Dauvunau 4:8 - Vakavakadewa Vou kei na iVola tale eso

⁸ E dua na tamata e tu taudua voli ga. E sega ni bau dua na luvena se dua na tacina, ia sa cakacaka tikoga ka sa sega ni mamau rawa na yalona ena i yau sa tu vua. Sa cakacaka vakaukauwa ena vuku i cei o koya ka sa vakuai koya kina mai na marau? Sa sega talega na kena yaga na ka oqo ka sa dua na i vakarau ni bula vakaloloma.

Ai Vola Tabu (Vakadewa Makawa Vakavoutaki 2021)

⁸ Sa dua na tamata sa tiko duaduaga, ka sega na kenai karua; io, sa sega na luvena se na tacina, ka sa sega ni mudu na nona oga kecega; ka sa sega ga ni mamau na matana e nai yau, ka sa sega kina ni taroga vakaoqo, “E na vukui cei beka ka'u sa oca kina ka vakuwai au kina mai na marau ni yaloqu?” Oqo talega na ka wale, ka cakacaka vakararawa.

AI VOLA TABU

⁸ Sa tiko e dua na tamata, ka sega na kenai sa; io, sa sega na luvena se tacina: a sa tawa mudu ga na nona veiogai kecega; a sa sega ga ni mamau na matana e nai yau; a sa sega ni kaya, E na vuku beka i cei kaʼu sa oca kina, ka vakatabuya na vinaka ki yaloqu? O qo tale na ka walega, io, sa dua na oca ca.

Vakavakadewa Makawa

⁸ Sa dua na tamata sa tiko duaduaga, ka sega na kenai karua; io, sa sega na luvena se na tacina: ka sa sega ni mudu na nona oga kecega; ka sa sega ga ni mamau na matana e nai yau; ka sa sega ni kaya, E na vuku beka i cei ka'u sa oca kina, ka vakatabuya na ka vinaka ki na yaloqu? Oqo talega na ka wale, io, sa dua na oca ca.

Ai Vola Tabu Ena Vakavakadewa Vou

⁸ E dua na tamata e tu taudua voli ga. E sega ni bau dua na luvena se dua na tacina, ia sa cakacaka tikoga ka sa sega ni mamau rawa na yalona ena i yau sa tu vua. Sa cakacaka vakaukauwa ena vuku i cei o koya ka sa vakuai koya kina mai na marau? Sa sega talega na kena yaga na ka oqo ka sa dua na i vakarau ni bula vakaloloma.

Dauvunau 4:8 Iomraidhean Croise

Vakatekivu 2:18

A sa kaya na Kalou o Jiova, “E sega ni vinaka me tiko duadua voli ga na tamata. Au na bulia e dua na nona i tokani me dau vukei koya.”

NA SAME 39:6

E dina ga, ni sa lako voli na tamata me vaka na i yaloyalo ga ni dua na ka. Na veika kece e cakava sa ka wale ga; Sa kumuna vata na i yau, ia, sa sega ni kila se o cei ena taukena.

NA SAME 39:7

Noqu Turaga, me'u na vakanuinui tale ena cava? Au sa vakanuinui ga vei kemuni.

Vosavakaibalebale 27:20

Na gagadre ni tamata ena sega ni mamau rawa me vaka na nodra vuravura na mate na kena sega ni sinai rawa.

Dauvunau 1:13

Au a nakita e lomaqu me'u dikeva matua sara ka vulica na veika kece e caka ena vuravura oqo. Sa cakava tu na Kalou na ka dredre oqo me baleti keda na tamata.

Dauvunau 1:8

Na veika kecega sa yaco kina na oca, na oca sa sega ni rawa me vakamacalataki. Sa sega ni mamau rawa na matada ena ka eda raica ka sega ni mamau rawa na daligada ena ka eda rogoca.

Dauvunau 2:21

O a cakacakataka beka e dua na ka ena nomu vuku taucoko, nomu kila-ka taucoko, kei na nomu maqosa kece sara, ia o na qai laiva tu vei ira eso era sega ni daucakacaka. Sa sega sara ga na kena yaga ka sega ni dodonu.

Dauvunau 2:23

Na veika kece o cakava ena gauna kece ni nomu bula e sega ni kauta mai e dua na ka, na nuiqawaqawa ga kei na mosi ni yalo. E sega sara mada ga ni vakacegu rawa na yalomu ena bogi. Sa sega kecega na kena yaga.

Dauvunau 4:7

Ia au sa raica talega e dua na ka e sega na kena yaga ena vuravura oqo.

Dauvunau 5:10

O koya sa dau lomana na i lavo ena sega ni mamau rawa na yalona, kevaka o gadreva mo vutuniyau o na sega ga ni rawata kece na veika o gadreva. Sa sega ga na kena yaga.

Dauvunau 5:9

Sa vakararavi sara talega e dua na tui ki na vua ni qele.

Aisea 5:8

Ena yaco na veika ca, Vei ira era kuria na vale vei ira sa tu vei ira na vale Vei ira era kuria na vanua vei ira sa tu na nodra vanua Me yacova ni sa sega tale ni dua na tikina e vo. Ka mo ni qai tiko vakataki kemuni ga ena loma ni vanua.

Aisea 55:2

Na cava o ni vakayagataka kina na i lavo Ena ka e sega ni kakana? Na cava o ni vakayagataka kina na kemuni i sau O ni qai sega ni mamau? Ni vakarorogo vei au o ni na qai rawata Na kakana vinaka mo ni kania Na kakana uasivi o ni marautaka ni kania.

Maciu 11:28

“Dou lako mai vei au, oi kemudou kecega sa oca ena kauta voli na i colacola bibi, ka'u na vakacegui kemudou.

Luke 12:20

Ia sa qai kaya vua na Kalou, ‘Tamata lialia! Ena bogi ga edaidai ena tarogi kina vei iko na yalomu, era na qai nei cei na ka o sa vakarautaka tu?’

1 Joni 2:16

Ni veika kece sara era tu e vuravura — na gagadre ca ni yago, kei na gagadre ca ni mata, kei na yalo e dokadokataka na veika ni bula oqo — era sa sega sara ni lako mai vei Tamada, ia mai vuravura ga.