Taniela 3:1 - Ai Vola Tabu Ena Vakavakadewa Vou

¹ Sa qai lewa o Nepukanesa na tui me buli e dua na matakau koula me 27 na mita na kena cere ka tolu na mita na kena raba, ka sa la'ki vakaduri tu mai na ena buca o Tura, ena yasana o Papiloni.

Ai Vola Tabu (Vakadewa Makawa Vakavoutaki 2021)

¹ O Nepukanesa na tui sa cakava e dua na matakau koula, na kena cecere sa onosagavulu na kiupiti, na kena rabailevu sa ono na kiupiti; ka sa vakaduria ko koya e na buca ko Tura, e na yasana vaka-Papiloni.

AI VOLA TABU

¹ O NIPUKATINESARI na tui sa cakava e dua na matakau koula, na kena cecere sa caga dua na drau ka ruasagavulu, na kena rabailevu sa caga tinikava: sa vakaduria ko koya e na buca ko Tura, e na yasayasa vaka-Papiloni.

Vakavakadewa Makawa

¹ O Nepukanesa na tui sa cakava e dua na matakau koula, na kena cecere sa onosagavulu na kiupiti, na kena rabailevu sa ono na kiupiti: ka sa vakaduria ko koya e na buca ko Tura, e na yasana vaka-Papiloni.

Vakavakadewa Vou kei na iVola tale eso

¹ Sa qai lewa o Nepukanesa na tui me buli e dua na matakau koula me 27 na mita na kena cere ka tolu na mita na kena raba, ka sa la'ki vakaduri tu mai na ena buca o Tura, ena yasana o Papiloni.

Taniela 3:1 Iomraidhean Croise

1 Tui 12:28

A rogo i vakasala na tui, ka bulia e rua na luve ni bulumakau koula, a kaya vei ira na tamata, “Sa rui dredre vei kemuni mo ni lako cake ki Jerusalemi ni sa yawa, Ni raica oqo o rau na nomuni kalou, oi kemuni na Isireli, e rau a kauti kemuni cake mai na vanua o Ijipita.”

Esiteri 1:1

Ena dela ni nona gauna ni veiliutaki vakatui o Asuerosi, sa veiliutaki tiko mai na koroturaga o Susa.

NA SAME 135:15

Na nodra veikalou matakau na veimatanitu era sa buli ga ena siliva kei na koula; Era sa cakava ga na liga ni tamata.

Lako Yani 20:23

Mo ni kakua ni cakava na kalou siliva se kalou koula mo ni cuva kina, me i kuri ni nomuni qaravi au.

Lako Yani 32:31

A mai lesu yani vei Jiova o Mosese, ka la'ki kaya vua, “Era sa cakava na tamata oqo e dua na i valavala ca levu; era sa cakava vakai ira e dua na kalou koula ka sokalou vua.

Aisea 2:20

Ni sa na yaco mai na siga o ya, era a viritaka na tamata na nodra matakau siliva, kei na nodra matakau koula; Era a cakava ga ena ligadra me ra qarava; ka solia ki na dua na mataqali manumanu era vaka na kalavo kei na beka.

Aisea 30:22

O ni na okata na nomuni matakau siliva kei na matakau koula me ka dukadukali. O ni na viritaki ira tani ka kaya, “Ni lako tani mai na mataqu!”

Aisea 46:6

Era sa dolava na nodra baosi na tamata Ka ra sa sova mai na koula. Era sa sauma e dua na matai ni koula Me cakava e dua na kalou, Era sa qai cuva sobu ka qarava.

Jeremaia 10:9

Sa vakaiukuuku na nodra veimatakau Ena siliva mai Tasisi, Kei na koula mai Ufasi, Era sa cakacaka ni ligadra kecega na matai Kei na dautuki kaukamea. Era sa vakaisulu ena i sulu karakarawa Kei na i sulu lokaloka, Era talia na dautalitali.

Jeremaia 16:20

E rawa li vei ira na tamata me ra cakava ga na nodra kalou? E sega, ni kevaka era cakava vakakina, era na sega ga ni kalou dina.”

