Dauvunau 3:7 - Vakavakadewa Vou kei na iVola tale eso

⁷ Na gauna ni dresulaka na ka, kei na gauna ni culacula; Na gauna ni vakanomodi, kei na gauna ni vosa;

Ai Vola Tabu (Vakadewa Makawa Vakavoutaki 2021)

⁷ na siga me ia kina na dresuka, kei na siga me ia kina na culacula; na siga me tiko lo kina, kei na siga me vosa kina;

AI VOLA TABU

⁷ na siga mo ia na kadresudresu, kei na siga me ia na culacula; na siga me tiko lo, kei na siga me vosa;

Vakavakadewa Makawa

⁷ Na siga me ia kina na dresuka, kei na siga me ia kina na culacula; na siga me tiko lo kina, kei na siga me vosa kina;

Ai Vola Tabu Ena Vakavakadewa Vou

⁷ Na gauna ni dresulaka na ka, kei na gauna ni culacula; Na gauna ni vakanomodi, kei na gauna ni vosa;

Dauvunau 3:7 Iomraidhean Croise

Vakatekivu 37:29

Ia ni sa lesu mai o Rupeni, sa raica ni sa yali o Iosefo mai na i keli; a sa dresulaka na nona i sulu ni sa rarawa.

Vakatekivu 37:34

Sa qai dresulaka na nona i sulu o Jekope, ka viviraka e dua na i sulu loaloa e tolona me vakaraitaka na nona rarawa, ka sa tagicaka voli na luvena ena dua na gauna balavu.

Vakatekivu 44:18

Sa qai lako o Juta vei Iosefo ka la'ki kaya, “Mo ni yalovinaka na noqu turaga, ni vakadonuya me'u veivosaki mada kei kemuni. Mo ni kakua ni cudruvi au na nomuni tamata, ni kemuni sa vakataka na tui.

Vakatekivu 44:34

Ena rawa vakacava me'u lesu tale vei tamaqu kevaka sa yali na cauravou oqo? Sa dredre sara vei au me'u raica na veika ca ena yacovi tamaqu.”

2 Samuela 1:11

A sa dresulaka na nona i sulu o Tevita ena vuku ni nona rarawa, ka ra sa vakayacora vakakina o ira kece na nona tamata era tu vata kaya.

2 Samuela 3:31

A vosa o Tevita vei Joape, kei ira kecega era tu vata, ka vaka, “Mo ni dresulaka na nomuni i sulu, ka tokara na i sulu taga, ka tagicaki Epineri.” A muria na tavata o Tevita na tui.

1 Tui 21:27

Ia ni rogoca o Eapi, a dresulaka na nona i sulu, vakaisulutaki koya ena i sulu taga, lolo voli, ka lako voli me vaka na tamata yalo rarawa.

2 Tui 18:36

Ia era a galu ga na tamata, ka sega ni cavuta e dua na vosa, ni a vakarota na tui, ka vaka, “Ni kakua ni sauma na nona vosa.”

2 Tui 5:7

Ia ni wilika oti na i vola o ya na tui Isireli, a dresulaka na nona i sulu, a kaya, Oi au beka na Kalou, me rawa ni'u veivakamatei ka veivakabulai, ka tala mai kina vei au na tamata oqo me'u vakabulai koya mai na nona vukavuka? Ia mo ni vakasamataka mada, ka raica, ni sa via vakatubu veivala vei au o koya.

2 Tui 6:30

Ni sa rogoca na tui na nona vosa na yalewa, a sa dresulaka na nona i sulu, ka ra raica na tamata era tiko volekata na bai ni sa daramaka voli e loma na i sulu taga na tui.

Esiteri 7:4

Keimami sa soli oti me keimami vakamatei, ka vaqeyavutaki vakadua. Kevaka me keimami la'ki vakabobulataki wale ga - na tagane kei na yalewa - ke'u a sega ni mai kerekere ka ni na sega ni la'ki vakaleqa na nomuni veiliutaki na tui na neimami vakabobulataki.”

Jope 2:13

E ratou a qai dabe ena vanua a dabe toka kina o Jope, me siga vitu ka sega ni veivosaki, baleta ni ratou a qai raica na levu ni rarawa a yacovi koya tiko.

NA SAME 39:2

Au na galu ka sega ni kaya e dua na ka vinaka. Ia sa qai toro sobu ga na ka rarawa au sota kaya.

Dauvunau 3:6

Na gauna ni vakasaqaqara, kei na gauna ni vakasavuliga; Na gauna ni mamaroroi, kei na gauna ni vakasabusabu;

Aisea 36:21

Era a galu ga na tamata ka sega ni bau sauma e dua na ka, me vaka a vakarota vei ira o Esekaia.

Jeremaia 36:24

Ia a sega ni bau rere se vakaraitaka e dua na i vakatakilakila ni veivutuni na tui kei ira kece na nona vakailesilesi era sa rogoca na veivosa kece sara oqo.

Jeremaia 8:14

A cava e da sa dabe vakadua kina? Ni lako mai me da mai cici ki na veikoro vakabai ka mate mai kea. Sa vakararawataki keda o Jiova me da mate, sa solia vei keda na wai gaga me da gunuva baleta ni da sai valavala ca vua.

Lele i Jeremaia 3:28

Me da dabe duadua ka vakadigagalu Ena gauna ni rarawa sa virikotora na Turaga;

Joeli 2:13

Me dusia na nomudou veivutuni dina Na yalo sa raramusumusu; Ni sa sega ni yaga na dresulaki wale ga ni nomudou i sulu.” Dou lesu vei Jiova na nomudou Kalou, Ni sa yalovinaka ka yalololoma o koya; Sa berabera na nona cudru Ka vutuniyau ena loloma sa tudei; Dou veivutunitaka na nomudou caka cala.

Emosi 5:13

O koya oqo, era na tiko lo ga ena gauna ca vakaoqo na yalomatua!

Emosi 8:3

Ena siga o ya, ena vuki na sere voli ena valenitui me tagi lagalaga ni somate. Ena levu sara na yago ni tamata mate ena veivanua kecega. Era na qai biu galugalu ga mai ki tautuba.”

Maika 7:5

Kakua ni vakabauti koya na wekamu sa tiko volekati iko se vakadinati koya na nomu i tokani voleka. Mo qarauna vinaka sara mada ga na ka o tukuna vua na watimu.

Cakacaka 4:20

Ka ni sa sega ni rawa vei keirau me keirau sega ni tusanaka na veika keirau a raica ka rogoca.”

Cakacaka 9:39

A sa vakarautaki koya sara o Pita ka lako vata yani kei ira. Ni sa yaco yani, era sa kauti koya sara ki na i taba vale e cake. Era wavokiti koya na yada kece, ka ra tagi ka vakaraitaka vua na kote leleka kei na i sulu eso ka dau cula o Tokasa ni a se bula ka tiko vata kei ira.

1 Samuela 10:16

A sauma lesu o Saula vua, “Sa tukuna vakamacala vei keirau ni ra sa kune na asa.” Ia, sa sega ga ni tukuna vei tamana lailai na vosa i Samuela me baleta na kena vakarau soli vua na i tutu vakatui.