Taniela 8:3 - Ai Vola Tabu Ena Vakavakadewa Vou

³ Au sa rai cake ka raica e dua na sipi tagane ni tucake tu ena bati ni uciwai. E rua na nona i leu, e rau balavu ruarua na i leu oqo ka dua vei rau e balavu sara. Ia o koya sa muri mai sa balavu sara.

Ai Vola Tabu (Vakadewa Makawa Vakavoutaki 2021)

³ Ia ka'u a ta cake ka raica, sa dua na sipi tagane ka tu e na bati ni uciwai, a sa rua na kenai leu. Ia nai leu oqori sa cecere, ka dua sa cecere vei rau, ia ko ya sa cecere, sa tubu e muri.

AI VOLA TABU

³ Ia kaʼu a ta cake e na mataqu ka vakaraica, ka raica, sa dua na sipi tagane ka tu e na bati ni uciwai, a sa rua na kena kaukamea: ia na kaukamea o qori sa cecere; ka dua sa cecere vei rau, ia ko ya sa cecere, sa tubu cake emuri.

Vakavakadewa Makawa

³ Ia ka'u a ta cake ka raica, sa dua na sipi tagane ka tu e na bati ni uciwai, a sa rua na kenai leu: ia nai leu oqori sa cecere; ka dua sa cecere vei rau, ia ko ya sa cecere, sa tubu emuri.

Vakavakadewa Vou kei na iVola tale eso

³ Au sa rai cake ka raica e dua na sipi tagane ni tucake tu ena bati ni uciwai. E rua na nona i leu, e rau balavu ruarua na i leu oqo ka dua vei rau e balavu sara. Ia o koya sa muri mai sa balavu sara.

Taniela 8:3 Iomraidhean Croise

1 Veigauna 21:16

A tacake o Tevita ka raica na agilosi ni sa tu ena maliwa ni vuravura kei lomalagi, ka taura tu e ligana na nona i seleiwau, ni sa vakarau vakarusai Jerusalemi. A qai cuva sobu e ra o Tevita kei ira na nona qase, ni ra sa vakaisulu taga taucoko tu, ka sa tara qele na matadra.

Esera 1:2

“Oqo na i vakaro veikauyaki i Sairusi na Tui Perisia: Sa solia oti vei au ko Jiova, na Kalou ni lomalagi, me'u lewa na veimatanitu kecega e vuravura, ka sa vakacolata vei au na i tavi me'u tara e dua na valenisoro me nona mai Jerusalemi e Juta.

Esera 4:5

Era sa cakava talega eso na ka ena sala butobuto me ra saqata talega vakakina na tara ni vale o ira na i vakalesilesi ni matanitu o Perisia. A sa ia tikoga na vakalatilati vakaoqo ena gauna taucoko ni veiliutaki vakatui nei Sairusi ka yacova yani na veiliutaki nei Taraiasi na tui.

Esiteri 1:3

Ena i katolu ni yabaki ni nona tui, a cakava kina o koya e dua na soqo ni kana magiti kei na veivakamarautaki me baleti ira kecega na ravouvou ni vanua, na vakailesilesi liu, na turaganivalu lelevu ni veimata i valu ni Perisia kei Mitia, na sucu turaga kei ira na kovana ni veiyasana era qali tu ki Perisia.

Aisea 13:17

A sa kaya na Turaga, “Au na vakauqeti ira na kai Mitia, Me ra valuti Papiloni, Era sa sega ni kauwaitaka na siliva Ka ra sega ni taleitaka na koula.

Aisea 21:2

Au a raica e dua na raivotu ni veika vakadomobula ena yaco, Era na butako na daubutako, Ka veivakarusai na dauveivakarusai. Ni la'ki valu na mataivalu ni Ilama! Ni buku na druadrua ena koro na mataivalu ni Mitia! Na veivakararawataki sa vakavuna o Papiloni Ena muduka kece na Kalou.

Aisea 44:28

Au na kaya ena vuku i Sairusi, Sa i koya na noqu i vakatawa, Ka na vakayacora kece na noqu i naki. O na vakarota me tara tale o Jerusalemi, Ka caka tale na yavu ni Valenisoro.

