Apakuki 2:3 - Vakavakadewa Vou kei na iVola tale eso

³ Mo vola na i tukutuku me tu vakaivola baleta ni oqo e se sega ni gauna me yaco kina na ka oqo. Ia sa totolo tiko na lako ni gauna, ka'u na vakaraitaka vei iko ni na yaco dina sara na veika au sa tukuna oqo vei iko. A kena i rairai beka ni na berabera na kena yaco mai, ia mo waraka ga; ena qai yaco dina ga ena gauna au sa lokuca, ena sega ni lokuyarataki tale.

Ai Vola Tabu (Vakadewa Makawa Vakavoutaki 2021)

³ Ni na dede mada na raivotu me qai yaco na gauna sa loku, ia ni sa yaco nai otioti ni gauna, ena qai vosa, ena sega ni lasu. Kevaka ena berabera, mo waraka ga; ena yaco vakaidina ga, ena sega ni berabera sara.

AI VOLA TABU

³ Ni na dede mada na raivotu a qai yaco na kenai loku, ia ni sa yaco nai otioti ni gauna, ena qai vosa, ena sega ni lasu: kevaka ena berabera, mo waraka ga; ena yaco vakaidina ga, ena sega ni berabera sara.

Vakavakadewa Makawa

³ Ni na dede mada na raivotu me qai yaco na gauna sa loku, ia ni sa yaco nai otioti ni gauna, ena qai vosa, ena sega ni lasu: kevaka ena berabera, mo waraka ga; ena yaco vakaidina ga, ena sega ni berabera sara.

Ai Vola Tabu Ena Vakavakadewa Vou

³ Mo vola na i tukutuku me tu vakaivola baleta ni oqo e se sega ni gauna me yaco kina na ka oqo. Ia sa totolo tiko na lako ni gauna, ka'u na vakaraitaka vei iko ni na yaco dina sara na veika au sa tukuna oqo vei iko. A kena i rairai beka ni na berabera na kena yaco mai, ia mo waraka ga; ena qai yaco dina ga ena gauna au sa lokuca, ena sega ni lokuyarataki tale.

Apakuki 2:3 Iomraidhean Croise

2 Tui 6:33

Ni ra a veivosaki tiko, raica, a lako sobu mai na i talai vei koya, ka kaya vua, Raica, sa vu mai vei Jiova na ca oqo; a cava li me'u waraki Jiova tale kina?

NA SAME 102:13

O ni na tucake ka lomani Saioni, Sa yaco mai na gauna me lomani kina; Sa kena gauna dodonu sara ga oqo!

NA SAME 27:14

Vakadinati Jiova! Vakabauta, kakua ni yalo lailai, Vakadinati Jiova tikoga. A nei Tevita.

Lako Yani 12:41

Ena siga a mai cava kina na 430 na yabaki, era a biuti Ijipita mai kina na lewe ni veiyavusa taucoko sara i Jiova.

Aisea 30:18

Ia sa wawa tikoga o Jiova me yalololoma vei kemuni. Sa vakarau tu me lomani kemuni, Ni sa Kalou Yalo Dodonu o koya. Era marau o ira kecega era vakanuinui vua.

Aisea 7:4

Tukuna vua me vakarau tu, ia me tiko vakamalua ka me kakua ni rere se taqaya. Na cudru i Risini na tui, kei ira na kai Siria kei Peka na tui sa sega ni vakarerevaki cake mai na kubou e kuvu mai ena rua na ka e kubou wale tu ga ka sega ni caudre.

Aisea 8:17

Sa vunitaki koya o Jiova mai vei ira na nona tamata, ia au sa vakadinati koya ka vakanuinui vua.

Jeremaia 27:7

Era na qaravi koya na veimatanitu kece sara, ka ra na qarava na luvena kei na makubuna me yacova na gauna sa na qai vakadrukai kina na nona vanua. A qai yaco na nona vanua me qaravi ira na veimatanitu qaqa kei na tui lelevu eso.

Isikeli 12:25

Ni sai au o Jiova, au na vosa vei ira, ia na vosa au na cavuta ena yaco vakaidina. Ena sega ni vakaberaberataki tale. Ia ena nomuni gauna ga, oi kemuni na tamata talaidredre, ka'u na cavuta kina na vosa ka vakayacora sara,” a sa kaya na Kalou o Jiova.

Isikeli 30:9

“Ena siga o ya, au na talai ira na i talai yava totolo, me ra vakarerei ira na kai Eciopea ka ra sa wele tu ka sega ni kilakasami, ena bikai ira na rarawa levu ena siga ni leqa rerevaki e Ijipita; ka raica, sa yaco mai!”

