Taniela 5:2 - Ai Vola Tabu Ena Vakavakadewa Vou

² Ni ra gunu waini tiko, a qai vakarota o Pelisasari me ra la'ki kau mai na bilo koula kei na bilo siliva ka a kauta vakaitokinivalu mai na vale tabu mai Jerusalemi o Nepukanesa na tamana. A sa vinakata na tui me mai gunu waini kina o koya, o ira na turaga sureti, o ira na watina kei ira na watina lalai.

Ai Vola Tabu (Vakadewa Makawa Vakavoutaki 2021)

² Sa vakarota ko Pelisasari ni sa tovolea na waini, me kau mai na bilo koula kei na bilo siliva ka kauta mai na vale tabu mai Jerusalemi ko Nepukanesa na tamana; ka me ra gunu mai kina na tui, kei na nona tamata turaga, kei ira na watina dina, kei na watina lalai.

AI VOLA TABU

² Sa kaya ko Pelisasari ni sa tovolea na waini, me kau mai na bilo koula ka siliva ka kauta ko Nipukatinesari ko tamana mai na vale tabu mai Jerusalemi; me ra gunu maikina na tui, kei na kena turaga, na watina dina, kei na watina lalai.

Vakavakadewa Makawa

² Sa vakarota ko Pelisasari ni sa tovolea na waini, me kau mai na bilo koula kei na bilo siliva ka kauta mai na vale tabu mai Jerusalemi ko Nepukanesa na tamana; ka me ra gunu maikina na tui, kei na nona tamata turaga, kei ira na watina dina, kei na watina lalai.

Vakavakadewa Vou kei na iVola tale eso

² Ni ra gunu waini tiko, a qai vakarota o Pelisasari me ra la'ki kau mai na bilo koula kei na bilo siliva ka a kauta vakai tokinivalu mai na vale tabu mai Jerusalemi o Nepukanesa na tamana. A sa vinakata na tui me ra mai gunu waini kina o koya, o ira na turaga sureti, o ira na watina kei ira na watina lalai.

Taniela 5:2 Iomraidhean Croise

2 Samuela 9:7

A sa kaya vua o Tevita, “Mo kakua ni rere ni'u na caka vinaka vei iko, ena vuku i Jonacani na tamamu, ia au na vakasuka vei iko na vanua kecega ka nei Saula na tukamu; ia o na kana tikoga mai na noqu teveli.

2 Tui 24:13

A sa kauta ki Papiloni na i yau talei kecega ni Valenisoro kei na valenitui. Me vaka na vosa i Jiova, a sa musumusuka o Nepukanesa na veiyaya koula kece sara ka a cakava o Solomoni na tui Isireli me vakayagataki ena Valenisoro.

2 Tui 25:15

Era a kauta tani na veika taucoko sa buli ena koula se siliva, ka okati kina na disi ni dravusa kei na bilo ni dra me kureitaki.

2 Veigauna 11:20

Ia e muri, a qai vakawati tale o Reopoama kei Meka na luve i Apisalome, ka luvedrau kina o Apaijia, o Atai, o Sisa, kei Silomeci.

2 Veigauna 15:16

Na tui o Asa sa vakasivoya talega na nona bubu o Meka mai na nona i tutu vakatina i koya na ranadi, baleta ni a cakava e dua na matakau vakasisila ni kalou yalewa o Asera. A sa taya sobu o Asa na nona matakau, ka vakavurumemeataka, ka vakama ena bukawaqa ena vanua buca mai Kitironi.

2 Veigauna 36:10

Ena vula i tubutubu ni yabaki o ya, a sa kauti Jioiakini vakavesu ki Papiloni o Nepukanesa na tui, ka kauta vata na i yau talei ni Valenisoro. A sa qai buli na tamana lailai o Jioiakini, o Setekaia, me tui Juta kei Jerusalemi.

2 Veigauna 36:18

A sa kauta ki Papiloni o tui Kalidia na i yaya lelevu se lalai kecega mai na Valenisoro, ka vakakina na i yau ni vale tabu, na i yau mai na nona vale na tui, kei na nodra i yau talega na nona turaga.

