Dauvunau 5:1 - Vakavakadewa Vou kei na iVola tale eso

¹ Qarauna vinaka na nomu i lakolako ki na vale ni Kalou. E vinaka cake mo la'ki vuli e kea mai na kena vakacabori na i soro eso me vaka era dau vakayacora na tamata lialia, ni ra sega ni kila na ka dodonu mai na ka e sega ni dodonu.

Ai Vola Tabu (Vakadewa Makawa Vakavoutaki 2021)

¹ Mo lewa vinaka na yavamu ni ko sa lako ki na vale ni Kalou, ia mo kusarawa mo vakarorogo, mo berabera ga ni vakacabora nai soro ni tamata lialia, ni ra sa sega ni nanuma era sa caka ca.

AI VOLA TABU

¹ MO raica vinaka na yavamu ni ko sa lako ki na vale ni Kalou, ia mo kusarawa me vakarorogo, mo berabera ga ni cabora nai soro vakai ira na lialia: ni ra sega ni nanuma ni ra sa caka ca.

Vakavakadewa Makawa

¹ Mo lewa vinaka na yavamu ni ko sa lako ki na vale ni Kalou, ia mo kusarawa mo vakarorogo, mo berabera ga ni vakacabora nai soro ni tamata lialia: ni ra sa sega ni nanuma era sa caka ca.

Ai Vola Tabu Ena Vakavakadewa Vou

¹ Qarauna vinaka na nomu i lakolako ki na vale ni Kalou. E vinaka cake mo la'ki vuli e kea mai na kena vakacabori na i soro eso me vaka era dau vakayacora na tamata lialia, ni ra sega ni kila na ka dodonu mai na ka e sega ni dodonu.

Dauvunau 5:1 Iomraidhean Croise

2 Veigauna 26:16

Ia ni sa kaukauwa sara o Usaia na tui, a sa tubu cake na nona viavialevu, ka sa vakavuna oqo na nona rusa. E a beca na i tuvatuva i Jiova na nona Kalou ena nona a curuma yani na Valenisoro me vakama na ka boi vinaka ena dela ni cabocabonisoro.

Jope 11:2

E sega beka ni dua me na sauma rawa na vosa lialia oqo? Ena vakadodonutaka rawa beka e dua na tamata na levu ni vosa e cakava?

Jope 22:12

E sega beka ni tiko na Kalou mai na lomalagi e cake sara, Me qai irovi ira sobu mai na veikalokalo Ka veitalia na kedra yawa ki lagi?

NA SAME 89:7

O ni sa dokai ena nodra matabose na yalododonu Ka rerevaki vakalevu sara mai vei ira kece era wavoliti kemuni

Lako Yani 3:5

A sa kaya o Jiova, “Kakua ni toro voleka mai. Luvata tani na i vava mai na yavamu, ni sa vanua tabu o tucake tu kina.

Lako Yani 30:18

“Bulia e dua na beseni parasa vata na kena i tutu parasa. Mo qai biuta ena maliwa ni Vale ni Veitavaki kei na i cabocabonisoro, ka vakatawana ena wai.

Vosavakaibalebale 10:19

Na levu ga ni nomu vosa, na kena totolo talega ni basika mai na i valavala ca. Kevaka o sa yalomatua, o na tiko lo ga.

Vosavakaibalebale 15:8

Sa cata o Jiova na nodra i soro na tamata ca, ia sa taleitaka ga na nodra masu na yalododonu.

Vosavakaibalebale 21:27

A nodra i soro na tamata ca sa ka vakasisila; sa qai ca vakalevu ni cabori ena yalo vakatani.

Aisea 66:3

Era sa cakava na tamata na veika ga era dui vinakata. Era vakamatea e dua na bulumakau me i soro Se cabo e dua na tamata; Era vakacabora e dua na lami, Se musuka e dua na domo ni koli. Era vakacabora na ka boi vinaka, Se masu ki na matakau, Ka taleitaka na mataqali sokalou vakasisila.

Vunau ni Soro 10:3

A sa qai kaya vei Eroni o Mosese, “Oqo na ka a vosataka o Jiova, ni a kaya, ‘Au na vakaraitaki au ni'u sa savasava vei ira era sa toro voleka vei au; ka'u na vakatakila na noqu lagilagi vei ira na noqu tamata.’ ” A sa galu ga o Eroni.

Cakacaka 10:33

Sa i koya au sa talatala sara yani kina vei kemuni, ka sa vinaka sara ga na nomuni lako mai. Keimami tiko kece sara ga kina oqo ena mata ni Kalou me keimami rogoca na veika kece sa vakarota vei kemuni na Turaga mo ni mai tukuna.”

Cakacaka 17:11

O ira maikea era tamata yalo vakaturaga cake mai vei ira era tiko mai Cesalonaika. Era taleitaka vakalevu na vakarogoca na vosa, ka ra sa dau vakasaqaqara ena i Vola Tabu ena veisiga me ra raica kina se sa dina na vosa i Paula era sa rogoca se segai.

1 Korinica 11:22

Sa sega li na nomuni veivale mo ni kana ka gunu kina? Se o ni sa via beca beka na i soqosoqo lotu ni Kalou ka vakamadualaki ira na dravudravua sa sega tu na kedra? Na cava o ni nanuma me'u kaya vei kemuni ena ka oqo? Me'u dokai kemuni beka kina? Sa sega sara ni vakakina!

Iperiu 10:26

Sa sega tale ni qai dua na i soro me na kauta tani na i valavala ca kevaka eda sa nakita me da ia tikoga na i valavala ca ni sa tukuni oti vei keda na ka dina.

Jemesa 1:19

Kemuni na wekaqu lomani, mo ni nanuma vinaka sara oqo! Me dau totolo sara ena vakarorogo na tamata yadua, ka me berabera ga ni vosa, ka berabera ni cudru.

Josua 5:15

A sa qai sauma o koya na turaganivalu ni mataivalu i Jiova ka tukuna, “Mo luvata tani na i vava mai na yavamu, ni sa qele tabu na vanua o sa tu kina.” A sa qai cakava vakakina o Josua.