Dauvunau 3:14 - Vakavakadewa Vou kei na iVola tale eso

¹⁴ Au sa kila ni veika kece sa cakava na Kalou ena tudei ka sega ni mudu. E sega ni rawa mo kuria tale e dua na ka se mo kauta tani mai kina e dua na ka. Sa dua na ka sa cakava na Kalou, o ya me vakavuna me da rerevaki koya.

Ai Vola Tabu (Vakadewa Makawa Vakavoutaki 2021)

¹⁴ Au sa kila, na ka kece sa cakava na Kalou, ena tu ga ka sega ni mudu; ena sega na ka me vakaikuritaki kina, ka sega na ka me kau tani mai kina. Ia sa cakava oqo na Kalou, me ra rere tiko vua ko ira na tamata.

AI VOLA TABU

¹⁴ Au sa kila, na ka kece sa cakava na Kalou, ena tu ga ka tawa mudu: ena sega na ka me vakaikuritaki kina, ka sega na ka me kauti tani maikina: ia sa cakava o qori na Kalou, me ra rere na tamata e matana.

Vakavakadewa Makawa

¹⁴ Au sa kila, na ka kece sa cakava na Kalou, ena tu ga ka sega ni mudu: ena sega na ka me vakaikuritaki kina, ka sega na ka me kau tani maikina: ia sa cakava oqo na Kalou, me ra rere tiko vua ko ira na tamata.

Ai Vola Tabu Ena Vakavakadewa Vou

¹⁴ Au sa kila ni veika kece sa cakava na Kalou ena tudei ka sega ni mudu. E sega ni rawa mo kuria tale e dua na ka se mo kauta tani mai kina e dua na ka. Sa dua na ka sa cakava na Kalou, o ya me vakavuna me da rerevaki koya.

Dauvunau 3:14 Iomraidhean Croise

2 Samuela 22:31

Na Kalou oqo sa vinaka vakaoti na nona i valavala, Sa vakadinati sara na nona vosa! Ni sa vaka na i sasabai o koya Vei ira sa gadreva na nona veimaroroi.

NA SAME 33:11

Ia, sa tudei ga na nona i naki ka sega ni mudu, Ena sega talega ni takali rawa na veika sa nakita.

NA SAME 64:9

Era na rere taucoko sara, Era na tukuna na ka sa cakava na Kalou, Ka vakasamataka na veika sa cakava.

NA SAME 76:10

Na cudru ni tamata sa vakavuna ga mo ni dokai vakalevu; O ira era bula ena i valu era dauqarava na nomuni solevu.

Vosavakaibalebale 19:21

Sa rawa ni nakita na tamata e vuqa sara na ka, ia ena qai vakayacori ga na loma i Jiova.

Vosavakaibalebale 21:30

Sa sega na vuku, se na kila-ka, se na i vakasala me uasivi cake mai vei Jiova.

Vosavakaibalebale 30:6

Kevaka o tukuna ni a tukuna o koya e dua na ka sa sega ni cavuta, ena vunauci iko, ka na laurai talega ni o tamata lasulasu.

Dauvunau 12:13

Ia sa rogoci na veika kece; Oqo na i tinitini ni veika kece sara: Mo rerevaka na Kalou ka muria na nona i vunau, Ni sai koya ga oqo na i naki levu e buli kina na tamata.

Dauvunau 5:6

Kakua ni laiva na nomu vosa me vakavuna na nomu i valavala ca, mo qai kaya kina vua na bete ni Kalou ni o a sega ni nakita na ka o a tukuna. Na cava mo vakacudruya kina na Kalou? Na cava o vakavuna kina me vakarusa na veika o cakava?

Dauvunau 5:7

Veitalia ga na veika kece o tadra, na nomu cakacaka kecega e sega na kena yaga kei na nomu vosa e vuqa, sa dodonu mo rerevaka tikoga na Kalou.

Dauvunau 7:18

E vinaka mo kakua ni sivia e dua vei rau kevaka o rerevaka na Kalou o sa na toso cake sara.

Aisea 46:10

Mai na i vakatekivu au a tukuna na i vakataotioti, Ka'u sa cakava na veika kece au nakita me'u cakava.

Taniela 8:8

A tubu cake tikoga na nona qaciqacia na me, ia ena gauna sara ga a tu donu kina na i leu a ramusu, a qai cadra tale mai kina e va na i leu vovou e ratou dui golegole me yadua ki na matanicagi vava.

Cakacaka 2:23

E a soli yani o Jisu vei kemuni me vaka ga sa nakita ka kila e liu na Kalou. O ni a qai tauri koya ka vakota ki na kauveilatai, ka vakamatea ena ligadra na tamata ca.

Cakacaka 4:28

Era a soqoni vata me ra cakava kecega na veika o ni a sa lewa tu mai liu, ena nomuni kaukauwa kei na nomuni i naki, me na vakayacori.

Cakacaka 5:39

Ia kevaka e ka mai vua na Kalou, o ni na sega ni vakarusa rawa. De lakolako ga o ni na qai kunea ni o ni veisaqasaqa tiko kei na Kalou!” Era sa mani lomavata na lewe ni Matabose me ra muria na vakasala i Kamelieli.

Roma 11:36

Ni sa bulia na ka kecega o koya. Era sa bula rawa tu ena nona kaukauwa, ka ra sa bula tale tu ga ena vukuna. Me ia mada ga vua na Kalou na veivakalagilagi ka sega ni mudu! Emeni.

Efeso 3:11

Sa sala vata oqori kei na i naki tawamudu sa mai vakayacori ena vuku i Karisito Jisu na noda Turaga.

Vakarua 32:4

“Sa nomuni i sasabai kaukauwa o Jiova, ka sa uasivi sara ka dodonu na nona sala kecega; Sa yalodina ka dauvosa vakadodonu na nomuni Kalou, ka sa vakayacora na cakacaka dodonu ka savasava.

Vei Taito 1:2

ka sa yavutaki ena nuitaki ni bula tawamudu. A sa yalataka makawa sara tu na bula oqo na Kalou, o koya ka sa sega ni dau vosa lasu.

Jemesa 1:17

Sa lako mai lomalagi na i loloma vinaka kei na i solisoli uasivi kecega; sa lako sobu mai vua na Kalou, o koya sa bulia na rarama vakalomalagi. Sa sega ni dauveivukiyaki o koya me vaka na kena dau veitosoyaki na i yaloyalo ni dua na ka.

Vakatakila 15:4

Turaga, o cei li me na sega ni rerevaki kemuni? O cei li ena bese ni via vakalagilagia na yacamuni? Ni sai kemuni ga sa yalosavasava. Era na lako kece mai na veimatanitu Ka ra na cuva e matamuni, Ni ra sa raica kecega na tamata na nomuni cakacaka dodonu.”