Dauvunau 2:10 - Vakavakadewa Vou kei na iVola tale eso

¹⁰ Na ka kecega au vinakata au rawata. Au sega ni cakitaka ki na noqu bula e dua na mataqali marau. Au sa dau cibitaka na ka kecega au rawata, ka sai koya oqo na kequ i sau.

Ai Vola Tabu (Vakadewa Makawa Vakavoutaki 2021)

¹⁰ Ia na ka kece sa vinakata na mataqu ka'u a sega ni bureitaka kina; ka'u a sega ni tarova na yaloqu mai na dua na ka e marautaki; ni sa daureki na yaloqu e na noqu cakacaka kecega, ia oqo ga na noqu i votavota mai na noqu cakacaka kecega.

AI VOLA TABU

¹⁰ Ia na ka kece sa domona na mataqu kaʼu a sega ni bureitaka kina, kaʼu a sega ni tarova na yaloqu mai na dua na ka e marautaki; ni sa daureki na yaloqu e na noqu cakacaka kecega: ia o qo ga na noqui votavota e na noqu cakacaka kecega.

Vakavakadewa Makawa

¹⁰ Ia na ka kece sa vinakata na mataqu ka'u a sega ni bureitaka kina; ka'u a sega ni tarova na yaloqu mai na dua na ka e marautaki; ni sa daureki na yaloqu e na noqu cakacaka kecega: ia oqo ga na noqu i votavota mai na noqu cakacaka kecega.

Ai Vola Tabu Ena Vakavakadewa Vou

¹⁰ Na ka kecega au vinakata au rawata. Au sega ni cakitaka ki na noqu bula e dua na mataqali marau. Au sa dau cibitaka na ka kecega au rawata, ka sai koya oqo na kequ i sau.

Dauvunau 2:10 Iomraidhean Croise

Vakatekivu 3:6

Ni sa raica na yalewa na vunikau kei na rairai vinaka ni vuana, ka ni sa rui talei vakalevu na vuana me rawati kina na vuku, a sa qai tauca eso na vuana ka kania. E a solia talega eso na vuana vua na watina, ka sa kania talega.

Vakatekivu 6:2

ka so vei ira na kawa ni lomalagi era sa raica na kedra matavinaka na goneyalewa, era sa mani tauri ira kina era sa digitaka ka vakawatitaki ira.

Jope 31:1

Au a sa cakava oti na noqu vosa ni yalayala Ni'u na sega ni garova e dua na goneyalewa ni'u raica.

NA SAME 119:37

Ni tarovi au me'u kakua ni goleva na ka tawayaga; Ni yalovinaka vei au me vaka o ni sa yalataka.

NA SAME 128:2

Ni o ni na kana ga mai na vua ni cakacaka ni ligamuni; O ni na qai marau kina, io ena lako vakavinaka vei kemuni.

Vosavakaibalebale 23:5

Sa na rawa me takali yani vakasauri na nomu i lavo, me vaka era sa vakatabana ka vuka tani yani me vaka na ikeli.

Dauvunau 11:9

Kemuni na cauravou ni marautaka na nomuni gauna ni cauravou. Mo reki ni o sa cauravou tiko ka cakava na ka o via cakava, ka vakamuria na gagadre ni lomamu. Ia mo nanuma tikoga ni na lewai iko na Kalou ena ka kecega o cakava.

Dauvunau 2:1

Au sa qai nakita me'u vakamarautaki au ka me'u raica sara mada se cava sara mada na marau. Ia au sa qai raica ni sa ka e sega ni vakaibalebale talega na ka oqo.

Dauvunau 2:22

O cakacaka ka nuiqawaqawa ena nomu i lakolako ena bula oqo; na cava li e tu vei iko me vakaraitaka kina?

Dauvunau 2:24

Na ka uasivi duadua e rawa ni cakava e dua na tamata, sai koya me kana, gunu, ka me marautaka na veika e rawata. Ia au sa qai la'ki nanuma ni ka talega oqo e taka mai vua na Kalou.

Dauvunau 3:22

Ia au sa qai la'ki raica ni ka uasivi duadua e rawa me cakava e dua na tamata sai koya me marautaka na nona cakacaka. E sega tale ni rawa ni cakava e dua na ka. Sa sega tale ni dua na sala me kila rawa kina na ka e yaco ni sa mate o koya.

Dauvunau 5:10

O koya sa dau lomana na i lavo ena sega ni mamau rawa na yalona, kevaka o gadreva mo vutuniyau o na sega ga ni rawata kece na veika o gadreva. Sa sega ga na kena yaga.

Dauvunau 5:17

Ia eda na bula ga ena butobuto kei na rarawa, loma ocaoca, vakaloloma ka mate.

Dauvunau 5:18

Sa i koya oqo na ka au sa kunea rawa: na ka uasivi duadua e rawa me cakava e dua na tamata sai koya me kana ka gunu ka marautaka na ka e cakava rawa ena gauna lekaleka ni nona bula sa solia vua na Kalou; sai koya oqo na nona i votavota sa solia vua na Kalou.

Dauvunau 6:2

Sa solia na Kalou vua e dua na tamata na i yau, na dokai kei na veika me taukena, io na veika kece sara e gadreva, ena qai sega ni soli vua me marautaka. Era na qai la'ki marautaka tale e so na tamata tani. Sa sega sara ga na kena yaga ka sega ni dodonu.

Dauvunau 6:9

E sega ga na kena yaga; sa vaka ga na via vesu cagi. E vinaka cake me sa mamau na yaloda ena ka ga sa tu vei keda mai na noda gadreva tale eso na ka.

Dauvunau 8:15

Ia au sa vakadinata ni sa dodonu vua e dua na tamata me vakamarautaki koya baleta ni ka ga me marau kina ena vuravura oqo sai koya na kana kei na gunu ka vakamarautaki koya. Sa na rawa me na cakava voli na ka oqo ena nona cakacaka voli ena nona gauna ni bula lekaleka sa solia vua na Kalou ena vuravura oqo.

Dauvunau 9:6

Era sa mate vata yani kei na nodra loloma, nodra veicati kei na nodra vuvu. Era sa na sega tale ni vakaitavi ena dua na ka e caka e vuravura oqo.

Dauvunau 9:9

Marautaka na bula oqo kei na watimu o domona ena gauna taucoko sara o bula voli kina ena bula sega na kena yaga e solia vei iko na Kalou ena vuravura oqo. Marautaka na kena veisiga yadua e sega ni dua na kena yaga baleta ni sai koya kecega oqori na ka o rawata me baleta na nomu leqa.

1 Joni 2:16

Ni veika kece sara era tu e vuravura — na gagadre ca ni yago, kei na gagadre ca ni mata, kei na yalo e dokadokataka na veika ni bula oqo — era sa sega sara ni lako mai vei Tamada, ia mai vuravura ga.

Dauveilewai 14:2

A lesu tale ki nodratou ka tukuna vei rau na tamana kei tinana, “Au sa kerea e dua na goneyalewa ni Filisitia mai Timinaca, au sa taleitaki koya.