Dauvunau 11:9 - Vakavakadewa Vou kei na iVola tale eso

⁹ Kemuni na cauravou ni marautaka na nomuni gauna ni cauravou. Mo reki ni o sa cauravou tiko ka cakava na ka o via cakava, ka vakamuria na gagadre ni lomamu. Ia mo nanuma tikoga ni na lewai iko na Kalou ena ka kecega o cakava.

Ai Vola Tabu (Vakadewa Makawa Vakavoutaki 2021)

⁹ Mo reki, ko iko na cauravou, ni ko sa cauravou tiko, ka marau e lomamu e na veisiga ko sa cauravou kina, ka muria na sala sa lomamu kina, kei na ka sa gole kina na matamu. Ia mo kila ga, ni na lewai iko na Kalou e na ka kecega oqo.

AI VOLA TABU

⁹ Mo reki, na cauravou, ni ko sa cauravou tiko; ka marau e lomamu e na veisiga ko sa cauravou kina, ka muria na sala sa lomamu kina, kei na ka sa gole kina na matamu: ia mo kila ga, ni sa ka kece o qo ena lewai iko kina na Kalou.

Vakavakadewa Makawa

⁹ Mo reki, ko iko na cauravou, ni ko sa cauravou tiko; ka marau e lomamu e na veisiga ko sa cauravou kina, ka muria na sala sa lomamu kina, kei na ka sa gole kina na matamu: ia mo kila ga, ni na lewai iko na Kalou e na ka kecega oqo.

Ai Vola Tabu Ena Vakavakadewa Vou

⁹ Kemuni na cauravou ni marautaka na nomuni gauna ni cauravou. Mo reki ni o sa cauravou tiko ka cakava na ka o via cakava, ka vakamuria na gagadre ni lomamu. Ia mo nanuma tikoga ni na lewai iko na Kalou ena ka kecega o cakava.

Dauvunau 11:9 Iomraidhean Croise

Vakatekivu 3:6

Ni sa raica na yalewa na vunikau kei na rairai vinaka ni vuana, ka ni sa rui talei vakalevu na vuana me rawati kina na vuku, a sa qai tauca eso na vuana ka kania. E a solia talega eso na vuana vua na watina, ka sa kania talega.

Vakatekivu 6:2

ka so vei ira na kawa ni lomalagi era sa raica na kedra matavinaka na goneyalewa, era sa mani tauri ira kina era sa digitaka ka vakawatitaki ira.

1 Tui 18:12

Ena gauna ga e daru veitalatala kina, ena kauti iko tani na Yalo i Jiova, ka'u na sega ni kila se o na kau ki vei; ia ni'u sa lako ka tukuna vei Eapi, ka sega ni kunei iko o koya, ena qai vakamatei au, ia sa dina ga ni o au na nomu tamata, ka'u sa rerevaki Jiova ni'u sa cauravou ka yacova na gauna oqo.

1 Tui 18:27

Ia ni sa sigalevu, a qai vakalialiai ira o Ilaijia, ka kaya, “Ni kaci vakadomoilevu, ni sa kalou o koya; de dua e vakanananu tiko, se lako vakatikitiki, se lako tu ki na dua na vanua, se moce tiko beka, ka sa yaga me vakayadrati.”

1 Tui 22:15

Ia ni lako mai o Maikaia vua vei Eapi na tui, a kaya vua na tui, “I Maikaia, e dodonu li me keirau lako vata kei Josefati na tui ka la'ki valuti Remoci mai Kiliati, se me kakua?” A sa kaya vua o koya, “Mo ni lako cake, ka mo ni qaqa; ia ena solia o Jiova ki ligamuni na tui.”

Jope 31:7

Kevaka au sa gole tani mai na sala dodonu, Se vakalaivi au me'u malele yani ki na ca, Se kevaka sa mani vakadukadukalitaka na ligaqu na i valavala ca,

NA SAME 81:12

Ia au sa mani biuti ira me ra muria ga na yalodra kaukauwa Ka cakava ga na ka era vinakata.

Dauvunau 12:1

Mo nanumi koya na Dauveibuli Ena dela ni nomu gauna vakatabagone, Ni sa bera ni yaco mai na veisiga ca Ka toro mai na veiyabaki mo na kaya kina, Au sa sega ni vinakata na bula.

Dauvunau 12:14

Ni na lewa na Kalou na ka kecega eda cakava, Kei na ka vuni kecega, Se vinaka, se ca.

Dauvunau 2:10

Na ka kecega au vinakata au rawata. Au sega ni cakitaka ki na noqu bula e dua na mataqali marau. Au sa dau cibitaka na ka kecega au rawata, ka sai koya oqo na kequ i sau.

Dauvunau 3:12

Au sa qai kila ni sega tale ni dua na ka e vinaka cake vua na tamata me cakava, ia me marau ga ka cakava na ka vinaka e rawa ni cakava.

Dauvunau 3:17

Au a qai kaya e lomaqu, Na Kalou ena lewai ira vakatautauvata na i valavala ca kei ira na i valavala dodonu, baleta ni ka kecega kei na ka kece e vakayacori era na dui yaco ga ena kena gauna sa lewai oti tu.

