Maciu 3:2 - Ai Vola Tabu Ena Vakavakadewa Vou

² “Ni veivutuni ni sa voleka na matanitu vakalomalagi!”

Ai Vola Tabu (Vakadewa Makawa Vakavoutaki 2021)

² ka kaya, “Dou veivutuni, ni sa voleka na matanitu vakalomalagi.”

AI VOLA TABU

² ka kaya, Dou veivutuni! ni sa voleka na matanitu vakalomalagi.

Vakavakadewa Makawa

² ka kaya, Dou veivutuni! ni sa voleka na matanitu vakalomalagi.

Vakavakadewa Vou kei na iVola tale eso

² “Ni veivutuni ni sa voleka na matanitu vakalomalagi!”

Maciu 3:2 Iomraidhean Croise

1 Tui 8:47

ia kevaka era vakanananu ki na vanua era kau vakavesu mai kina, ka veivutuni, ka masuti kemuni ni ra sa tiko ena nodra vanua na kauti ira vakavesu kina, ka kaya, ‘Keimami sai valalava ca, ka cakava na i tovo vakatani ka sa caka cala;’

Jope 39:12

O nuitaki koya beka me la'ki kauta Mai na nomu i teitei na veika sa tamusuki oti, Ka la'ki kauta mai na vua ni nomu raisi Mai na vanua ni samuraki raisi?

Jope 42:6

O koya oqo au sa madualaka kina na veika kece au tukuna, Ka veivutuni ena kuvu ni qele kei na dravusa.

Isikeli 33:11

Mo kaya vei ira, Me vaka na dina ni noqu bula, sa kaya na Kalou ko Jiova, au sa sega ni vinakata se marautaka me mate na tamata ca, au vinakata ga me vuki tani mai o koya mai na nona i tovo ca; a cava li o ni via mate kina Oi Kemuni na Mataqali i Isireli?

Taniela 2:44

Ena gauna ni nodra veiliutaki na veitui oqori, sa na tauyavutaka kina na Kalou ni lomalagi e dua na matanitu ena sega ni oti rawa. Na matanitu oqo ena sega ni rawai rawa ka na vaqeyavutaki iratou vakadua yani na veimatanitu e liu ka me qai bula tu o koya ka sega ni mudu.

Maciu 10:7

Ni dou sa lako voli, dou vunau, ka kaya, ‘Sa voleka mai na matanitu vakalomalagi.’

Maciu 11:20

Sa qai tekivu me vunauca na veikoro e sa caka vakalevu sara kina na nona cakacaka mana, ni ra sa sega ni veivutuni.

Maciu 12:41

Era na tucake ena veilewai na kai Ninive kei na i tabatamata oqo ka beitaka, ni ra a veivutuni ena vunau i Jona, ia, sa tu oqo e dua e levu cake vei Jona.

Maciu 13:11

Sa qai sauma ko Jisu ka kaya vei iratou, “Sa soli ga vei kemudou mo dou kila na veika vuni ni matanitu vakalomalagi, ia e sa sega ga ni soli vei ira.

Maciu 13:24

Sa qai tukuna vei ira e dua tale na vosa vakatautauvata, ka kaya, “E rawa ni vakatautauvatataki na Matanitu vakalomalagi kei na dua na tamata e kaburaka na i tei ni kau vinaka ena nona i teitei.

Maciu 13:31

Sa qai tukuna vei ira ko Jisu e dua tale na vosa vakatautauvata, ka kaya, “Sa tautauvata na matanitu vakalomalagi kei na dua na sore ni musita e taura e dua na tamata ka tea ena nona i teitei;

Maciu 13:33

A sa qai tukuna vei ira o koya e dua tale na vosa vakatautauvata, ka kaya, “Na matanitu vakalomalagi sa vaka na i vakatubu sa taura e dua na yalewa ka wakia ki na tolu na i vakarau falawa me yacova na gauna sa vakatubura kina na falawa taucoko sara.”

Maciu 13:47

“E dua tale, sa tautauvata na matanitu vakalomalagi kei na lawa ni yavi, sa viritaki ki wai, ka tagava mai na ika ena kena veimataqali kecega;

Maciu 13:52

Sa qai kaya vei iratou o koya, “O koya oqo, era sa vakatautauvatataki kina o ira na daunilawa sa yaco me ra tisaipeli ni matanitu vakalomalagi kei koya na i taukei ni vale sa kauta mai na nona rumu ni maroroi i yaya na i yau vovou kei na i yau makawa.”

