Dauvunau 2:3 - Vakavakadewa Vou kei na iVola tale eso

³ Sa qai vakauqeti au voli na noqu gadreva na vuku, au sa qai nakita me'u vakamarautaki au ena waini. Au a nanuma ni sai koya oqo na ka uasivi duadua e rawa ni cakava na tamata ena nona bula lekaleka ena vuravura oqo.

Ai Vola Tabu (Vakadewa Makawa Vakavoutaki 2021)

³ Au a vakasaqara e lomaqu me'u vakamarautaki au e na gunu waini—ni se veituberi tiko na lomaqu e na vuku—kei na sala me'u muria kina nai valavala sesewa, me yacova ni'u sa kila mada se cava beka na ka vinaka ko ya me nodra na luve ni tamata me ra kitaka e ruku ni lomalagi e na veisiga kecega ni nodra bula.

AI VOLA TABU

³ Au a qaqara e lomaqu, meʼu soli au mada ki na waini, (ia kaʼu sa lewa vakavuku tikoga na lomaqu;) ka meʼu taura nai valavala sesewa, meʼu kila mada se evei beka na kena vinaka dina ko ya mo nodra na luve ni tamata, mo ra kitaka e ruku ni lomalagi e na veisiga kecega ni nodra bula.

Vakavakadewa Makawa

³ Au a segata e lomaqu, me'u vakamarautaki au e na gunu waini, ia ka'u sa lewa vakavuku tikoga na lomaqu; ka me'u muria nai valavala sesewa, me'u kila mada se cava beka na ka vinaka ko ya me nodra na luve ni tamata, me ra kitaka e ruku ni lomalagi e na veisiga kecega ni nodra bula.

Ai Vola Tabu Ena Vakavakadewa Vou

³ Sa qai vakauqeti au voli na noqu gadreva na vuku, au sa qai nakita me'u vakamarautaki au ena waini. Au a nanuma ni sai koya oqo na ka uasivi duadua e rawa ni cakava na tamata ena nona bula lekaleka ena vuravura oqo.

Dauvunau 2:3 Iomraidhean Croise

Vakatekivu 47:9

A qai kaya o Jekope, “Sa 130 na yabaki ni noqu veilakoyaki. Sa lekaleka ga ka rui dredre na veiyabaki oqori, ka sa sega ni tautauvata kei na yabaki ni nodra veilakoyaki na noqu qase.”

Jope 14:14

E rawa beka ni bula tale e dua na tamata Kevaka sa mate oti? Ia o au, au sa na waraka sara ga na gauna e bau vinaka cake; Me'u wawa me yacova sara ni sa oti na gauna ni leqa oqo.

NA SAME 104:15

Ka cakava na waini me vakamarautaki kina, Kei na waini me lumisa kina na matana, Kei na madrai me solia vua na kaukauwa.

Vosavakaibalebale 20:1

Na gunu vakasivia sa vakavuna na kosakosa kei na lialia. Sa dauveivakasesei na daumateni.

Dauvunau 1:17

Au a nakita e lomaqu me'u vulica na kedrau duidui na kila-ka kei na yalowai, na yalomatua kei na lialia, ia au sa qai kunea ni sa vaka talega na vakatobo cagi.

Dauvunau 10:19

Na kana magiti sa vuna na reki ka vakavuna na marau na waini ia ena sega ni rawa ruarua oqo ke sega na i lavo.

Dauvunau 12:13

Ia sa rogoci na veika kece; Oqo na i tinitini ni veika kece sara: Mo rerevaka na Kalou ka muria na nona i vunau, Ni sai koya ga oqo na i naki levu e buli kina na tamata.

Dauvunau 2:24

Na ka uasivi duadua e rawa ni cakava e dua na tamata, sai koya me kana, gunu, ka me marautaka na veika e rawata. Ia au sa qai la'ki nanuma ni ka talega oqo e taka mai vua na Kalou.

Dauvunau 5:18

Sa i koya oqo na ka au sa kunea rawa: na ka uasivi duadua e rawa me cakava e dua na tamata sai koya me kana ka gunu ka marautaka na ka e cakava rawa ena gauna lekaleka ni nona bula sa solia vua na Kalou; sai koya oqo na nona i votavota sa solia vua na Kalou.

Dauvunau 6:12

E rawa beka vakacava vua e dua na tamata me kila na ka e uasivi duadua vua e dua na tamata ena nona bula lekaleka ka tawa yaga oqo, ka vaka ga na takali yani ni yaloyalo ni dua na ka? E rawa vakacava vua e dua na tamata me kila na ka sa yaco e vuravura ni sa na mate oti.

Dauvunau 7:18

E vinaka mo kakua ni sivia e dua vei rau kevaka o rerevaka na Kalou o sa na toso cake sara.

Dauvunau 7:25

Ia au sa vagolea na noqu bula ki na kila-ka vata kei na vuli; au sa nakita me'u kunea na vuku kei na i sau eso ni noqu taro ka me'u kila na ca kei na sesewa ni lialia.

Dauvunau 8:15

Ia au sa vakadinata ni sa dodonu vua e dua na tamata me vakamarautaki koya baleta ni ka ga me marau kina ena vuravura oqo sai koya na kana kei na gunu ka vakamarautaki koya. Sa na rawa me na cakava voli na ka oqo ena nona cakacaka voli ena nona gauna ni bula lekaleka sa solia vua na Kalou ena vuravura oqo.

Maciu 6:24

“E sega ni dua na tamata me qarava rawa e le rua na turaga. Ni na cata e dua ka lomana ga e dua, se ena kabita sara e dua ka beci koya ka dua. Dou sega ni qarava rawa na Kalou kei na i yau.

Efeso 5:18

O koya oqo mo ni kakua kina ni daumateni, ni sa dau yaco kina na ka vakasisila, ia mo ni vakasinaiti ga ena Yalo Tabu.

Dauveilewai 9:13

A sauma na vunivaini ka kaya, ‘Kevaka me'u sa liutaki kemuni, au sa na qai sega ni solia tiko na vuaqu ka sa na sega talega na waini me ra gunuva na veikalou kei ira na tamata me ra na marau kina.’

1 Samuela 25:36

A lesu tale vei Nepali o Apikali; ka ni a caka magiti tiko o koya ena nona vale me vaka na magiti sa ganita e dua na tui; a marau na yalo i Nepali, ni a mateni tiko, ia sa sega ni tukuna vua o koya e dua na ka me yacova na rarama ni mataka.