Aisea 26:3 - Vakavakadewa Vou kei na iVola tale eso

³ Turaga, ni solia na vakacegu dina, Vei ira sa vakadeitaka na nodra i naki, Ka vakadinati kemuni.

Ai Vola Tabu (Vakadewa Makawa Vakavoutaki 2021)

³ Ko koya sa lomadei vei kemuni ko ni na vakacegui koya dina sara, ka ni sa vakararavi vei kemuni.

AI VOLA TABU

³ O koya sa lomadei vei iko ko na maroroya me vakacegu sara: e na vuku ni sa vakararavi vei iko.

Vakavakadewa Makawa

³ Ko koya sa lomadei vei kemuni ko ni na vakacegui koya dina sara: ka ni sa vakararavi vei kemuni.

Ai Vola Tabu Ena Vakavakadewa Vou

³ Turaga, ni solia na vakacegu dina, Vei ira sa vakadeitaka na nodra i naki, Ka vakadinati kemuni.

Aisea 26:3 Iomraidhean Croise

1 Veigauna 5:20

Era a vakararavi vua na Kalou na mataqali tolutolu o Rupeni, Kata, kei na i wase ni mataqali o Manasa; era a masu vua ka kerea na nona veivuke; a sa rogoci ira na Kalou ka solia me ra qaqa vei ira na Akariti kei ira era sa to vata.

2 Veigauna 13:18

Era a vakamalumalumutaki vakaoqo na Isireli ena siga o ya, ka ra rawata kina na qaqa o ira na Juta baleta ni ra a vakararavi vei Jiova, na Kalou ni nodra qase.

2 Veigauna 16:8

A sega li ni levu cake sara na mataivalu ni Eciopea kei Libiya, ka levu cake sara na nodra qiqinivalu kei na lewe ni mataivalu vodo ose? Ia me vaka ni o ni sa vakararavi vei Jiova, a sa soli ira kina o koya ki na ligamuni.

NA SAME 119:165

Sa ka taucoko na nodra taqomaki o ira sa lomana na nomuni lawa, Ka sa sega ni dua na ka e rawa ni vakabalei ira.

NA SAME 125:1

O ira era vakararavi vei Jiova sa vaka na ulunivanua o Saioni, Era sega ni yavalata rawa, ia sa tudei ga ka sega ni mudu.

NA SAME 9:10

Kemuni Jiova, o ira era kilai kemuni era na vakadinati kemuni; O ni sa sega ni laiva e dua na tamata sa lako mai vei kemuni.

Aisea 12:2

Sa noqu i vakabula na Kalou; Au na vakadinati koya, ka sega ni rere. Sa solia vei au o Jiova na kaukauwa kei na qaqa; Sa noqu i vakabula o koya.

Aisea 26:12

I Jiova, o ni sa solia vei keimami na tiko vinaka; Na veika kece keimami rawata, Sa vua ga ni nomuni cakacaka.

Aisea 27:5

Ia kevaka era vinakata na noqu veitaqomaki O ira na kedra meca na noqu tamata, Ia me ra veisaututaki ga kei au, Io, me ra veisaututaki ga kei au.

Aisea 31:1

Ena yaco na veika ca vei ira era la'ki kere veivuke ki Ijipita. Era sa vakararavi ki na veiqiqinivalu kei na ose, Kei ira na sotia. Ia era sa sega ni vakararavi Vei Jiova na Kalou Yalo Savasava ni Isireli, Se kere veivuke vua.

Aisea 32:17

Ni ra sa na ia na tamata yadua na ka dodonu, Ena tubu kina na sautu kei na bula galala tawamudu.

Aisea 32:18

Ena yaco na bula sautu kei na vakacegu, Ena nodra vanua na tamata ni Kalou, Ka vagalalataki mai na nodra nuiqawaqawa.

Aisea 42:19

E dua li sa mataboko vakalevu cake Mai vua na noqu dauveiqaravi, Ka didivara vakalevu cake mai vua na noqu i talai?

Aisea 42:6

“Oi au o Jiova, ka'u sa kacivi iko ena dua na i naki vinaka. Au a taura na ligamu ka maroroi iko. Ena vukumu au na cakava kina e dua na veiyalayalati Vata kei ira na tamata kecega, Ka kauta mai na rarama ki na veimatanitu kecega.