Jeremaia 51:11

Sa yavalata ko Jiova na yalodra na tui Mitia baleta ni sa nakita me vakarusai Papiloni. Ena vakaoqo na nona sauma na kena vakarusai na nona Valenisoro. Era sa vakarota na turaganivalu, “Ni vagatara na nomuni gasau ni dakaititi! Ni vakarautaka na nomuni sasabai.

Taniela 10:5

Au a rai cake ka'u raica sara e dua na tamata e vakaisulu tu ena i sulu lineni ka vauci tu na tolona ena dua na kena i vau koula.

Taniela 2:39

Ena qai taravi kemuni e dua tale na matanitu, ia ena sega soti ni rogo ka qaqa me tautauvata kei na nomuni matanitu, ka na qai kena i katolu mai e dua na matanitu, ka caka ena parasa, me na lewa na vuravura taucoko.

Taniela 5:31

ka kovea na kaukauwa vakatui o Taraiasi na kai Mitia, ni sa 62 na nona yabaki.

Taniela 6:28

A qai tiko vakacegu ka marau o Taniela ena gauna ni tui i Taraiasi kei na gauna sa tui tiko kina o Sairusi na kai Peresia.

Taniela 7:5

Au a qai raica tale na i karua ni manumanu. O koya oqo sa vaka na i rairai ni dua na bea ka sa tucake tu ena yavana ruarua. Sa katia tiko na bea oqo e tolu na sui ni sarisari, ka dua na rorogo ni domo sa tukuna tiko vua, “Mo kana, tiloma na lewe ni manumanu.”

Taniela 8:2

Ena raivotu o ya, au sa raica vakasauri ni'u a tu ena loma ni koro levu ka vakabai o Susa, ena yasana o Ilama. Au sa tu ena bati ni uciwai na Ulai.

Taniela 8:20

Na sipi tagane e rua na nona i leu o a raica sai rau na matanitu o Mitia kei Peresia.

Sakaraia 1:18

Au a raica ena dua tale na raivotu e va na i leu ni bulumakau.

Sakaraia 2:1

Ena dua tale na raivotu, au a raica kina e dua na tamata ni taura voli mai e dua na wa ni vakarau.

Sakaraia 5:1

Au a qai rai tale, ka'u a qai raica e dua na i vola vivigi ni cagina tiko e maliwa lala.

Sakaraia 5:5

A qai rairai tale mai na agilosi, ka kaya, “Raica mada na ka sa lako tiko mai oqo!”

Sakaraia 5:9

Au qai rai cake ka'u raica e rua na yalewa e rau sa vuka vakadodonu tiko mai vei au ka rau vakatabana kaukauwa sara me vaka na belo. E rau a tomika na basikete ka vukataka yani ki macawa.

Sakaraia 6:1

Au a raica tale e dua na raivotu. Au raica kina e va na qiqinivalu ni ratou basika mai na tadrua ni rua na ulunivanua parasa.

Tiko mai na Lekutu 24:2

A sa tacake o Balami, ka raici ira na Isireli ni ra sa vakaitikotiko vakamataqali. A sa qai curumi koya na Yalo ni Kalou,

Josua 5:13

Ni sa voleka yani ki Jeriko o Josua, a raica e dua na tamata ni tucake tu e matana, a ucuna na nona i seleiwau ka taura tu e ligana. A sa lako cake vua o Josua ka tarogi koya, “O sa to kei keimami, se o keimami meca?”

Vakatakila 13:11

Ia ka'u a qai raica e dua tale na manumanu rerevaki ka sa lako cake mai vuravura. A sa rua na kena i leu ka sa vaka na i leu ni lami, ka sa vosa me vaka na drakoni.

Vakatakila 5:6

Au a qai raica e dua na Lami sa duri tu ena lomadonu ni tikotiko vakaturaga, ka sa wavoliti koya na veika bula e va kei ira na qase. Na i rairai ni Lami sa vaka e dua sa vakamatei. E vitu na kena i leu ka vitu na matana, ka oqo ga na yalo ni Kalou e vitu sa talai ki vuravura taucoko.