Taniela 2:2 - Ai Vola Tabu Ena Vakavakadewa Vou

² A qai talatala me ra la'ki lako mai vua o ira na nona daukilakila, na daucaka mana, na daucaka i sausau kei ira na tamata vuku me ra mai vakamacalataka vua na nona tadra. Ia ni ra sa tadu yani,

Ai Vola Tabu (Vakadewa Makawa Vakavoutaki 2021)

² Sa qai kaya na tui me ra kacivi mai na daucaka mana, kei ira era dauvakarai mata ni lomalagi, kei ira era daucakaisausau, kei na kai Kalitia, me ra vakatakila vua na tui na nona tadra. Ka ra sa qai mai tu e na mata ni tui.

AI VOLA TABU

² Sa qai vosa na tui me kacivi ira mai na tamata vuku, kei na rairai, kei na daucaka-mana, kei na kai Kalitea, me ra vakatakila vua na tui na nona tadra. A ra sa mai tu e na mata ni tui.

Vakavakadewa Makawa

² Sa qai kaya na tui me ra kacivi mai na daucaka mana, kei ira era dauvakarai mata ni lomalagi, kei ira era daucakai sausau, kei na kai Kalitia, me ra vakatakila vua na tui na nona tadra. Ka ra sa qai mai tu e na mata ni tui.

Vakavakadewa Vou kei na iVola tale eso

² A qai talatala me ra la'ki lako mai vua o ira na nona daukilakila, na daucaka mana, na daucaka i sausau kei ira na tamata vuku me ra mai vakamacalataka vua na nona tadra. Ia ni ra sa tadu yani,

Taniela 2:2 Iomraidhean Croise

Vakatekivu 41:8

Ia ni sa mataka mai na vanua, a sa lomaleqa sara vakalevu. Sa qai talatala yani me ra lako kece mai na daucakamana kei na tamata vuku mai Ijipita. Sa qai kaya vei ira na nona tadra, ia sa sega sara ni dua me kaya rawa vua na kena i balebale.

Esiteri 1:13

A qai qara i vakasala vei ira na tamata vuku na tui era kila na ka me caka ena leqa vakaoqo, ni sa nona i vakarau tudei na tui me dau qara i vakasala vei ira era kila vakavinaka na veika vakalawa kei na veika ni veiliutaki.

Lako Yani 7:11

A qai vakarota na tui me ra lako mai na nona tamata vuku kei ira na daucakaisausau; era vakayacora talega vakakina, ena nodra i valavala na daucakamana ni Ijipita,

Aisea 19:3

Ena yali na yalodra na kai Ijipita, Ka'u na vakaveilecayakitaka na nodra i naki. Era na la'ki taro i vakasala vei ira na matakau, Kei ira na dauvaka draunikau, Ka vakakina vei ira na daurairai, Kei na daucakaisausau.

Aisea 8:19

Era na kaya vei kemuni na tamata mo ni la'ki taro i tukutuku vei ira na daurairai kei ira era daucurumi, o ira era dau vosa e ra ka vakasolokakana. Na matanitu yadua sa dodonu me qara na i vakasala ni kena kalou, me ra tarogi ira na mate ena vukudra na bula.

Taniela 1:20

Ia a veitalia ga se taro cava a taroga na tui, se ka dredre cava a vakavotuya mai me veivosakitaki, a kunea o koya ni ratou vinaka cake vakatini na lewe va oqo mai vei ira kecega na daukilakila kei ira na daucaka mana ena nona matanitu taucoko.

Taniela 1:4

O ira oqo me ra cauravou rairai vinaka, bulicaki vinaka, yalomatua, i tovo vinaka ka totolo ena vuli, ka me rawa ni ra rawata na cakacaka ni tiko vakavuli me ra na dauvakasala vua na tui. Ia me i tavi sara ga nei Asipinasi me vakatavulici ira ena vosa, na wili i vola kei na volavola vaka-Papiloni.

Taniela 2:10

Era a qai sauma na tamata vuku na vosa ni tui ka ra kaya, “Sa sega saka ni dua ena dela i vuravura oqo me tukuna rawa vei kemuni na ka o ni via kila. E sega na tui — e sega sara mada ga ni o koya ka rogo levu ka qaqa duadua vei ira, e sa bau cikeva oti e dua na ka vakaoqo mai vei ira na nona daukilakila, na daucaka mana kei ira na vuku.

Taniela 2:27

Sa qai sauma o Taniela, ka kaya, “Kemuni na tui, sa sega sara ni dua na vuku, na daucaka mana, na daukilakila, se o ira na dau tukuna na kalougata, e rawa ni tukuna vei kemuni na tadra oqori.

Taniela 3:8

Ia eso vei ira na kai Papiloni era a vakayagataka na soqo oqo me rawa kina ni ra beitaki ira na Jiu.

Taniela 4:3

Sa rui veivakadrukai ka veivakurabuitaki na ka e vakaraitaka vei keda na Kalou! Sa rui kaukauwa na veicakacaka mana a cakava o koya! Sa na tui na Kalou ka sega ni mudu; sa na veiliutaki o koya ena veigauna kecega.

Taniela 4:6

Au a vakarota me ra soqo vata mai na noqu tamata vuku e Papiloni me ra mai vakaraitaka na i balebale ni noqu tadra.

Taniela 5:7

A qai kacikaci na tui me dua e la'ki kauti ira mai na daucaka mana, o ira na vuku kei ira na dautukuna na kalougata. Ni ra curu mai, sa qai kaya vei ira na tui, “O koya ga vei kemuni e wilika rawa na volavola oqo ka tukuna vei au na kena i balebale, sa na tokara o koya na kote lokaloka balavu vakatui ka taubena na i taube sinucodo koula ni veidokai; ia sa na i katolu o koya vei keitou na liu ena matanitu oqo.”

1 Samuela 6:2

Ia a qai kacivi ira na bete kei ira na daurairai o ira na kai Filisitia, ka kaya, “A cava mada me da cakava ena vuku ni Kato ni Veiyalayalati i Jiova?” Ni vakatakila mai vei keimami se me keimami vakauta vakaevei ki na kena i tikotiko.