Aisea 48:2

O ni sa cibitaka ni kaya ni o ni lewe ni koro tabu Ka sa dau vakararavi vua na nodra Kalou na Isireli Ka yacana o Jiova ni lewevuqa.

Aisea 49:8

A sa kaya o Jiova vei ira na nona tamata, “Sa na yaco mai na gauna me'u vakabulai kemuni kina, Au na qai lomani kemuni ka sauma na nomuni kere veivuke. Au na taqomaki kemuni ka maroroi kemuni Ka cakava ena vukumuni e dua na veiyalayalati Kei ira na tamata kecega. Au na solia mo ni la'ki tawana tale Na nomuni vanua sa lala tu.

Aisea 50:1

A sa kaya o Jiova, “O ni sa nanuma beka au sa vakatalai ira tani na noqu tamata Me vaka e dua na tamata sa sereka na watina? E vei ga na i vola vakadinadina ni veisere? O ni nanuma beka au sa volitaki kemuni Vua e dua sa tu vua na noqu dina? Raica o ni a kau yani vakabobula ena vuku Ni nomuni i valavala ca. O ni a kau tani ena vuku ni nomuni talaidredre.

Aisea 50:10

Oi kemuni kece o ni rerevaki Jiova, Ka muria na nona vosa ni nona dauveiqaravi. Kevaka sa rui butobuto sara na sala o ni lakova tiko, Ni vakadinati koya, ka vakararavi vua na nomuni Kalou.

Aisea 66:12

A sa kaya o Jiova. “Au na kauta mai vei iko na sautu me tawa mudu. Ena drodro mai vei iko na i yau ni veimatanitu Me vaka e dua na uciwai e sega ni maca rawa. O na vaka e dua na gone e qarava na tinana, E roqota ena ligana ka qaravi ena yalololoma.

Jeremaia 39:18

Au na taqomaki iko mo bula ka o na sega ni vakamatei. O na drotaka rawa na nomu bula baleta ni o sa vakadinati au. Sa i Jiova ga sa kaya vakaoqo.

Taniela 3:17

Ia kevaka sa rawa vua na Kalou keitou sa qarava me vakabulai keitou mai na lovo bukawaqa, ka mai ligamuni talega na tui, ena vakabulai keitou dina ga.

Taniela 3:28

A qai kaya na tui, “Me vakarokorokotaki na Kalou i Setareki, Mesake kei Apeteniko. A tala mai o koya na nona agilosi ka mai vakabulai iratou na tamata oqo, baleta ni ratou a dau qaravi koya ka vakabauti koya. E ratou a talaidredre ki na noqu i vakaro ka bolea na mate ena nodratou bese ni cuva ka vakarokoroko ki na dua tani tale na kalou, ia vua duaduaga na nodratou Kalou.

Taniela 6:23

A qai marau vakalevu sara na tui, ka a vakarota me la'ki yavi cake mai na qara ni laione o Taniela. Era a qai yavi koya cake mai ka ra kunea ni sega sara ga ni bau mavoa vakalailai, baleta ni sa vakabauta na Kalou.

Maika 5:5

ka na kauta mai na veisaututaki. Ni ra sa kabata mai na noda vanua na kai Asiria ka ra curu basuka mai na noda bainivalu, eda na qai talai ira yani na noda i liuliu qaqa me ra la'ki vala vata kei ira — e lewe vitu na i vakatawa ka lewe walu na dauveiliutaki sa vakatikori oti.

Joni 14:27

“Au sa laiva tu vei kemudou na vakacegu; a noqu vakacegu ga au sa solia vei kemudou: au sega ni solia vei kemudou me vaka e dau solia o vuravura. Dou kakua ni lomaleqa, ka kakua ni taqaya.

Joni 16:33

A veika oqo ka'u sa tukuna vei kemudou ni dou na rawata na vakacegu ni lomamudou ni dou sa semati kivei au. O vuravura ena vakavuna mo dou sotava na veika rarawa. Ia mo dou yaloqaqa ga!; Au sa vakamalumalumutaki vuravura oti!”

Roma 5:1

Ni sa vakadonui keda vakaoqo na Kalou ena vuku ni vakabauta, eda sa qai veivinakati vata kei na Kalou ena vuku i Jisu Karisito, na noda Turaga.

Filipai 4:7

Ia na vakacegu ni Kalou, sa uasivia na kila-ka vakatamata, ena vakataudeitaka na yalomuni kei na lomamuni ena vuku i Karisito Jisu.