Maciu 18:23

O koya oqo, sa vakatautauvatani kina na matanitu vakalomalagi kei na dua na tui ka sa via taroga nodra dinau na nona tamata.

Maciu 20:1

“Ni sa tautauvata na matanitu vakalomalagi kei na i taukei ni vale ka sa sou vakamataka yani me la'ki kauti ira mai eso na tamata me ra mai cakacaka saumi ena nona loganivaini.

Maciu 22:2

“E rawa ni vakatautauvatataki na matanitu vakalomalagi kei na dua na tui sa cakava na magiti ni vakawati nei luvena tagane.

Maciu 23:13

“Dou na kalouca dina na daunilawa kei na Farisi! Dou tamata dauveivakaisini! Ni dou sa sogota na matanitu vakalomalagi e matadra na tamata, ka dou sa sega ni curu talega kina oi kemudou, se laivi ira era via curu me ra curu kina!

Maciu 25:1

“Ena rawa ni vakatautauvatataki na matanitu vakalomalagi kei na goneyalewa e lewe tini ka a kauta na nodratou cina ka la'ki veitavaki kei na tagane sa qai vakawati vou.

Maciu 25:14

“Ena gauna o ya, ena vakaoqo na matanitu vakalomalagi. A sa dua na tamata ka sa lako yani ki na dua na vanua tani; a sa kacivi iratou mai na nona dauveiqaravi ka lesi iratou ki na qaravi ni nona i yau.

Maciu 4:17

Mai na gauna koya, a sa vakatekivu me vunautaka voli kina ko Jisu na nona i tukutuku oqo: “Mo ni veivutuni mai na nomuni i valavala ca, ni sa voleka mai na matanitu vakalomalagi!”

Maciu 4:23

Sa qai veilakoyaki voli e Kalili taucoko ko Jisu, ka veivakatavulici ena nodra veivalenilotu, ka vunautaka na i Tukutuku Vinaka ni matanitu, ka vakabulai ira na tamata mai na veimate kecega kei na malumalumu kecega.

Maciu 5:10

“Sa kalougata o ira era vakacacani ena vuku ni ka e dodonu; Ni sa nodra na matanitu vakalomalagi.

Maciu 5:3

“Sa kalougata o ira era sa yalo malumalumu, Ni sa nodra na matanitu vakalomalagi.

Maciu 6:10

Me yaco mai na nomuni matanitu. Me caka na lomamuni e vuravura me vaka sa caka tiko mai lomalagi.

Maciu 6:33

Ia dou vakasaqara taumada ga na matanitu ni Kalou kei na nona dodonu, ka na soli me kena i kuri vei kemudou na veika kecega oqo.

Marika 1:15

ka kaya, “Sa qai yaco mai na kena gauna, ka sa voleka na matanitu ni Kalou. Ni veivutuni ka vakabauta na i Tukutuku Vinaka!”

Marika 1:4

A sa basika mai kina o Joni na dauveipapitaisotaki ena vanua lala, ka vunautaka voli me ra papitaiso o ira sa veivutuni me bokoci kina na i valavala ca.

Marika 6:12

E ratou sa mani lako ka vunautaka me ra veivutuni na tamata.

Luke 1:16

ka na vakalesuya mai o koya vua na Turaga na nodra Kalou e lewe vuqa vei ira na Isireli.

Luke 11:20

E segai sara, ni ka'u sa vakasavi ira tani ga na tevoro ena kaukauwa ni Kalou, ka sa vakatakila oqo ni sa yaco mai vei kemuni na matanitu ni Kalou.

Luke 13:3

E sega sara!; Ka'u sa tukuna oqo vei kemuni ni kevaka o ni sa sega ni veivutuni mai na nomuni i valavala ca, o ni na rusa kecega me vakataki ira.

Luke 13:5

Au sa kaya vei kemuni, E segai; ia, kevaka o ni sa sega ni veivutuni, o ni na mate kece talega vakakina.”

Luke 15:10

Au sa kaya vei kemuni ni sa tubu vakakina na reki ena matadra na agilosi ni Kalou ena vuku ni dua bau ga na tamata i valavala ca sa veivutuni.”

Luke 15:7

Au sa kaya vei kemuni, ena vakakina na levu ni reki mai lomalagi ena vukuna e dua bau ga na tamata i valavala ca sa veivutuni, ka sega soti ena vukudra na lewe ciwasagavulukaciwa na tamata yalododonu ka sega ni yaga me ra veivutuni.

