Dauvunau 1:13 - Vakavakadewa Vou kei na iVola tale eso

¹³ Au a nakita e lomaqu me'u dikeva matua sara ka vulica na veika kece e caka ena vuravura oqo. Sa cakava tu na Kalou na ka dredre oqo me baleti keda na tamata.

Ai Vola Tabu (Vakadewa Makawa Vakavoutaki 2021)

¹³ Ia ka'u a segata e na lomaqu me'u qara ka vakatarotaroga vakavuku na ka kecega sa caka e ruku ni lomalagi; na ogaoga dredre oqo sa solia na Kalou vei ira na luve ni tamata me ra vakaogai kina.

AI VOLA TABU

¹³ Ia kaʼu a solia na lomaqu meʼu qara ka vakataroga vakavuku e na ka kecega sa caka e ruku ni lomalagi: na ogaoga dredre o qo sa solia na Kalou vei ira na luve ni tamata me ra veiogai kina.

Vakavakadewa Makawa

¹³ Ia ka'u a segata e na lomaqu me'u qara ka vakatarotaroga vakavuku na ka kecega sa caka e ruku ni lomalagi: na ogaoga dredre oqo sa solia na Kalou vei ira na luve ni tamata me ra vakaogai kina.

Ai Vola Tabu Ena Vakavakadewa Vou

¹³ Au a nakita e lomaqu me'u dikeva matua sara ka vulica na veika kece e caka ena vuravura oqo. Sa cakava tu na Kalou na ka dredre oqo me baleti keda na tamata.

Dauvunau 1:13 Iomraidhean Croise

Vakatekivu 3:19

Mo na cakacaka vakaukauwa ka kana mai na buno ni yadremu, me yacova na gauna o na lesu tale kina ki na qele o a buli kina. Ni o a buli ga mai na qele, ia o na suka tale ki na qele.”

Jope 28:3

Era vakasaqaqara na tamata ena vanua butobuto sara, Era vakasaqaqara ena boto ni vuravura, Ka vakelia mai na veivatu ena vanua butobuto.

NA SAME 111:2

Sa uasivi dina na veika sa cakava o Jiova! O ira kece era taleitaka era gadreva me ra kila.

Vosavakaibalebale 18:1

Na tamata e sega ni bula veilasamaki kei ira na tani sa taleitaki koya taudua voli ga; ena sega ni duavata kei na veika era sa kaya na tamata kece ni sa dodonu.

Vosavakaibalebale 18:15

Na tamata vuku sa gadreva ka vakarau tu ga me vulica na ka.

Vosavakaibalebale 23:26

Vakarorogo vinaka sara na luvequ, ka muria na noqu i vakarau.

Vosavakaibalebale 25:2

Sa rogo na Kalou ni vunia na ka; eda sa dokai ira na tui ena veika era sa tukuna.

Vosavakaibalebale 4:7

Na rawata na yalomatua sai koya na ka cecere duadua mo cakava; ia ke dua tale na ka mo rawata, io na lomavuku.

Dauvunau 1:17

Au a nakita e lomaqu me'u vulica na kedrau duidui na kila-ka kei na yalowai, na yalomatua kei na lialia, ia au sa qai kunea ni sa vaka talega na vakatobo cagi.

Dauvunau 11:5

Sa cakava na ka kecega na Kalou, ka na sega ni rawa vei iko mo kila na ka e cakava me vaka na nomu sega ni rawa ni kila na kena tekivu e dua na bula vou ena ketena e dua na yalewa bukete.

Dauvunau 12:12

Na luvequ, e dua tale na ka au via vakarota vei iko. Na kena volai na veivola e vuqa e sega ni vakaiyalayala, ia na sivia ni vuli lesoni ena kauta mai na oca ki na yago.

Dauvunau 2:23

Na veika kece o cakava ena gauna kece ni nomu bula e sega ni kauta mai e dua na ka, na nuiqawaqawa ga kei na mosi ni yalo. E sega sara mada ga ni vakacegu rawa na yalomu ena bogi. Sa sega kecega na kena yaga.

Dauvunau 2:26

Sa solia na Kalou na vuku, na kila-ka kei na marau vei ira sa vinakata. O koya a vakacakacakataki ira na tani me ra rawa ka, ka maroroya, me na rawa ni solia na ka era rawata vei ira tale eso sa vinakata vakalevu cake o koya. Sa sega kecega na kena yaga. Sa vaka ga na vakatobo cagi.

Dauvunau 3:10

Au sa kila na veika dredre sa lewa na Kalou me da sota kaya.

Dauvunau 3:11

Sa lewa o koya na gauna dodonu me baleta na ka kecega. Sa solia vei keda na gagadre me da kila na gauna sa bera mai, ia sa sega ni solia me da kila taucoko sara na veika sa cakava na Kalou.

Dauvunau 4:4

Au sa kila talega na ka era sa cakacaka vakaukauwa kina na tamata me ra rawa ka: na vuna ga sai koya na nodra gadreva me levu cake na ka e tu vei ira mai na ka era rawata na tani. Ia sa sega talega na kena yaga. Sa vaka ga na via vesuka na cagi.

Dauvunau 4:8

E dua na tamata e tu taudua voli ga. E sega ni bau dua na luvena se dua na tacina, ia sa cakacaka tikoga ka sa sega ni mamau rawa na yalona ena i yau sa tu vua. Sa cakacaka vakaukauwa ena vuku i cei o koya ka sa vakuai koya kina mai na marau? Sa sega talega na kena yaga na ka oqo ka sa dua na i vakarau ni bula vakaloloma.

Dauvunau 7:25

Ia au sa vagolea na noqu bula ki na kila-ka vata kei na vuli; au sa nakita me'u kunea na vuku kei na i sau eso ni noqu taro ka me'u kila na ca kei na sesewa ni lialia.

Dauvunau 8:9

Au sa raica na ka kece oqo ena gauna au vakasamataka kina na veika sa caka ena vuravura oqo, na vuravura era sa kaukauwa kina eso na tamata, ka ra sa vakararawataki ira na tani ena vukudra.

1 Timoci 4:15

Dau vakayacora na veika oqo ka solia taucoko kina na nomu dina, ka me ra raica kece kina na nomu tubu cake.