Dauvunau 4:1 - Vakavakadewa Vou kei na iVola tale eso

¹ Ia au sa qai vakasamataka lesu tale na veika ca kece sa caka tiko e vuravura. Era sa tagi na vakararawataki ka sa sega ni dua e bau via vukei ira. Sa sega ni dua e via vukei ira baleta ni sa tu na kaukauwa vei ira era vakasaurarataki ira.

Ai Vola Tabu (Vakadewa Makawa Vakavoutaki 2021)

¹ Ia ka'u a qai lesu tale, ka kunea na veivakasaurarataki kece sa caka e ruku ni mata-ni-siga. Ka raica, sa vakawai na matadra era sa vakasaurarataki, ka sa sega e vakacegui ira! Ia sa tu vei ira na dauveivakasaurarataki na kaukauwa, ka sa sega e vakacegui ira.

AI VOLA TABU

¹ IA kaʼu a qai lesu tale, ka kunea na veivakasaurarataki kece sa caka e ruku ni siga: ka, raica, sa vakawai na matadra era vakasaurarataki, ka sa sega e vakacegui ira; ia sa tu vei ira na dauveivakasaurarataki na kaukauwa; ia ka sa sega e vakacegui ira.

Vakavakadewa Makawa

¹ Ia ka'u a qai lesu tale, ka kunea na veivakasaurarataki kece sa caka e ruku ni mata-ni-siga: ka raica, sa vakawai na matadra era sa vakasaurarataki, ka sa sega e vakacegui ira; ia sa tu vei ira na dauveivakasaurarataki na kaukauwa; ia ka sa sega e vakacegui ira.

Ai Vola Tabu Ena Vakavakadewa Vou

¹ Ia au sa qai vakasamataka lesu tale na veika ca kece sa caka tiko e vuravura. Era sa tagi na vakararawataki ka sa sega ni dua e bau via vukei ira. Sa sega ni dua e via vukei ira baleta ni sa tu na kaukauwa vei ira era vakasaurarataki ira.

Dauvunau 4:1 Iomraidhean Croise

Jope 16:4

Kevaka mada me datou veisau, Mo dou vakataki au o kemudou, Ena rawa sara ga vei au me'u tukuna Na ka kecega o dou tukuna tiko. Au rawa ni kureitaki ulu vakavuku Ka vakaluvuci kemudou ena levu na vosa.

Jope 35:9

Era vutugu na tamata ni ra sa vakasaurarataki; Era tagi me bau dua e vukei ira.

Jope 6:29

Na nomudou vosa sa rui sivia. Na nomudou veibeitaki vakailasu mo dou tinia. Dou kakua ni beitaki au me'u ca kina. Oi au, au tu ga ena dodonu kei na dina.

Jope 9:24

E a solia oti na vuravura na Kalou vei ira na tamata ca. E a vakamatabokotaki ira talega na turaganilewa. Kevaka a sega ni cakava na Kalou na ka oqo, ia o cei ga?

NA SAME 12:5

A sa kaya o Jiova, “Au sa na lako yani Baleta ni ra sa vakararawataki na dravudravua, Era sa tagi ena vutugu o ira era sa vakararawataki. Au na solia vei ira na galala era gadreva tu!”

NA SAME 142:4

Ni'u sa rai ki yasaqu, au sa sega ni raica E dua me vukei au; Sa sega ni dua me taqomaki au; Ka sega ni dua e bau kauwaitaki au.

NA SAME 142:5

I Jiova, au sa kerea ga na nomuni veivuke, Sa i kemuni, i Jiova, na noqu i sasabai; Sa i kemuni ga na ka kecega ka'u sa gadreva ena bula oqo.

NA SAME 42:3

Au sa tagi ena siga kei na bogi, Ka sa kequ kakana ga na wai ni mataqu; Era sa tarogi au na kequ meca ena veigauna kece, “Sa evei na nomu Kalou?”

NA SAME 42:9

Au sa kaya vua na Kalou o koya sa solia vei au na bula, “Na cava o ni sa guilecavi au kina? Na cava me'u sota kaya tikoga kina na ka rarawa Mai na nodra i tovo kaukauwa na noqu meca?”