Dauvunau 6:9

E sega ga na kena yaga; sa vaka ga na via vesu cagi. E vinaka cake me sa mamau na yaloda ena ka ga sa tu vei keda mai na noda gadreva tale eso na ka.

Dauvunau 7:14

Mo marau ena gauna e daumaka tu kina na veika kece me baleti iko, ia ena gauna sa yaco mai kina na leqa mo nanuma ni Kalou sa vakavuna ruarua na leqa kei na marau; o sega ni kila na cava tale ena yaco tarava mai.

Jeremaia 23:17

Era tukuna tikoga vei ira na tamata era sega ni via rogoca na noqu vosa, ni na vinaka na veika kece ena yacovi ira, ka ra tukuna vei ira kece era dui muria ga na loma kaukauwa ni na sega na ka ca ena yacovi ira.

Jeremaia 7:24

Ia era a sega ni talairawarawa se vakarogorogo kina. Era sa vakamuria ga na veika e gadreva na yalodra domoqa me ra cakava, era sa qai toro sobu ga kina ka ra sega ni bau vinaka cake.

Lele i Jeremaia 3:27

Sa ka vinaka vua me da vulica na vosota oqo Ena gauna ni noda tabagone;

Tiko mai na Lekutu 15:30

“Ia na tamata sa gadreva me i valavala ca, se i taukei se vulagi sa beca o Jiova; ia me qai kau tani o koya mai vei ira na kai nona.

Tiko mai na Lekutu 15:39

Na wa-talitali oqo me na dau vakananumi kemuni ena gauna kece o ni raica kina, mo ni nanuma na i vakaro kece i Jiova ka talairawarawa kina; mo ni kakua kina ni muria na gagadre ca ni lomamuni kei na matamuni.

Tiko mai na Lekutu 22:32

Sa qai kaya vua na agilosi i Jiova, Na cava o sa mokuta kina vakatolu na nomu asa? Au sa lako mai me'u mai tarovi iko, ni sa sega ni dodonu vei au na nomu i valavala.

Maciu 5:28

Ia au sa kaya vei kemudou oqo, o koya ga e rai vua na yalewa ka sa gagano kina, sa dauyalewa kaya oti e lomana.

Luke 12:19

Ka'u na kaya ki yaloqu, Yaloqu sa levu tu oqo na veika e nomu me rauta na veiyabaki e vuqa: mo vakacegu mada, kana, gunu ka marau tiko.’

Cakacaka 14:16

E a laivi ira na veimatanitu o koya ena veitabatamata sa oti yani me ra dui muria ga na nodra sala.

Cakacaka 24:25

Ia ni sa la'ki yacova o Paula na i vakamacala me baleta na i valavala dodonu, na yalomalua, kei na veilewai ka se bera mai, a sa domobula o Vilikesa, ka kaya, “O iko mo sa lesu tale ena gauna oqo. Au na qai kacivi iko tale mai kevaka ena dua na noqu gauna galala.”

Roma 14:10

E qai cava na vuna o sa vakalewa kina na wekamu? Se na cava na vuna o sa beca kina na wekamu? Oi keda kece eda na la'ki tu ena mata ni Kalou me lewai keda o koya.

1 Korinica 4:5

O koya oqo mo ni kakua kina ni vakalewa e dua na tamata ni se bera na kena gauna. Me tu vakawawa ga na i otioti ni veilewai me yacova na nona lako mai na Turaga. Ena vakaraitaka mai o koya na veika sa vunitaki tu ena butobuto, ka vakatakila mai na i naki ni lomadra na tamata. Ia sa na qai solia na Kalou ki na tamata yadua na veivakacaucautaki sa veiganiti kaya.

2 Korinica 5:10

Ni da na rairai kece ena mata ni tikotiko ni veilewai i Karisito; me na dui taura na tamata yadua na kena i sau, me vaka na ka sa cakava ki na yagona, se vinaka se ca.

Vakarua 29:19

Mo ni qarauna me kakua ni dua e tu eke edaidai ka rogoca na veika e vinakati ena veiyalayalati oqo, me vakadinata e lomana. Na ka oqo ena vakarusai kemuni taucoko na tamata dodonu se tamata i valavala ca.

Iperiu 9:27

Ni sa lesi me ra na mate ga vakadua na tamata, ka me qai muri na nodra lewai mai vua na Kalou.

Josua 7:21

Au sa raica ena i binibini ni toki ni valu e dua na kote balavu rairai vinaka ni Papiloni, e rua na kilokaramu na siliva, kei na dua na uma koula ka sivia na veimama ni kilokaramu na kena bibi. Au a domona sara vakalevu na veika kece oqori ka taura. Au sa vunia na ka kece ena loma ni qele ena loma ni noqu valelaca, ka koto sara e ra na siliva.”

2 Pita 3:7

Ia sa maroroi ga na lomalagi kei na vuravura edaidai mai na nona vosa talega na Kalou me yacova na siga ni veilewai. Ena qai vakacacani emuri ena bukawaqa, ka ra na vakarusai vakakina na tamata tawalotu.