Dauvunau 2:22 - Vakavakadewa Vou kei na iVola tale eso

²² O cakacaka ka nuiqawaqawa ena nomu i lakolako ena bula oqo; na cava li e tu vei iko me vakaraitaka kina?

Ai Vola Tabu (Vakadewa Makawa Vakavoutaki 2021)

²² Ia ka cava li me nona na tamata e na vuku ni nona cakacaka kecega, kei na ocaoca ni yalona, e na ka sa oga kina ko koya e ruku ni mata-ni-siga?

AI VOLA TABU

²² Ia ka cava li me nona na tamata c na vuku ni nona cakacaka kecega, kei na ocaoca ni yalona, c na ka sa oga kina ko koya e ruku ni siga?

Vakavakadewa Makawa

²² Ia ka cava li me nona na tamata e na vuku ni nona cakacaka kecega, kei na ocaoca ni yalona, e na ka sa oga kina ko koya e ruku ni mata-ni-siga?

Ai Vola Tabu Ena Vakavakadewa Vou

²² O cakacaka ka nuiqawaqawa ena nomu i lakolako ena bula oqo; na cava li e tu vei iko me vakaraitaka kina?

Dauvunau 2:22 Iomraidhean Croise

NA SAME 127:2

Sa tawayaga na noda cakacaka vakaukauwa me da tiko vinaka kina, Eda yadra sara vakamataka ka qai moce ni sa bogi levu, Baleta ni sa dau solia na vakacegu na Turaga, Vei ira sa lomana o koya.

Vosavakaibalebale 16:26

Na gagadre ni tamata cakacaka sa vakavuna me cakacaka kina vakaukauwa, baleta me rawa kina ni vakamamautaki.

Dauvunau 1:3

Na cava na kena yaga vua na tamata na veicakacaka kecega sa cakava ena nona bula ena ruku ni matanisiga?

Dauvunau 2:11

Ia au sa qai vakasamataka na veika kecega au sa cakava kei na kaukauwa ni noqu cakacakataka, ia au sa qai kila ni sega ga na kena i balebale. Au vaka voli ga na vakatobo cagi, sa sega kecega na kena yaga.

Dauvunau 3:9

Na cava mada li ena rawata na tamata mai na nona cakacaka kecega?

Dauvunau 4:6

Ia sa uasivi cake me lailai na ka e tu vei keda, ka tu vata kei na yalo vakacegu, ka ca na kena levu na ka e tu vei keda, ka sala vata kei na loma ocaoca, e vaka na via vesuka na cagi.

Dauvunau 4:8

E dua na tamata e tu taudua voli ga. E sega ni bau dua na luvena se dua na tacina, ia sa cakacaka tikoga ka sa sega ni mamau rawa na yalona ena i yau sa tu vua. Sa cakacaka vakaukauwa ena vuku i cei o koya ka sa vakuai koya kina mai na marau? Sa sega talega na kena yaga na ka oqo ka sa dua na i vakarau ni bula vakaloloma.

Dauvunau 5:17

Ia eda na bula ga ena butobuto kei na rarawa, loma ocaoca, vakaloloma ka mate.

Dauvunau 8:15

Ia au sa vakadinata ni sa dodonu vua e dua na tamata me vakamarautaki koya baleta ni ka ga me marau kina ena vuravura oqo sai koya na kana kei na gunu ka vakamarautaki koya. Sa na rawa me na cakava voli na ka oqo ena nona cakacaka voli ena nona gauna ni bula lekaleka sa solia vua na Kalou ena vuravura oqo.

Maciu 16:26

Na cava li ena kena yaga vua na tamata kevaka sa rawati vuravura taucoko ka qai vakayalia kina na nona bula? Se na cava ena solia na tamata me i sau ni nona bula?

Maciu 6:11

“Ni solia mai vei keimami ena siga oqo Na kakana e rauti keimami.

Maciu 6:25

“Oqo na vuna au sa kaya kina vei kemudou mo dou kakua ni lomaocaoca me baleta na nomudou bula ena ka mo dou kania, se na ka mo dou gunuva, se me baleta na yagomudou, se na ka mo dou vakaisulu kina. E sega li ni bibi cake na bula mai na kakana, kei na yago mai na i sulu?

Maciu 6:34

O koya oqo mo dou qai kakua kina ni lomaocaoca me baleta na siga ni mataka, ka ni na qai tiko talega na lomaocaoca ena yaco mai kina. Sa kua soti ni da vakuria na lomaocaoca vakaoqo ki na siga yadua.

Luke 12:22

Sa qai kaya tale vei iratou na nona tisaipeli o Jisu, “O koya oqo au sa kaya kina vei kemudou; dou kakua ni lomaocaoca me baleta na nomudou bula, na ka mo dou kania, se me baleta na yagomudou, na ka mo dou vakaisulu kina.

Luke 12:29

“Dou kakua ni vakasaqara na ka mo dou kania, se na ka mo dou gunuva, ka me kakua talega ni veidreyaki na yalomudou.

1 Korinica 16:16

mo ni vakadadamuria na i vakarau ni nodra veiliutaki na mataqali tamata vakaoqo, vata kei ira era cakacaka ka veiqaravi vata kaya.

Filipai 4:6

Ni kakua ni lomaleqataka e dua na ka, ia na ka kece sara o ni vinakata mo ni kerea ga vua na Kalou ena masu kei na vakavinavinaka.

1 Timoci 6:8

O koya oqo, ni kevaka e tu walega vei keda na i sulu kei na kakana, sa dodonu me rauti keda vakavinaka o ya.

1 Pita 5:7

Ni biuta vua na nomuni lomaocaoca kecega, ni sa daunanumi kemuni o koya.