NA SAME 69:20

Sa voroka na yaloqu na veivakacacani, Ka'u sa malumalumu sara kina Au a nuitaka me'u bau lomani, ia sa qai sega ni vakakina; Au a vaqara na vakacegu, ia au sa sega ga ni kunea.

NA SAME 69:21

Ni'u a viakana, era a qai solia vei au na ka gaga; Ni'u a viagunu, era a qai solia vei au na wai wiwi.

NA SAME 80:5

O ni sa solia vei keimami me keimami kania Ka gunuva e dua na bilo levu na wai ni mata.

Lako Yani 1:16

“Kevaka o drau sa vakasucumi ira na yalewa ni Iperiu ka tagane na luvedra, drau vakamatea; ia drau laivi ira ga na luvedra yalewa me ra bula.”

Lako Yani 1:22

A sa vakarota na tui vei ira na nona tamata ka kaya, “Mo ni vesuki ira kece sara na gonetagane sucu vou mai vei ira na Iperiu ka viritaki ira ki na uciwai na Naile, ia mo ni laivi ira ga na yalewa me ra bula.”

Vosavakaibalebale 19:7

Era sa sega ni yaga vua na tamata dravudravua na tacina; sa rauta me sega na nona i tokani. Veitalia sara ga na nona saga vakaukauwa, ena sega sara ni rawata e dua.

Vosavakaibalebale 28:3

Na i liuliu e dau vakacacani ira na tamata dravudravua sa vaka na uca ni sa vakarusa na i teitei.

Vosavakaibalebale 29:2

Ni ra veiliutaki na tamata yalododonu era marau na tamata, ia ni ra veiliutaki na tamata ca era na tagi na tamata.

Dauvunau 3:16

Me kuria, au sa raica talega ni sa rawa mo kunea ena vuravura oqo na i valavala ca ena vanua e dodonu me kune kina na lewa dodonu kei na ka dina.

Dauvunau 5:8

Kakua ni kurabui ni o raica ni sa vakasaurarataki ira na dravudravua na matanitu ka cakitaka vei ira na lewa dodonu kei na nodra dodonu. Na tamata vakailesilesi yadua sa taqomaki koya o koya sa liu cake vua ka sa taqomaki rau ruarua o ira era sa cecere cake.

Dauvunau 7:7

Sa vaka na i vukivuki ni tamata lialia e dua na tamata vuku ena gauna sa vakaisina kina e dua na tamata. Ni o taura na ka o saumi kina mo cakava na ka ca sa na vakacacana na nomu i vakarau.

Dauvunau 8:9

Au sa raica na ka kece oqo ena gauna au vakasamataka kina na veika sa caka ena vuravura oqo, na vuravura era sa kaukauwa kina eso na tamata, ka ra sa vakararawataki ira na tani ena vukudra.

Aisea 5:7

O Isireli na loganivaini i Jiova ni lewevuqa, Na vaini sa tea sai ira na lewe i Juta. Sa namaka o koya me ra cakava na ka vinaka, Ia sa qai kena i sosomi na vakadave dra. Sa namaka o koya me ra cakava na ka dodonu, Ia sa qai rogo mai na domo ni veivakararawataki.

Aisea 51:23

Au na qai solia vei ira sa vakararawataki kemuni, O ira era vakavuna mo ni davo sobu ena veisala, Ka buturaki kemuni ena nodra veilakoyaki.”

Aisea 59:7

Na yavamuni sa ciciva na ca, ka vakusakusa mo ni vakadavea na nodra dra na tamata dodonu. O ni sa vakasamataka ga ena nomuni vakasama na i valavala ca, Ka laiva tu na veika ca kei na veika sa rusa ena veivanua o ni lakova.

Jeremaia 16:7

Ena sega e dua me dovia na madrai vua sa rarawa me vakacegui koya kina ena vuku ni wekana sa mate. Sa na sega e dua me solia na bilo ni veivakacegui me vakacegui kina e dua ena vuku i tamana se tinana.

