Dauvunau 1:8 - Vakavakadewa Vou kei na iVola tale eso

⁸ Na veika kecega sa yaco kina na oca, na oca sa sega ni rawa me vakamacalataki. Sa sega ni mamau rawa na matada ena ka eda raica ka sega ni mamau rawa na daligada ena ka eda rogoca.

Ai Vola Tabu (Vakadewa Makawa Vakavoutaki 2021)

⁸ Sa levu na oca e na ka kecega; sa dredre vua na tamata me tukuna; sa sega ni mamau na matada ni da sa raica, se na daligada ni da sa rogoca.

AI VOLA TABU

⁸ Sa levu na oca e na ka kecega; sa dredre vua na tamata me tukuna: sa sega ni mamau ko mata ni sa rai ca, se cegu ko daliga ni sa rogoca.

Vakavakadewa Makawa

⁸ Sa levu na oca e na ka kecega; sa dredre vua na tamata me tukuna: sa sega ni mamau na matada ni da sa raica, se na daligada ni da sa rogoca.

Ai Vola Tabu Ena Vakavakadewa Vou

⁸ Na veika kecega sa yaco kina na oca, na oca sa sega ni rawa me vakamacalataki. Sa sega ni mamau rawa na matada ena ka eda raica ka sega ni mamau rawa na daligada ena ka eda rogoca.

Dauvunau 1:8 Iomraidhean Croise

NA SAME 63:5

Ena kana ga ka mamau na yaloqu, Ka'u na lagata na veisere ni vakacaucau eso vei kemuni.

Vosavakaibalebale 27:20

Na gagadre ni tamata ena sega ni mamau rawa me vaka na nodra vuravura na mate na kena sega ni sinai rawa.

Dauvunau 1:7

Na veiuciwai kecega sa drodro sobu yani ki waitui, ia sa sega ga ni sinai na wasawasa. Sa suka tale na wai ki na vanua sa tekivu mai kina na uciwai ka tekivu drodro tale yani.

Dauvunau 2:11

Ia au sa qai vakasamataka na veika kecega au sa cakava kei na kaukauwa ni noqu cakacakataka, ia au sa qai kila ni sega ga na kena i balebale. Au vaka voli ga na vakatobo cagi, sa sega kecega na kena yaga.

Dauvunau 2:26

Sa solia na Kalou na vuku, na kila-ka kei na marau vei ira sa vinakata. O koya a vakacakacakataki ira na tani me ra rawa ka, ka maroroya, me na rawa ni solia na ka era rawata vei ira tale eso sa vinakata vakalevu cake o koya. Sa sega kecega na kena yaga. Sa vaka ga na vakatobo cagi.

Dauvunau 4:8

E dua na tamata e tu taudua voli ga. E sega ni bau dua na luvena se dua na tacina, ia sa cakacaka tikoga ka sa sega ni mamau rawa na yalona ena i yau sa tu vua. Sa cakacaka vakaukauwa ena vuku i cei o koya ka sa vakuai koya kina mai na marau? Sa sega talega na kena yaga na ka oqo ka sa dua na i vakarau ni bula vakaloloma.

Dauvunau 6:7

Na cakacaka kece e cakava e dua na tamata sa baleta ga na ka me kania, ia sa sega ga ni oti vakadua kina na nona viakana.

Akeai 1:9

“O ni a dau nuitaka me levu na ka e tamusuki, ia e dau yaco me lalai wale ga. Ia ni o ni sa dau yauta mai ki na koro na ka sa tamusuki, au a qai vakacaginataka tani. A cava beka na vu ni noqu dau cakava na ka oqo? E baleta ni sa rusa tu ga na noqu Valenisoro, ia o kemuni o ni dui oga ga ena cakava na nomuni veivale.

Maciu 11:28

“Dou lako mai vei au, oi kemudou kecega sa oca ena kauta voli na i colacola bibi, ka'u na vakacegui kemudou.

Maciu 5:6

“Sa kalougata o ira era via kania ka via gunuva na ka e dodonu; Ni ra na vakamamautaki.