Akeai 2:4 - Vakavakadewa Vou kei na iVola tale eso

⁴ Ia oqo, ni kakua sara ni yalodatuvu, oi kemuni vakayadua kece sara. Ni qarava ga na kena cakacaka, ka ni'u sa tiko vata kei kemuni.

Ai Vola Tabu (Vakadewa Makawa Vakavoutaki 2021)

⁴ Ia mo gumatua mada ga, i Serupepeli, sa kaya ko Jiova. Mo gumatua talega, i Josua na luve i Jiosataki, na bete levu. Mo dou gumatua kece talega, na lewe-ni-vanua, sa kaya ko Jiova. Dou ia na cakacaka, ni'u sa tiko vata kei kemudou, sa kaya ko Jiova-ni-lewevuqa,

AI VOLA TABU

⁴ Ia mo kaukauwa mada ga, Sirupapeli, sa kaya ko Jiova; mo kaukauwa talega, Josua na luve i Yiosataki, na bete levu; dou kaukauwa kece talega, na lewe ni vanua, sa kaya ko Jiova, ia dou ia na cakacaka, niʼu sa tiko kei kemudou, sa kaya ko Jiova ni lewe vuqa.

Vakavakadewa Makawa

⁴ Ia mo gumatua mada ga Serupapeli, sa kaya ko Jiova; mo gumatua talega, Josua na luve i Jiosataki, na bete levu; mo dou gumatua kece talega, na lewe ni vanua, sa kaya ko Jiova, ia dou ia na cakacaka, ni'u sa tiko vata kei kemudou, sa kaya ko Jiova ni lewe vuqa.

Ai Vola Tabu Ena Vakavakadewa Vou

⁴ Ia oqo, ni kakua sara ni yalodatuvu, oi kemuni vakayadua kece sara. Ni qarava ga na kena cakacaka, ka ni'u sa tiko vata kei kemuni.

Akeai 2:4 Iomraidhean Croise

2 Samuela 5:10

A levu cake tikoga na i tutu cecere i Tevita, ka yaco sara, ni sa totaki koya o Jiova na Kalou ni lewe vuqa.

1 Veigauna 22:13

Kevaka o na talairawarawa ki na lawa kecega sa solia o Jiova vei Mosese me baleti Isireli, o na yaco mo tamata qaqa ena rawa-ka. Mo yaloqaqa ka lomadei, ka kakua sara ni vakatara e dua na ka me vakarerei iko.

1 Veigauna 28:20

A sa vosa o Tevita na tui vua na luvena o Solomoni ka kaya, “Mo kaukauwa ka yaloqaqa. Mo tekivuna sara na cakacaka oqo ka kakua sara ni vakalaiva e dua na ka me tarovi iko. O Jiova na Kalou ka'u sa qarava ena tiko vata ga kei iko. Ena sega ni biuti iko o koya, ia ena tiko dei ga kei iko me yacova ni o sa vakacavara vakavinaka na cakacaka ni nona Valenisoro.

Esera 10:18

Oqo na yacadra na tagane era vakawati yalewa tani: Vei ira na bete, era sa volai vakavuvale: Mai na kawa i Josua kei iratou na tacina tagane, na luvena tagane o Josateki: o Maseaia, kei Iliesa, kei Jaripi, vata kei Kitalaia.

Esera 5:2

Ni rau rogoca na i tukutuku oqo o Serupepeli na luve i Sialitieli kei Josua na luve i Josateki, e rau a qai tekivu tara tale na Valenisoro mai Jerusalemi, ka veivuke vei rau na parofita ruarua.

Lako Yani 3:12

A sa kaya na Kalou, “Au na tiko kei iko, ia oqo me i vakatakilakila vei iko ni'u sa talai iko, ena nomu sa na kauti ira tani mai na tamata mai Ijipita, ia dou na mai qarava na Kalou ena ulunivanua oqo.”

Akeai 1:13

Sa qai tukuna o Akeai na i tukutuku i Jiova vei ira na tamata: “Au sa na tiko ga kei kemuni - oqori na noqu vosa ni yalayala.”

Sakaraia 4:6

Sa qai kaya vei au na agilosi me'u tukuna vei Serupepeli na vosa i Jiova oqo: ‘O na rawata, ka sega ena vuku ni kaukauwa vakaivalu, se na kaukauwa vakatamata, ia ena Yaloqu ga, sa kaya o Jiova ni lewevuqa.’

Sakaraia 8:9

“Ni yaloqaqa! O ni sa rogoca tiko oqo na vosa vata ga era a tukuna na parofita ena gauna e a caka tiko kina na yavu ni noqu Valenisoro ena kena tara vou tale.

Marika 16:20

E ratou sa qai lako na tisaipeli ka vunau ena veivanua kecega, ka sa cakacaka vata tiko kei iratou na Turaga, ka vakadeitaka na nodratou vosa ena veicakacaka mana e vuqa.

Cakacaka 7:9

“E ratou a mani vuvutaki Iosefo o iratou na qase ka volitaki koya ki Ijipita. Ia sa sega ni biuti koya na Kalou.

1 Korinica 16:13

Ni tu vakarau ena ka kecega, ni tudei ena nomuni vakabauta, ni tamata yaloqaqa, ni vakaukauwa tiko.

Efeso 6:10

Me'u tinia, mo ni kaukauwa tiko ena vuku ni Turaga kei na nona kaukauwa mana.

Vakarua 31:23

A sa qai vosa vei Josua na luve i Nuni o Jiova, “Mo kaukauwa ka qaqa. O na liutaki ira na Isireli ki na vanua au sa yalataka vei ira, ia au na tiko vata ga kei iko.”

2 Timoci 2:1

I Timoci na luvequ, mo vakaukauwataki ena loloma-savu sa noda ena noda tu vata kei Jisu Karisito.

2 Timoci 4:17

Ia sa tu ga e yasaqu na Turaga ka sa vakaukauwataki au, me'u vunautaka rawa kina na i tukutuku vinaka vei ira kece na kai matanitu tani me ra rogoca; ka sa sega kina ni tau vei au na i totogi mate.

Josua 1:6

Mo kaukauwa ka qaqa, ka la'ki taukena na vanua au a yalataka me'u solia vei ira na nodra qase.

Josua 1:9

Mo nanuma na noqu i vakaro, ‘Mo kaukauwa ka qaqa!’ Mo kakua ni rere se yalolailai, ni na tiko vata kei iko o Jiova na nomu Kalou ena vanua kecega o na lako kina.”

Dauveilewai 2:18

Ena veigauna kecega a vakatubura kina o Jiova eso na dauveilewai me baleti ira, sa dau tiko o koya kei ira na dauveilewai, ka me sereki ira tani mai na ligadra na kedra meca ena veisiga kecega era bula kina, sa dau vakayavalati na loma ni Kalou me lomani ira ena nodra rarawa kei na nodra kudru ena veika era dau sotava.

1 Samuela 16:18

A qai vosa e dua vei ira na cauravou, ka kaya, “Raica, au kila tiko e dua na luve i Jese na kai Peceliema, ka dauniqiriqiri, e tamata kaukauwa ka qaqa o koya ka tamata talega ni valu, e vuku ena vosa, ka tamata musudonu, ka sa kaya o Jiova.