Lele i Jeremaia 1:16

Ia ka'u sa tagi ena vuku ni ka oqo; Sa drodro vakayauyau na wai ni mataqu; Ni sa yawa mai vei au na dauveivakacegui, O koya me vakayaloqaqataki au tale; Era sa biu wale tu ga na luvequ Ni sa gumatua vei ira na kedra meca.

Lele i Jeremaia 1:17

Sa dodoka mai na ligana o Saioni, Ia sa sega e dua me vakacegui koya; Sa veivakaroti o Jiova ena vuku i Jekope Ni ra na nona meca tale o ira sa tiko voliti koya; Sa yaco ga o Jerusalemi Me dua na ka vakasisila vei ira.

Lele i Jeremaia 1:2

A sa tagi vakalevu ena bogi taucoko, Sa drodrova na baluna na wai ni matana; Ena kedra maliwa na nona daulomani Sa sega e dua me vakacegui koya rawa; Era sa liumuritaki koya na nona i tokani kece, Ka yaco me ra nona meca tale.

Lele i Jeremaia 1:9

A sa kunei rawarawa na nona dukadukali, Ia sa sega ni kauwaitaka na nona veisiga ni mataka; Na nona bale sobu sa ka rerevaki sara Ni sa sega ni dua me vukei koya rawa. “I Jiova, ni raica mada na noqu rarawa, Ni ra sa gumatua vei au na kequ meca!

Emosi 3:10

A sa kaya o Jiova, “Era sa sega ni kila o ira oqo na cakacaka vakadodonu, ia era sa binia ga na i tovo kaukauwa kei na butako ena nodra veitikotiko ni valu kaukauwa.

Emosi 3:9

Mo kacivaka vakaoqo ki na veitikotiko ni valu kaukauwa mai Asiria kei Ijipita: “Ni soqoni vata yani ki na veidelana sa volivoliti Samaria ka raica na levu ni cakacaka vakaveitalia kei na i valavala tawa kilikili sa vakayacori tiko kina.”

Malakai 2:13

Oqo tale e dua na ka o ni sa cakava. Sa sinai na i cabocabonisoro i Jiova ena wai ni matamuni, ni o ni sa dautagi ka qoqolou baleta ni sa sega ni qai ciqoma o koya na nomuni madrali mo ni cabora vua.

Malakai 3:18

Era na qai raica tale na noqu tamata na duidui ni veika ena yaco vua na tamata dodonu kei koya e ca, vei koya sa qaravi au vata kei koya sa segai.”

Malakai 3:5

Sa qai kaya na Turaga na Kalou Levu, “Au na rairai mai vei kemudou me ia na veilewai, ka'u na kusarawa ni tukuna na nodra ca na daucakaisausau, na dauveibutakoci, na daububului vakailasu, o ira era daubutakoca na i sau ni tamata cakacaka, o ira era dau vakasaurarataki ira na yada, na luveniyali, na kai tani, kei ira era sa sega ni vakarokorokotaki au.”

Maciu 26:56

Ia, sa yaco na veika kecega oqo me vakayacori kina na nodra i vola na parofita.” E ratou sa qai biuti koya kecega na tisaipeli, ka dro.

Vakarua 28:33

E dua tale na matanitu tani ena vakayagataka na vua ni nomuni qele kece kei na veika kece o ni rawata, ia o ni na vakararawataki tikoga ka vakacacani.

Vakarua 28:48

Ena ka oqo, o ni na qaravi ira kina na kemuni meca ena talai ira mai o Jiova. O ni na viakana, ka viagunu, ka luvaiwale, ka gadreva na veika kecega. O Jiova ena vakararawataki kemuni sara vakalevu me yacova na nomuni sa vakarusai.

Jemesa 5:4

O ni se bera ga ni solia na kedra i sau na tamata cakacaka era sa tatamusuki ena nomuni teitei. Ni rogoca mada na nodra kudru! Ni sa rogo yani ki na daligana na Turaga sa Cecere na nodra tagi o ira sa daukumuna vata na kakana sa tamusuki.

Dauveilewai 4:3

Era sa tagi vei Jiova na Isireli me ra vukei; ka ni sa taukena tu o Japini e ciwa na drau na kareti kaukamea, ka sa vakalolomataki ira na Isireli ena i vakarau kaukauwa me ruasagavulu na yabaki.