Dauvunau 3:2 - Vakavakadewa Vou kei na iVola tale eso

² Na gauna ni sucu, kei na gauna ni mate, Na gauna ni teitei, kei na gauna ni tatamusuki;

Ai Vola Tabu (Vakadewa Makawa Vakavoutaki 2021)

² sa dua na siga me sucu kina, kei na siga me mate kina; na siga me ia kina na teitei, kei na siga me cavuta kina na ka sa tei;

AI VOLA TABU

² sa tiko na siga me sucu kina, kei na siga me mate kina; na siga me ia na teitei, kei na siga me cavuta na ka sa tei;

Vakavakadewa Makawa

² Sa dua na siga me sucu kina, kei na siga me mate kina; na siga me ia kina na teitei, kei na siga me cavuta kina na ka sa tei:

Ai Vola Tabu Ena Vakavakadewa Vou

² Na gauna ni sucu, kei na gauna ni mate, Na gauna ni teitei, kei na gauna ni tatamusuki;

Dauvunau 3:2 Iomraidhean Croise

Vakatekivu 17:21

Ia, au na vakataudeitaka na noqu veiyalayalati kei na luvemu tagane o Aisake, o koya ena vakasucuma o Sera ena gauna vata oqo ena yabaki ka lako mai.”

Vakatekivu 47:29

Ia ni sa voleka mai na gauna ni nona mate, sa qai kacivi Iosefo mai na luvena ka kaya vua, “Kevaka o sa lomani au, mo biuta na ligamu ena ruku ni sagaqu, ka cavuta na nomu vosa ni bubului ni o na sega ni buluti au e Ijipita.

1 Tui 13:2

Ena nona talairawarawa ki na lewa i Jiova, a sa qai vosataka na tamata ni Kalou na i cabocabonisoro, ka kaya, “I cabocabonisoro, i cabocabonisoro, sa kaya vakaoqo o Jiova: Raica, e dua na gonetagane, o Josaia na yacana, ena sucu mai na vuvale i Tevita. O koya ena vakamatei ira na bete era sa dau qaravi ira na kalou tani ka ra dau vakacaboisoro e delamu, ka na vakama talega na sui ni tamata e delamu.”

2 Tui 4:16

A sa kaya vua o Ilaisa, “Ena gauna vata oqo ena yabaki vou, o sa na roqota voli e ligamu e dua na luvemu tagane.” A sa kaya na marama, “E segai noqu turaga, mo ni kakua mada ni lasutaka na nomuni vada. Oi kemuni na tamata ni Kalou!”

Jope 14:14

E rawa beka ni bula tale e dua na tamata Kevaka sa mate oti? Ia o au, au sa na waraka sara ga na gauna e bau vinaka cake; Me'u wawa me yacova sara ni sa oti na gauna ni leqa oqo.

Jope 14:5

Na balavu ni nona bula e dua Kei na i wiliwili ni veivula me bula tiko kina, Sa lewai rawa tu ni bera na nona sucu mai. O ni sa vakataulewa oti tu ena ka oqori, Ka sa sega sara ni veisautaki rawa.

Jope 7:1

Na noda bula na tamata e rui voravora ka kaukauwa Me vaka na bula vakaivalu kei na cakacaka e tautuba,

NA SAME 113:9

Sa dokai koya na marama sa sega ni vakaluveni ena nona vale; Ka vakamarautaki koya ena nona solia me vakaluveni. Me vakavinavinakataki ga o Jiova!

NA SAME 52:5

Sa i koya oqo ena vakarusai iko kina na Kalou ka sega ni mudu; Ena tauri iko ka kauti iko tani mai na nomu valelaca; Ena kauti iko tani mai na nodra vanua na bula.

Vosavakaibalebale 24:27

Kakua mada ni tara na nomu vale se tauyavutaka e dua na nomu vale me yacova ni sa vakarau oti na vanua ka vakadeitaka ni o sa na rawa ni rawata na nomu bula.

Aisea 28:24

E sega ni dua na dauteitei, E siviyara tikoga ka tawa mudu, Me vakarautaka tu na nona vanua me teivaki.

