Dauvunau 3:16 - Vakavakadewa Vou kei na iVola tale eso

¹⁶ Me kuria, au sa raica talega ni sa rawa mo kunea ena vuravura oqo na i valavala ca ena vanua e dodonu me kune kina na lewa dodonu kei na ka dina.

Ai Vola Tabu (Vakadewa Makawa Vakavoutaki 2021)

¹⁶ Ia ka'u a raica e ruku ni mata-ni-siga nai tikotiko ni veilewai, ni sa tiko kina na ka ca; ni sa tiko talega na caka cala e nai tikotiko ni caka dodonu.

AI VOLA TABU

¹⁶ Ia kaʼu a raica e ruku ni siga na tikina ni veilewai, ni sa tiko kina na ka ca; na tikina talega ni caka dodonu, ni sa tiko kina na caka cala.

Vakavakadewa Makawa

¹⁶ Ia ka'u a raica e ruku ni mata-ni-siga nai tikotiko ni veilewai, ni sa tiko kina na ka ca; ni sa tiko talega na caka cala e nai tikotiko ni caka dodonu.

Ai Vola Tabu Ena Vakavakadewa Vou

¹⁶ Me kuria, au sa raica talega ni sa rawa mo kunea ena vuravura oqo na i valavala ca ena vanua e dodonu me kune kina na lewa dodonu kei na ka dina.

Dauvunau 3:16 Iomraidhean Croise

Dauvunau 4:1

Ia au sa qai vakasamataka lesu tale na veika ca kece sa caka tiko e vuravura. Era sa tagi na vakararawataki ka sa sega ni dua e bau via vukei ira. Sa sega ni dua e via vukei ira baleta ni sa tu na kaukauwa vei ira era vakasaurarataki ira.

Dauvunau 5:7

Veitalia ga na veika kece o tadra, na nomu cakacaka kecega e sega na kena yaga kei na nomu vosa e vuqa, sa dodonu mo rerevaka tikoga na Kalou.

Dauvunau 5:8

Kakua ni kurabui ni o raica ni sa vakasaurarataki ira na dravudravua na matanitu ka cakitaka vei ira na lewa dodonu kei na nodra dodonu. Na tamata vakailesilesi yadua sa taqomaki koya o koya sa liu cake vua ka sa taqomaki rau ruarua o ira era sa cecere cake.

Dauvunau 8:9

Au sa raica na ka kece oqo ena gauna au vakasamataka kina na veika sa caka ena vuravura oqo, na vuravura era sa kaukauwa kina eso na tamata, ka ra sa vakararawataki ira na tani ena vukudra.

Aisea 59:14

Sa vagolei tani na dodonu Ka sega ni rawa ni voleka mai na i tovo savasava. Sa bale sobu na dina ena loma ni rara ni koro Ka sa sega na tikina me nona na dina.

Maika 2:2

Ni ra sa vinakata e dua na tiki ni qele, era sa kovea ga; ni ra sa vinakata na vale, era sa taura ga. Sa sega sara ni dua na vuvale me na tiko vakacegu rawa se na i yau me na dau taqomaki vinaka.

Maika 7:3

Era sa kena dau kece sara ena cakacaka ca. O ira na vakailesilesi kei ira na turaganilewa era vinakata kecega na veivaqumi, na i lavo ni veitemaki me ra taura lo. Na tamata kilai ka daurogoci na nona vosa sa dautukuna ga vei ira na ka e vinakata, ka ra sa qai daubosea vata ka sa sega kina na lewa dodonu.

Sefanaia 3:3

Era sa vaka na laione dautagi na kena i vakalesilesi; o ira na kena turaganilewa era sa vaka na olifa sa viakana, era sa sega ni rawa ni vakavoca e dua na sui me yacova na mataka ka tarava ena levu ni nodra kocokoco.

Maciu 26:59

Era sa qai vakasaqara o ira na bete levu kei ira kece na lewe ni matabose e cake e dua na ka me ra beitaki Jisu kina, me mate kina o koya;

Cakacaka 23:3

Sa qai kaya vua o Paula, “Na Kalou ena sabalaki iko vakaidina — ai bulubulu boro vulavula o iko! O sa dabe ena i tikotiko oqori mo lewai au me vaka na ka sa tukuna na Lawa, ia o sa qai voroka tale na Lawa ena nomu vakarota me'u sabalaki!”

Jemesa 2:6

Ia o ni sa beci ira ga na tamata dravudravua oi kemuni! E sega li ni o ira na vutuniyau oqo era sa dau vakasaurarataki kemuni ka kauti kemuni vakaukauwa ki na mataveilewai?