Esera 5:14

A sa vakasuka lesu tale mai o Sairusi na i yaya koula kei na siliva kece a tokia o Nepukanesa ena Valenisoro mai Jerusalemi ki na burekalou eso mai Papiloni. A sa solia na i yaya kece oqo o Sairusi vei Sesipasa, o koya ka sa lesia me kovana mai Juta.

Jeremaia 27:7

Era na qaravi koya na veimatanitu kece sara, ka ra na qarava na luvena kei na makubuna me yacova na gauna sa na qai vakadrukai kina na nona vanua. A qai yaco na nona vanua me qaravi ira na veimatanitu qaqa kei na tui lelevu eso.

Jeremaia 50:35

A sa kaya ko Jiova, “Me yaco mai na mate ki Papiloni. Era na mate na lewena, O ira na kena i liuliu, Kei ira na kena tamata vuku.

Jeremaia 52:19

Era a kauta kece yani na veiyaya e caka ena koula se na siliva: na beseni lalai, na miqa e dau kau kina na qilaiso waqa, na beseni era dau tawa kina na dra ni manumanu era vakacabori, na ka era dau tawa kina na dravusa, na i tutu ni cina, na disi ni ka boi vinaka kei na beseni era dau tawa kina na i soro liviraki.

Taniela 1:2

A sa vakatara na Turaga vei Nepukanesa na tui me vesuki Jioiakimi na tui Juta ka me kauta talega vakaitoki ni valu eso na i yaya tabu ni valenisoro. A sa kauti ira lesu talega eso na kaivesu ki na burekalou ni nona kalou eso, ka biuta na i yaya tabu ni valenisoro sa tauri vakavesu mai ki valeniyau ni nona kalou eso.

Taniela 5:11

E tiko voli ena nomu matanitu e dua na tamata ka tiko vua na yalodra na kalou tabu. Ni a tui tiko na tamamu, a kunei na tamata oqo ni sa yalomatua ka kila-ka, ka vuku sara me vaka na nodra vuku na kalou. Sa qai lesi koya na tamamu o Nepukanesa na tui, me nodra i liuliu na daukilakila, na daucaka mana, na vuku kei ira na dautukuna na kalougata.

Taniela 5:13

Sa qai la'ki kau mai o Taniela ki vua na tui. A sa qai tarogi koya na tui, “O iko li o Taniela, e dua vei ira na Jiu kaivesu a kauti ira mai Jutia ko tamaqu na tui?

Taniela 5:18

“Na Kalou Cecere a vakayacori tamamuni o Nepukanesa na tui me dua na tui kaukauwa, ka qaqa, ka solia vua na dokai kei na lagilagi.

Taniela 5:23

O ni sa vakacerecerei kemuni cake mai vua na Turaga ni lomalagi ka vakacuruma mai ki na vale oqo na bilo era a kau mai na nona Valenisoro. Oi kemuni, o ira na nomuni turaga, o ira na watimuni kei ira na watimuni lailai o ni sa gunu waini ena bilo kecega oqo ka vakavinavinaka vei ira na kalou era buli ena koula, siliva, parasa, kaukamea, kau, kei na vatu — na veikalou era sa sega ni rai se rogo, ka sega na ka era kila. Ia oi kemuni sa sega ni doka na Kalou ka vakatulewataka se mo ni bula se mate, ka lewa na veika kecega o ni vakayacora.

Taniela 5:3

Era a qai la'ki kauta mai na bilo koula, ka ra mai vakayagataka me ra gunu kina.

Taniela 5:30

Ena bogi ga ni siga o ya, a labati kina o Pelisasari, na tui Papiloni:

Taniela 5:4

Era a gunu waini ka vakavinavinaka vei ira na kalou koula, na kalou siliva, na kalou parasa, na kalou kaukamea, na kalou kau, kei na kalou vatu.

Tiko mai na Lekutu 7:79

ka nona i solisoli e dua na veleti siliva ka kena bibi e dua veimama na kilokaramu, e dua na beseni siliva ka kena bibi e walu na drau na karamu; ia e rau sinai ruarua na veleti kei na beseni ena valawa matailalai sa veiwaki vata kei na waiwai, me i madrali laukana;