Aisea 38:1

Ena gauna vata o ya a tauvi mate kina na tui o Esekaia ka voleka sara ni mate. E a qai mani la'ki sikovi koya o Aisea na parofita na luve i Emosi ka kaya, vua, “Sa tukuna o Jiova mo tuva vinaka kece sara tu na veika kece e tu ena nomu vale baleta ni o sa na sega ni bula tale mai na nomu tauvi mate oqori.”

Aisea 38:5

me lako vei Esekaia ka kaya vua, “Oi au, o Jiova, na Kalou i Tevita na nomu qase, au sa rogoca na nomu masu ka raica na wai ni matamu. Raica, au sa na solia tale e tinikalima na yabaki me vakuri kina na nomu bula.

Aisea 54:1

I Jerusalemi, o a vaka voli na yalewa sega ni vakaluveni, Ia oqo sa qai rawa mo sere ka kaila ena marau. Ena qai levu cake oqo na luvemu Mai vua na yalewa e sega vakadua ni biuti watina.

Jeremaia 1:10

Au sa solia vei iko edaidai na kaukauwa mo lako ki na veivanua kei na veimatanitu, mo cavuraka, ka talaraka sobu, mo basuraka ka vakarusa mo tara cake ka tea.”

Jeremaia 45:4

Sa kaya o Jiova, “Tukuna oqo vua: ‘Oqo na ka sa kaya o Jiova: Au na vakarusa na veika au a tara ka cavuraka na veika kau au a tea, ena loma ni vanua taucoko.

Maciu 13:41

Ena talai ira yani na nona agilosi na Luve ni Tamata ka ra na soqona vata mai na nona matanitu na veika kecega e dau veivakacalai, kei ira ka dau caka ca,

Maciu 15:13

Sa qai sauma o koya ka kaya, “Ena cavu laivi na kau kecega e sega ni tea o Tamaqu vakalomalagi.

Luke 1:13

Sa qai kaya vua na agilosi, “I Sakaraia, mo kakua ni rere! Sa rogoca na Kalou na nomu masu, ka na vakasucuma e dua na luvemu tagane o Ilisapeci na watimu, ia mo qai vakayacani koya me o Joni.

Luke 1:20

Ia o na galu tu mada ka sega ni vosa rawa me yacova na siga ena vakayacori kina na veika oqo, ni o sega ni vakadinata na noqu vosa, ka ni na vakayacori ga ena kena gauna.”

Luke 1:36

Raici koya mada na wekamu o Ilisapeci. A sa dau tukuni tu ni sa sega ni rawa vua me vakaluveni, ia sa vula ono oqo na nona kunekunetaka tiko e dua na gone, e dina ga ni sa qase sara o koya.

Joni 16:21

Ni sa taratara e dua na yalewa, sa ka rarawa vua, ni sa yacova tiko mai na kena gauna. Ia, ni sa sucu rawa na gone, sa sega tale ni nanuma o koya na rarawa, ena kena rekitaki ni sa sucu mai ki vuravura e dua na tamata.

Joni 7:30

Era sa qai saga me ra vesuki koya, ia sa sega ga ni bau dua e tarai koya, ni a se sega ni yaco mai na nona gauna.

Cakacaka 7:17

“Ni sa voleka mai na gauna me vakayacori kina na yalayala, ka a bubului kina na Kalou vei Epara-ama, sa tubu vakalevu na kedra i wiliwili na noda mai Ijipita,

Cakacaka 7:20

Sa i koya na gauna o ya ka a sucu kina o Mosese, e dua na gone mata vinaka. A sa susugi voli ena vale nei tamana me vula tolu.

Kalatia 4:4

Ia ni sa yaco mai na kena gauna dodonu, sa qai tala mai na Luvena na Kalou. A sucu mai vua e dua na yalewa ka mai bula voli ena ruku ni lewa ni Lawa vaka-Jiu,

Vakarua 34:5

A mate mai kea o Mosese; ena vanua o Moapi me vaka na ka a kaya o Jiova.

Iperiu 9:27

Ni sa lesi me ra na mate ga vakadua na tamata, ka me qai muri na nodra lewai mai vua na Kalou.

1 Samuela 2:5

O ira na tamata ka dau vakamamautaki e liu era sa cakacaka saumi me rawa kina na kedra, ia o ira na viakana sa oti mai na nodra viakana. Sa le vitu na luvena na marama yava, ia na marama sa lewe levu na luvena sa qai sega na luvena e vo.