Dauvunau 2:11 - Vakavakadewa Vou kei na iVola tale eso

¹¹ Ia au sa qai vakasamataka na veika kecega au sa cakava kei na kaukauwa ni noqu cakacakataka, ia au sa qai kila ni sega ga na kena i balebale. Au vaka voli ga na vakatobo cagi, sa sega kecega na kena yaga.

Ai Vola Tabu (Vakadewa Makawa Vakavoutaki 2021)

¹¹ Au a qai vakaraica na cakacaka kecega ka sa cakava na ligaqu, kei na ogaoga ka'u a vakaogai au kina, ka raica, sa ka wale kecega ka sa ka ni oca wale, ka sega na kena yaga e ruku ni mata-ni-siga.

AI VOLA TABU

¹¹ Au a qai sarava na cakacaka kecega ka sa cakava na ligaqu, kei na sagasaga kaʼu a sagati kina me rawa: ka, raica, sa ka wale kecega kei na ocaoca wale, ka sega na yagana e ruku ni siga.

Vakavakadewa Makawa

¹¹ Au a qai vakaraica na cakacaka kecega ka sa cakava na ligaqu, kei na ogaoga ka'u a vakaogai au kina: ka raica, sa ka wale kecega ka sa ka ni oca wale, ka sega na kena yaga e ruku ni mata-ni-siga.

Ai Vola Tabu Ena Vakavakadewa Vou

¹¹ Ia au sa qai vakasamataka na veika kecega au sa cakava kei na kaukauwa ni noqu cakacakataka, ia au sa qai kila ni sega ga na kena i balebale. Au vaka voli ga na vakatobo cagi, sa sega kecega na kena yaga.

Dauvunau 2:11 Iomraidhean Croise

Vakatekivu 1:31

A sa raica na Kalou na ka kecega a bulia ni sa vinaka sara. Ia na yakavi kei na mataka sa kena i kaono ni siga.

NA SAME 89:47

Ni nanuma na kena rui lekaleka ga na noqu bula; Ni nanuma ni o ni sa bulia na tamata kecega me ra bula vakaiyalayala ga!

Lako Yani 39:43

Ni sa raica o Mosese na nodra a vakayacora kece sara na veika sa vakarota o Jiova, a sa qai vosavakalougatataki ira.

Dauvunau 1:14

Au sa raica na veika kece e caka e vuravura oqo, ka'u sa tukuna kina oqo vei kemuni ni sa sega kecega ni vakaibalebale. Sa tautauvata ga kei na vakacemuri cagi.

Dauvunau 1:17

Au a nakita e lomaqu me'u vulica na kedrau duidui na kila-ka kei na yalowai, na yalomatua kei na lialia, ia au sa qai kunea ni sa vaka talega na vakatobo cagi.

Dauvunau 1:3

Na cava na kena yaga vua na tamata na veicakacaka kecega sa cakava ena nona bula ena ruku ni matanisiga?

Dauvunau 3:9

Na cava mada li ena rawata na tamata mai na nona cakacaka kecega?

Dauvunau 5:10

O koya sa dau lomana na i lavo ena sega ni mamau rawa na yalona, kevaka o gadreva mo vutuniyau o na sega ga ni rawata kece na veika o gadreva. Sa sega ga na kena yaga.

Dauvunau 5:16

Oqo e dua talega na ka ca. Eda na lako tale yani me vaka ga na noda a lako mai. Eda cakacaka ka tovolea me da vesuka rawa na cagi, ia na cava li eda bau rawata?

Apakuki 2:13

Era sa vakaocai ira wale ga ena cakacaka e sega na betena o ira na lewe ni veivanua o ni a vakamalumalumutaka ena i valu, ka ni veika kece sara ga era sa bau tara cake rawa sa qeyavu tale ena kama. Oqo na cakacaka ni Kalou Levu.

1 Timoci 6:6

Sa dina sara ni sa veivakaiyautaki vakalevu na lotu, ia vua ga na tamata sa yalo vakacegu ena veika sa soli vua se taukena.