Taniela 10:14

Au sa lako mai oqo me'u mai vakatakila vei iko na ka ena yaco vei ira na kai nomu ena gauna mai muri. Oqo e dua na raivotu vou ka baleta na gauna mai muri.

Taniela 11:27

Era na qai dabe ka kana ena dua ga na teveli, oi rau na tui ruarua, ia, e tiko ena dui lomadrau ruarua na ca ka yaco kina me rau veilasulasuti. E rau na sega ni rawata na ka e rau dui vinakata baleta ni sa sega ni yaco na kena gauna dodonu.

Taniela 11:35

Eso vei ira na tamata vuku era na vakamatei. Na i naki ni ka oqo me ra vakavoui kina na tamata ni Kalou me yacova ni yaco mai na i Vakataotioti, na gauna sa lewa oti tu na Kalou.

Taniela 8:17

Sa qai lako mai o Kaverieli ka mai tu e yasaqu, ia ena levu ni noqu rere, au a cuva sobu vakatoboicu ki na qele. A qai kaya vei au o koya, “O iko na kai vuravura, oqo na kena i balebale mo kila. Na raivotu oqo sa baleta na i vakataotioti ni veika kecega.”

Taniela 8:19

ka kaya, “Mo rogoca, au na vakaraitaka vei iko na veika ena yaco ena veicudruvi ni gauna mai muri, ka ni na yaco oqo ena gauna sa lokuci ena i vakataotioti ni gauna.

Taniela 9:24

Sa loku e vitusagavulu na macawa, me baleti ira na kai nomu kei na koro tabu, me vakaoti kina na nomuni dau caka cala kei na nomuni i valavala ca tiko. Ni oti na gauna oqori, sa na bokoci na i valavala ca, ka sorovaki na caka cala me vakayacori na i valavala ka vakadeitaki na raivotu kei na vosa ni parofisai, ka na qai vakatabui na Tikina Tabu Sara.

Maika 7:7

Ia oi au, ka'u na rai ga vei Jiova; ka'u na waraki koya na Kalou, na noqu i vakabula. Ena rogoci au na noqu Kalou.

Sefanaia 3:8

A sa kaya o Jiova, “Ni waraki au mada. Ni wawa me yacova na siga ka'u na duri cake kina me'u beitaki ira na veimatanitu. Sa dei tu na lomaqu me'u soqoni ira vata na veimatanitu kei na veivanua ka laiva me ra tovolea mada na kaukauwa ni noqu cudru. Na waqa ni noqu cudru ena vakarusa na vuravura taucoko.

Tiko mai na Lekutu 23:19

Sa sega ni tamata na Kalou me vosa lasu; Se na luve ni tamata me rawa ni veisautaka na nona lewa. A veika ga sa yalayala kina ena vakayacora; Kei na veika sa tukuna ena yaco.

Luke 2:25

Ia e tiko voli mai Jerusalemi ena gauna o ya e dua na tamata yalo dodonu ka lotu dina, a yacana o Simione. Sa bula ka waraka wale tu ga o koya na nodra vakacegui na Isireli, ka sa tiko vua na Yalo Tabu.

Cakacaka 1:7

Sa qai kaya vei iratou o koya, “E sega ni nomudou i tavi mo dou la'ki kila na kena gauna se na kena vula, ni sa lesia tu o ya o Tamaqu ena nona lewa ga vakai koya.

Cakacaka 17:26

E a bulia o koya na veimatatamata kecega mai na dua ga na tamata, me ra tiko ena veiyasa i vuravura kecega. A sa lesia taumada tu o koya na nodra gauna kei na i yalayala ni veivanua me ra tiko kina.

Kalatia 4:2

Ni se gone lailai, ena tiko vakarorogo ga o koya vei ira na dauveisusugi kei ira na qase me yacova na gauna lokuci e sa nakita oti o tamana.

2 Pita 2:3

Ia ena nodra loma kocokoco, era na vakayagataki kemuni me ra rawa-ka kina mai na nodra i talanoa buli eso. Ia sa tu vakarau ga mai na dua na gauna balavu na nodra Dauveilewai, ka sa sega ni moce na nodra Dauveivakarusai!

2 Pita 3:9

Sa sega ni berabera na Turaga ni vakayacora na nona vosa ni yalayala, me vaka era sa nanuma eso. Ia sa vosoti kemuni ga vakadede, baleta ni sa sega ni vinakata o koya me rusa e dua, ia me ra veivutunitaka ga na nodra i valavala ca na tamata yadua.