Dauvunau 1:2 - Vakavakadewa Vou kei na iVola tale eso

² Sa sega ni vakaibalebale, sa sega ni vakaibalebale, sa kaya na Dauvunau. Sa sega ni vakaibalebale na bula.

Ai Vola Tabu (Vakadewa Makawa Vakavoutaki 2021)

² Sa kaya na Dauvunau, Sa ka wale sara! Sa ka wale sara! Sa ka wale na ka kecega!

AI VOLA TABU

² Sa kaya na Dauvunau, Na ka wale sara! na ka wale sara! sa ka wale kecega!

Vakavakadewa Makawa

² Sa kaya na Dauvunau, Sa ka wale sara! sa ka wale sara! sa ka wale na ka kecega!

Ai Vola Tabu Ena Vakavakadewa Vou

² Sa sega ni vakaibalebale, sa sega ni vakaibalebale, sa kaya na Dauvunau. Sa sega ni vakaibalebale na bula.

Dauvunau 1:2 Iomraidhean Croise

Jope 11:12

Kevaka sara era sa manoa na luve ni asa ni veikau ni ra Sa qai sucu mai, era sa na qai yalomatua rawa na tamata lialia.

NA SAME 144:4

Sa vaka wale ga e dua na i cegu cagi o koya; Na nona veisiga sa vaka na takali yani ni yaloyalo ni dua na ka.

NA SAME 89:47

Ni nanuma na kena rui lekaleka ga na noqu bula; Ni nanuma ni o ni sa bulia na tamata kecega me ra bula vakaiyalayala ga!

Dauvunau 11:10

Mo kakua ni laiva e dua na ka me vakalomaocaocataki iko se me vakavuna na nomu rarawa. Ena sega ni balavu na gauna o na cauravou tiko kina.

Dauvunau 11:8

Mo marautaka na veiyabaki yadua o bula kina. Veitalia sara ga na balavu ni gauna o bula kina, nanuma tiko ni na balavu cake na gauna ni nomu mate. Na veika kece ena yaco mai e muri sa sega na kena yaga.

Dauvunau 12:8

A sa kaya na Dauvunau, Sa sega ni yaga, sa sega ni yaga, sa sega ni yaga na ka kecega.

Dauvunau 2:11

Ia au sa qai vakasamataka na veika kecega au sa cakava kei na kaukauwa ni noqu cakacakataka, ia au sa qai kila ni sega ga na kena i balebale. Au vaka voli ga na vakatobo cagi, sa sega kecega na kena yaga.

Dauvunau 2:15

Ia au sa qai vakasamataka e lomaqu, ni ka ena yacovi ira na lialia ena yacovi au talega. Ia na cava mada na kena yaga vei au na noqu vuku? Au a qai kaya, E sega sara ga ni dua na kena yaga vei au.

Dauvunau 2:17

Na ka oqo sa sega kina ni vakaibalebale vei au na bula baleta ni veika kecega ni bula sa kauta mai vei au na leqa. Sa sega kecega na kena yaga, ka'u sa vaka ga na vakavesuka na cagi.

Dauvunau 2:19

ka na rawa beka me na vuku o koya ena ka kece au a cakacakataka, na ka kece sa rawata vei au na noqu vuku e vuravura oqo. Na ka kecega oqo sa sega ga na kena yaga.

Dauvunau 2:21

O a cakacakataka beka e dua na ka ena nomu vuku taucoko, nomu kila-ka taucoko, kei na nomu maqosa kece sara, ia o na qai laiva tu vei ira eso era sega ni daucakacaka. Sa sega sara ga na kena yaga ka sega ni dodonu.

Dauvunau 2:23

Na veika kece o cakava ena gauna kece ni nomu bula e sega ni kauta mai e dua na ka, na nuiqawaqawa ga kei na mosi ni yalo. E sega sara mada ga ni vakacegu rawa na yalomu ena bogi. Sa sega kecega na kena yaga.

Dauvunau 2:26

Sa solia na Kalou na vuku, na kila-ka kei na marau vei ira sa vinakata. O koya a vakacakacakataki ira na tani me ra rawa ka, ka maroroya, me na rawa ni solia na ka era rawata vei ira tale eso sa vinakata vakalevu cake o koya. Sa sega kecega na kena yaga. Sa vaka ga na vakatobo cagi.

Dauvunau 2:8

Au sa kumuna vata talega me noqu na siliva kei na koula na i vakacavacava mai vei ira na tui era qali tu ki na noqu vanua. Era sa dau mai laga sere na tagane kei na yalewa me ra vakamarautaki au, ka bini tu vei au na yalewa kecega e rawa me vinakata e dua na tagane.

Dauvunau 3:19

Ni sa tautauvata ga na ka sa yacovi ira na tamata vata kei ira na manumanu, sa mate o koya me vakataki ira talega na manumanu. E rau sa tautauvata ga. Sa sega ni vinaka cake na tamata mai na manumanu baleta ni sa sega ni vakaibalebale ruarua vei rau na bula.

Dauvunau 4:16

Ena sega beka na i yalayala ni levu ni tamata me na liutaki ira e dua na tui; ia ni sa na takali yani o koya ena sega ni dua e marautaka na veika e cakava. Sa sega ga na kena yaga ka sa vaka na via vesu cagi.

Dauvunau 4:4

Au sa kila talega na ka era sa cakacaka vakaukauwa kina na tamata me ra rawa ka: na vuna ga sai koya na nodra gadreva me levu cake na ka e tu vei ira mai na ka era rawata na tani. Ia sa sega talega na kena yaga. Sa vaka ga na via vesuka na cagi.

Dauvunau 4:8

E dua na tamata e tu taudua voli ga. E sega ni bau dua na luvena se dua na tacina, ia sa cakacaka tikoga ka sa sega ni mamau rawa na yalona ena i yau sa tu vua. Sa cakacaka vakaukauwa ena vuku i cei o koya ka sa vakuai koya kina mai na marau? Sa sega talega na kena yaga na ka oqo ka sa dua na i vakarau ni bula vakaloloma.

Dauvunau 5:10

O koya sa dau lomana na i lavo ena sega ni mamau rawa na yalona, kevaka o gadreva mo vutuniyau o na sega ga ni rawata kece na veika o gadreva. Sa sega ga na kena yaga.

Dauvunau 6:11

Na levu ga ni nomu veileti na levu talega ni kena sega ni yaga. Na cava na ka yaga o rawata mai kina?

Roma 8:20

Ni a sa cudruvi tu o vuravura me vakayalia na nona i naki, ka sa sega ni yaco oqo me vaka na nona i naki vakaikoya ga o vuravura, ia sa nona i naki ga na Kalou me vakakina. Ia sa tikoga na i nuinui