Dauvunau 3:19 - Vakavakadewa Vou kei na iVola tale eso

¹⁹ Ni sa tautauvata ga na ka sa yacovi ira na tamata vata kei ira na manumanu, sa mate o koya me vakataki ira talega na manumanu. E rau sa tautauvata ga. Sa sega ni vinaka cake na tamata mai na manumanu baleta ni sa sega ni vakaibalebale ruarua vei rau na bula.

Ai Vola Tabu (Vakadewa Makawa Vakavoutaki 2021)

¹⁹ Ni sa yacovi ira na tamata na ka sa yacova na manumanu; ni sa tautauvata ga na ka sa yacovi ira; me vaka sa mate oqo, sa mate vaka talega kina ko ya. Io, sa duavata ga na nodra i cegu, ka sa sega ni uasivi cake na tamata e na manumanu, ni sa ka wale kecega.

AI VOLA TABU

¹⁹ Ni sa yacovi ira na luve ni tamata na ka sa yacova na manumanu; ni sa dua vata ga na ka sa yacovi ira: me vaka sa mate o qo, sa mate vaka talega kina ko ya; io, sa dua vata ga na kedra cegu; a sa sega ni uasivi cake na tamata e na manumanu: ni sa ka wale kecega.

Vakavakadewa Makawa

¹⁹ Ni sa yacovi ira na tamata na ka sa yacova na manumanu; ni sa tautauvata ga na ka sa yacovi ira: me vaka sa mate oqo, sa mate vaka talega kina ko ya; io, sa dua vata ga na nodra i cegu; ka sa sega ni uasivi cake na tamata e na manumanu: ni sa ka wale kecega.

Ai Vola Tabu Ena Vakavakadewa Vou

¹⁹ Ni sa tautauvata ga na ka sa yacovi ira na tamata vata kei ira na manumanu, sa mate o koya me vakataki ira talega na manumanu. E rau sa tautauvata ga. Sa sega ni vinaka cake na tamata mai na manumanu baleta ni sa sega ni vakaibalebale ruarua vei rau na bula.

Dauvunau 3:19 Iomraidhean Croise

2 Samuela 14:14

Eda na mate vakaidina kecega; ni da sa vaka na wai sa tasova ki na qele, ka sa sega ni rawa me la'ki takivi tale mai. Ni sa sega ni kauta tani na nona bula e dua na tamata na Kalou, ia na tui e dodonu me vakasaqara e dua na sala me vakalesui mai kina na tamata sa vakasevi tani.

NA SAME 104:29

Ni o ni sa gole tani era sa rere; Ni o ni sa tarova na nodra i cegu era sa mate Ka suka tale ki na qele era a buli mai kina.

NA SAME 49:12

Na nona cecere e dua na tamata ena sega ni rawa ni tarova na nona mate: Ena mate yani o koya me vaka na manumanu.

NA SAME 49:13

Raica na ka e yacovi ira era sa vakararavi ga vei ira, Io, na veika ca era na sotava na dauvakararavi ki na nodra i yau.

NA SAME 49:20

Na nona cecere ena sega ni tarova rawa na nona mate; Ena mate ga o koya me vakataki ira na manumanu. A Same i Esava.

Dauvunau 1:14

Au sa raica na veika kece e caka e vuravura oqo, ka'u sa tukuna kina oqo vei kemuni ni sa sega kecega ni vakaibalebale. Sa tautauvata ga kei na vakacemuri cagi.

Dauvunau 1:17

Au a nakita e lomaqu me'u vulica na kedrau duidui na kila-ka kei na yalowai, na yalomatua kei na lialia, ia au sa qai kunea ni sa vaka talega na vakatobo cagi.

Dauvunau 2:14

Sa rawa vei ira na vuku me ra raica na vanua me ra lako kina, ia era sa sega ni raica rawa na tamata lialia. Ia au sa kila talega ni sa tautauvata ga na ka dredre era na sotava vata kecega na vuku kei na lialia.

Dauvunau 2:16

E sega ni bau dua e nanumi ira na lialia. Eda na guilecavi kecega ena gauna mai muri. Eda na mate vata kecega na vuku kei na lialia.

Dauvunau 7:2

Sa uasivi cake me da lako ki na dua na vale e caka tiko kina na vakaloloku, mai na vale e caka tiko kina na kana magiti baleta ni na rawa me ra vakasamataka kina na tamata era bula tiko ni sa waraki keda kece tu ga na mate.

Dauvunau 9:12

O na sega ni kila na yaco mai ni nomu gauna me vaka na manumanu vuka e coko vakasauri ena dai, ka vaka na ika e coko ena lawa, eda dau coko talega ena so na gauna ca eda sega ni namaka kina.

Dauvunau 9:2

Sa sega na kena duidui. Sa tautauvata ga na ka ca sa yacovi ira na yalododonu kei ira na i valavala ca, vei ira na vinaka kei ira era ca, vei ira era lotu kei ira era sega ni lotu, vei ira era dau qarava na Kalou kei ira era sega ni dau qarava na Kalou. Sa sega ni uasivi cake na tamata vinaka mai na tamata i valavala ca, sa sega talega ni uasivi cake o koya sa bubului vei koya sa sega ni bubului.

Tiko mai na Lekutu 16:29

Kevaka eratou mate o iratou oqo ena vuku ni nodratou sa qase ka sega ena cudru i Jiova, ia sa sega ni talai au mai o Jiova.