Luke 16:30

A sauma na tamata vutuniyau ka kaya, ‘E sega, tamaqu Epara-ama, kevaka ga e dua mai vei ira na mate e lako vei iratou, e ratou na qai veivutuni.’

Luke 21:31

Sa vakakina, ni dou sa raica ga ni ra sa yaco na veika oqo, dou kila sara ni sa voleka mai na matanitu ni Kalou.

Luke 24:47

ka me vunautaki na veivutuni kei na bokoci ni valavala ca ena yacana ki na veimatanitu kecega, me tekivu e Jerusalemi.

Luke 6:20

Sa qai raici iratou cake na nona tisaipeli ko Jisu ka kaya: “Dou sa kalougata, oi kemudou sa dravudravua; Ni sa nomudou na matanitu ni Kalou!

Luke 9:2

Sa qai talai iratou yani me ratou vunautaka na matanitu ni Kalou, ka veivakabulai.

Cakacaka 11:18

Ia ni ra sa rogoca o ya, era sa galu ga, ka vakatekivu me ra vakalagilagia na Kalou, ka kaya, “Sa solia talega na Kalou vei ira na kai matanitu tani na gauna oqo me ra veivutuni ka bula kina.”

Cakacaka 17:30

Ia na gauna ni lecaika sa vakanadakuya oti na Kalou, a sa vakarota na tamata kecega ena gauna oqo me ra veivutuni.

Cakacaka 2:38

Sa qai kaya vei ira o Pita, “Oi kemuni yadua mo ni veivutuni ka papitaisotaki ena yaca i Jisu Karisito, me bokoci kina na nomuni i valavala ca; ena qai soli vei kemuni na i solisoli ni Kalou, na Yalo Tabu.

Cakacaka 20:21

E vaka talega kina vei ira na Jiu kei ira na kai Kirisi, au a vakarota vei ira me ra veivutuni mai na nodra i valavala ca ka vakabauta na noda Turaga ko Jisu Karisito.

Cakacaka 26:20

Au a tekivu vei ira mai Tamasiko, ka qai tarava o Jerusalemi kei na loma ni yasana kece o Jutia, ka vakakina vei ira talega na kai matanitu tani. Au a vunautaka kina me ra veivutuni ka saumaki mai vua na Kalou, ka cakava na cakacaka e vakaraitaki kina ni ra sa veivutuni.

Cakacaka 3:19

Mo ni veivutuni kina, ka saumaki mai vua na Kalou, me rawa ni vosota o koya na nomuni i valavala ca. Kevaka o ni vakayacora oqo,

2 Korinica 7:10

Na rarawa sa vaka na loma ni Kalou sa vakavuna na veivutuni sa yaco kina na vakabulai, sa sega ni veivutunitaki tale, ia na rarawa vakavuravura sa vakavuna na mate.

Kolosa 1:13

Sa vakabulai keda o koya mai na vakatulewa ni butobuto ka kauti keda tani ki na nona matanitu na Luvena lomani,

2 Timoci 2:25

ka vakatavulici ira na kemu meca ena yalomalumalumu. De na qai solia vei ira na Kalou na gauna me ra veivutuni kina ka kila na ka dina,

Iperiu 6:1

O koya oqo me da toso tikoga ki liu, ki na i vakavuvuli matua ka vakanadakuya na i matai ni lesoni me baleta na vosa ni Kalou. Me da kua tale ni vakalesuva na vulici ni yavu vakalotu me vaka na veivutuni mai na veicakacaka tawayaga eso kei na vakabauta na Kalou;

2 Pita 3:9

Sa sega ni berabera na Turaga ni vakayacora na nona vosa ni yalayala, me vaka era sa nanuma eso. Ia sa vosoti kemuni ga vakadede, baleta ni sa sega ni vinakata o koya me rusa e dua, ia me ra veivutunitaka ga na nodra i valavala ca na tamata yadua.

Vakatakila 2:21

Au a solia vua na gauna me veivutunitaka kina na nona i valavala ca, ia sa bese ga ni via vuki tani o koya mai na nona i tovo vakasisila.

Vakatakila 2:5

Vakasamataka mada na yawa ni vanua o sa lutu mai kina! Ia mo veivutuni ga ka lesuva tale na veika ga o dau cakava eliu. Kevaka o na sega ni vuki tani mai na nomu i valavala ca, au na lako yani vei iko ka kauta tani na nomu i tutu-ni-cina mai na kena i tikotiko.