Dauvunau 12:1 - Vakavakadewa Vou kei na iVola tale eso

¹ Mo nanumi koya na Dauveibuli Ena dela ni nomu gauna vakatabagone, Ni sa bera ni yaco mai na veisiga ca Ka toro mai na veiyabaki mo na kaya kina, Au sa sega ni vinakata na bula.

Ai Vola Tabu (Vakadewa Makawa Vakavoutaki 2021)

¹ Mo nanumi koya ka buli iko ni ko sa cauravou tiko, ni se bera ni yaco na veisiga ca, ka ni sa sega ni toro mai na veiyabaki, ko na kaya kina, “Au sa sega ni vinakata na ka oqo”;

AI VOLA TABU

¹ O KOYA ka Buli iko mo nanuma ga kina ni ko sa cauravou tiko, ni sa bera ni yaco na veisiga ca, ka tawa toro mai na veiyabaki, ko na kaya kina, Sa sega e na ka o qo meʼu sa vinakata;

Vakavakadewa Makawa

¹ Mo nanumi koya ka Buli iko ni ko sa cauravou tiko, ni sa bera ni yaco na veisiga ca, ka ni sa sega ni toro mai na veiyabaki, ko na kaya kina, Au sa sega ni vinakata na ka oqo:

Ai Vola Tabu Ena Vakavakadewa Vou

¹ Mo nanumi koya na Dauveibuli Ena dela ni nomu gauna vakatabagone, Ni sa bera ni yaco mai na veisiga ca Ka toro mai na veiyabaki mo na kaya kina, Au sa sega ni vinakata na bula.

Dauvunau 12:1 Iomraidhean Croise

Vakatekivu 39:2

Ia sa tiko vata kei Iosefo o Jiova ka vakavuna me rawata vakavinaka na ka kecega sa cakava. A sa tiko o koya ena vale ni kai Ijipita na nona turaga,

Vakatekivu 39:23

Sa sega tale ni qai leqataka na i vakatawa ni valeniveivesu na veika sa vakacolati vei Iosefo, baleta ni sa tiko vata kei koya o Jiova, ka sa vakavuna me rawata vinaka o koya na ka kecega sa cakava.

2 Samuela 19:35

Au sa yabaki walusagavulu ena siga oqo, ka na rawa li vei au me'u kila na ka e vinaka mai na ka e ca? Sa na kila rawa li na nomuni tamata na i kanakana ni ka au kania, se na ka au sa gunuva? Au na rogoca rawa li na domodra na tagane kei na yalewa dausere? Ia na cava li me'u la'ki vakaocai kemuni kina na noqu turaga?”

2 Samuela 19:36

Ena lako vakalekaleka ga na nomuni tamata kei kemuni na tui ki na tai kadua ni Joritani. Me sauma vakacava li vei au na tui ena ka levu vakaoqo?

1 Tui 14:13

Era na tagicaki koya o ira kecega na Isireli ka ra na qai buluti koya; ni sai koya duadua ga oqo vei ira na mataqali i Jeropoama ena yaco ki na i bulubulu, ni sa lomani koya o Jiova, na nodra Kalou na Isireli.

1 Tui 18:12

Ena gauna ga e daru veitalatala kina, ena kauti iko tani na Yalo i Jiova, ka'u na sega ni kila se o na kau ki vei; ia ni'u sa lako ka tukuna vei Eapi, ka sega ni kunei iko o koya, ena qai vakamatei au, ia sa dina ga ni o au na nomu tamata, ka'u sa rerevaki Jiova ni'u sa cauravou ka yacova na gauna oqo.

Niemaia 4:14

Au a raica rawa ni ra sa lomaleqa na tamata, ka'u mani kaya kina vakaoqo vei ira kei na nodra i liuliu vata kei ira na vakailesilesi, “Ni kakua ni rerevaki ira. Mo ni nanumi Jiova ga, ni sa levu ka rerevaki o koya, ia ni vala ena vukudra na wekamuni, na luvemuni, na watimuni, kei na nomuni vuvale.”

Jope 30:2

Oqo na i lala tamata vakasavuliga ka vucesa, Ka rui tawa yaga me ra cakacaka vei au.

NA SAME 119:55

I Jiova, au sa dau vakasamataki kemuni ena bogi, Ka'u sa muria ga na nomuni lawa.

NA SAME 34:11

Ni lako mai, ragone, ka vakarorogo vei au Ka'u na vakavulici kemuni mo ni rerevaki Jiova.