Taniela 2:48

A qai solia vei Taniela na tui e dua na i tutu cecere, ka solia talega vua e vuqa na i loloma uasivi. A vakatikori koya me lewa na yasana o Papiloni ka lesi koya talega me liutaki ira na dauvakasala e Papiloni taucoko.

Taniela 2:49

Ena kerekere i Taniela, sa qai lesi iratou o Setareki, o Mesake kei Apeteniko na tui me ratou liutaka na cakacaka vakamatanitu ena yasana o Papiloni ka me tiko ga o Taniela ena valenitui.

Taniela 3:14

Sa qai tarogi iratou o koya, ka kaya, “I Setareki, Mesake, kei Apeteniko, e dina li ni o dou bese ni vakarokoroko ki na noqu kalou, ka bese talega ni cuva ki na matakau koula au sa vakaduria tu oqo?

Taniela 3:30

Sa qai solia na tui na i tutu cecere cake ena yasana o Papiloni me nodratou o Setareki, o Mesake kei Apeteniko.

Taniela 5:23

O ni sa vakacerecerei kemuni cake mai vua na Turaga ni lomalagi ka vakacuruma mai ki na vale oqo na bilo era a kau mai na nona Valenisoro. Oi kemuni, o ira na nomuni turaga, o ira na watimuni kei ira na watimuni lailai o ni sa gunu waini ena bilo kecega oqo ka vakavinavinaka vei ira na kalou era buli ena koula, siliva, parasa, kaukamea, kau, kei na vatu — na veikalou era sa sega ni rai se rogo, ka sega na ka era kila. Ia oi kemuni sa sega ni doka na Kalou ka vakatulewataka se mo ni bula se mate, ka lewa na veika kecega o ni vakayacora.

Taniela 5:4

Era a gunu waini ka vakavinavinaka vei ira na kalou koula, na kalou siliva, na kalou parasa, na kalou kaukamea, na kalou kau, kei na kalou vatu.

Osea 2:8

Ena sega ni vakatusa vakadua o koya ni sai au ga ka solia vua na sila, na waini, na waiwai olive, ka vakakina na siliva kei na koula sa la'ki vakayagataka ena sokalou vei Peali.

Osea 8:4

“Era sa bulia na nodra tui na noqu tamata, ia era sa sega ga ni qara na noqu veivakadonui. Era sa lesi ira na turaga, ia au a sega ni kila. Era sa cakava na nodra matakau ena siliva kei na koula, ia sa ka ni veivakarusai ga kivei ira.

Apakuki 2:19

O ni sa vakarusai! O ni sa kaya ki na dua na tiki ni kau, “Mo yadra mai!” se ki na dua na i bulibuli vatu, “Mo tucake!” E rawata beka e dua na matakau me vakatakila vei iko e dua na ka? Raica, sa rawa ni robota tu na i ukuuku siliva kei na koula, ia na bula ga sa sega sara ni tiko kina.

Cakacaka 17:29

Me vaka ni da sa luve ni Kalou, sa sega kina ni dodonu me da nanuma ni sa tautauvata na Kalou kei na i vakatakarakara sa bulia vakamaqosa na tamata mai na koula, se na siliva, se na vatu.

Cakacaka 19:26

Ia o ni sa raica tiko ka rogoca na ka sa cakava tiko na tamata oqo o Paula. E kaya tiko ni kalou e cakava na tamata e sega ni kalou dina. Sa vuqa sara na tamata e rawai, e Efeso ka vakakina ena yasana taucoko o Esia.

Vakarua 7:25

Mo ni vakama na nodra matakau ena buka. Kakua ni domona na siliva se na koula era kabi tu kina; ni kakua ni kauta me nomuni de yaco me vu ni leqa vei kemuni ka ni sa cata sara na qaravi kalou matakau ko Jiova.

Vakatakila 9:20

Na vo ni kawa tamata, o ira ka sega ni vakamatei mai na ka ni veivakararawataki oqo, era sa sega ni vuki tani mai na veika era sa rawata mai na cakacaka ni ligadra. Era sa sega talega ni biuta na qaravi tevoro, se na qaravi kalou matakau eso sa buli ena koula, ena siliva, ena parasa, ena vatu, kei na kau, a veika ga sa sega ni rai rawa, se rogo, se lako.