadewa Makawa Vakavoutaki 2021)

¹⁸ Raica, na ka ka'u a kunea, ni sa yaga ka kilikili kaya na tamata me kana ka gunu, ka rekitaka na kena vinaka ni nona cakacaka kece sa oga kina e ruku ni mata-ni-siga e na veisiga kece ni nona bula, sa solia vua na Kalou, ni sa nona i votavota oqo.

AI VOLA TABU

¹⁸ Raica, na ka kaʼu a kunea: ni sa yaga ka kilikili kaya na tamata me kana ka gunu, ka rekitaka na vinaka ni nona cakacaka kece e sa oga kina e ruku ni siga e na veisiga kece ni nona bula, a ya sa solia vua na Kalou: ni sa nonai votavota o qori.

Vakavakadewa Makawa

¹⁸ Raica, na ka ka'u a kunea: ni sa yaga ka kilikili kaya na tamata me kana ka gunu, ka rekitaka na kena vinaka ni nona cakacaka kece sa oga kina e ruku ni mata-ni-siga e na veisiga kece ni nona bula, sa solia vua na Kalou: ni sa nonai votavota oqo.

Ai Vola Tabu Ena Vakavakadewa Vou

¹⁸ Sa i koya oqo na ka au sa kunea rawa: na ka uasivi duadua e rawa me cakava e dua na tamata sai koya me kana ka gunu ka marautaka na ka e cakava rawa ena gauna lekaleka ni nona bula sa solia vua na Kalou; sai koya oqo na nona i votavota sa solia vua na Kalou.

Dauvunau 5:18 Iomraidhean Croise

NA SAME 42:8

Sa vakarota o Jiova na nona loloma tudei ena veisiga. Ka sa tiko ga e lomaqu na nona sere ena veibogi, Kei na masu vua na Kalou ni noqu bula.

Dauvunau 11:9

Kemuni na cauravou ni marautaka na nomuni gauna ni cauravou. Mo reki ni o sa cauravou tiko ka cakava na ka o via cakava, ka vakamuria na gagadre ni lomamu. Ia mo nanuma tikoga ni na lewai iko na Kalou ena ka kecega o cakava.

Dauvunau 2:10

Na ka kecega au vinakata au rawata. Au sega ni cakitaka ki na noqu bula e dua na mataqali marau. Au sa dau cibitaka na ka kecega au rawata, ka sai koya oqo na kequ i sau.

Dauvunau 2:24

Na ka uasivi duadua e rawa ni cakava e dua na tamata, sai koya me kana, gunu, ka me marautaka na veika e rawata. Ia au sa qai la'ki nanuma ni ka talega oqo e taka mai vua na Kalou.

Dauvunau 2:3

Sa qai vakauqeti au voli na noqu gadreva na vuku, au sa qai nakita me'u vakamarautaki au ena waini. Au a nanuma ni sai koya oqo na ka uasivi duadua e rawa ni cakava na tamata ena nona bula lekaleka ena vuravura oqo.

Dauvunau 3:22

Ia au sa qai la'ki raica ni ka uasivi duadua e rawa me cakava e dua na tamata sai koya me marautaka na nona cakacaka. E sega tale ni rawa ni cakava e dua na ka. Sa sega tale ni dua na sala me kila rawa kina na ka e yaco ni sa mate o koya.

Dauvunau 6:2

Sa solia na Kalou vua e dua na tamata na i yau, na dokai kei na veika me taukena, io na veika kece sara e gadreva, ena qai sega ni soli vua me marautaka. Era na qai la'ki marautaka tale e so na tamata tani. Sa sega sara ga na kena yaga ka sega ni dodonu.

Dauvunau 8:15

Ia au sa vakadinata ni sa dodonu vua e dua na tamata me vakamarautaki koya baleta ni ka ga me marau kina ena vuravura oqo sai koya na kana kei na gunu ka vakamarautaki koya. Sa na rawa me na cakava voli na ka oqo ena nona cakacaka voli ena nona gauna ni bula lekaleka sa solia vua na Kalou ena vuravura oqo.

Dauvunau 9:7

Ia mo lako ga ka kania na kemu kakana ena marau ka gunuva na memu waini ena reki. Sa vinaka oqo vua na Kalou.

Jeremaia 52:34

A dau soli tiko vua e dua na i wase ni lavo me dau vakayagataka ena veisiga yadua me yacova sara na gauna a mate kina.

1 Korinica 16:16

mo ni vakadadamuria na i vakarau ni nodra veiliutaki na mataqali tamata vakaoqo, vata kei ira era cakacaka ka veiqaravi vata kaya.

Vakarua 12:18

Mo ni kania ga na veika oqo ena mata i Jiova na nomuni Kalou ena vanua sa digitaki mo ni qaravi koya kina: oi kemuni vata kei ira na luvemuni, o ira na nomuni dauveiqaravi vata kei ira na kawa i Livai era tiko ena nomuni veikoro. O ni na marau ena mata i Jiova na nomuni Kalou ena ka kecega o ni cakava.

Vakarua 12:7

Mo ni kana mai kea ena mata i Jiova na nomuni Kalou ena marau, oi kemuni kei ira na nomuni vuvale ena vuku ni veika vinaka sa vakalougatataki kemuni kina o Jiova.

Vakarua 26:11

Mo ni marau ena vuku ni veika vinaka sa solia vei kemuni kei na nomuni vuvale o Jiova na nomuni Kalou; me ra marau vata kei kemuni na Livai kei ira na vulagi era tiko kei kemuni.

1 Timoci 6:17

Vunauci ira era sa vutuniyau ena veika ni vuravura oqo me ra kakua ni qaciqacia se vakararavi ki na i yau sa sega ni tudei, ia me ra vakararavi ga vua na Kalou, o koya sa solia walega vakayauyau na veika kecega vei keda me da marau kina.