NA SAME 63:6

Ni'u davo ena i davodavo, au sa dau vakananumi kemuni; Au vakasamataki kemuni ena bogi taucoko,

NA SAME 90:10

Na dede ni neimami bula sa vitusagavulu wale ga na yabaki, Ka yacova na walusagavulu, kevaka keimami se kaukauwa voli; Ia, ke mani vakakina, sa kauta ga mai na oca kei na yalo rarawa; Ni sa oti na bula, keimami sa qai takali yani.

Vosavakaibalebale 22:6

Vakavulica na gone ena sala e dodonu me lako kina, ia ni sa qase mai ena sega sara ni lako tani mai kina.

Vosavakaibalebale 8:17

Au sa lomani ira era sa lomani au; O koya sa vakasaqarai au ena kunei au.

Dauvunau 11:10

Mo kakua ni laiva e dua na ka me vakalomaocaocataki iko se me vakavuna na nomu rarawa. Ena sega ni balavu na gauna o na cauravou tiko kina.

Dauvunau 11:2

La'ki biuta na veika o via vakatubura ena vitu na vanua, se me levu sara, baleta ni o sega ni kila na veika ca ena yacovi iko ena vuravura oqo.

Dauvunau 11:8

Mo marautaka na veiyabaki yadua o bula kina. Veitalia sara ga na balavu ni gauna o bula kina, nanuma tiko ni na balavu cake na gauna ni nomu mate. Na veika kece ena yaco mai e muri sa sega na kena yaga.

Aisea 26:8

Keimami muria na lomamuni ka vakanuinui vei kemuni, Sa i kemuni na veika kece keimami gadreva.

Lele i Jeremaia 3:27

Sa ka vinaka vua me da vulica na vosota oqo Ena gauna ni noda tabagone;

Taniela 1:17

Sa qai solia na vuku kei na kila ka kece vaka-Papiloni na Kalou vei iratou na cauravou e lewe va oqo, ka sa solia talega vei Taniela me dau vakamacalataka na i balebale ni tadra kei na raivotu kecega.

Osea 7:9

ka ra sa lecava kina ni nodra vakararavi oqo ki na veimatanitu tani sa vakavuna me kau tani kina na nodra kaukauwa. Sa vakaiyalayala ga na nodra siga, ia era sa sega ga ni kila.

Luke 1:15

Ni na dokai vakalevu o koya ena mata ni Turaga, ka na sega ni gunuva na waini se na gunu kaukauwa. Ena vakasinaiti ena Yalo Tabu me tekivu sara mai na kete i tinana,

Luke 18:16

Ia sa kacivi ira ga vua na gone o Jisu, ka kaya, “Laivi ira na gone lalai me ra lako mai vei au, ka kakua ni tarovi ira, ni sa nodra na gone vakaoqo na matanitu ni Kalou.

Efeso 6:4

Kemuni na i tubutubu, ni kakua ni dau vakacudrui ira na luvemuni ia mo ni dau vakavulici ira ga ena i vakarau kei na i vakavuvuli ni Turaga.

Vakarua 8:18

Mo ni nanuma vinaka ni sai Jiova ga na nomuni Kalou ka sa solia vei kemuni na kaukauwa mo ni vutuniyau kina. Sa kitaka oqo baleta ni sa yalodina tiko edaidai ki na veiyalayalati sa vakayacora kei ira na nomuni qase.

2 Timoci 3:15

Ni o sa kila rawa na i Vola Tabu o iko mai na gauna o se gone kina, ka sa vakavukui iko na ka oqo me nomu rawa kina na bula ni o sa vakabauti Karisito Jisu.

1 Samuela 1:28

Ia, au sa cabora lesu tale kina na gone oqo vei Jiova; ena nona tiko ga o Jiova me yacova na nona bula taucoko. A sa qarava na sokalou vei Jiova mai kea o iratou.

1 Samuela 16:7

Ia sa kaya vei Samuela o Jiova, “Mo kakua ni digitaka na i tuvaki ni kena i rairai se na kena balavu. Au sa sega ni digitaki koya baleta ni'u sa sega ni vakatulewa ena lewa vakatamata. Era sa raica ga na tamata na i rairai e taudaku, ia au sa dikeva na yalona.”

1 Samuela 2:18

A sa qarava tiko na nona i tavi vakabete o Samuela ena mata i Jiova, ka dina ga ni a gone, ka vauci tu e tolona na i sulu vakabete na efoti lineni.

1 Samuela 2:26

A sa tubu tiko na gone o Samuela, ka sa vinakati koya o Jiova, ka vakakina o ira na tamata.