Luke 8:25 - Ai Vola Tabu Ena Vakavakadewa Vou

²⁵ Sa qai kaya vei iratou o koya, “Sa evei na nomudou vakabauta?” Ia ratou sa rere ga ka kurabui ka veikayaka vakai iratou, “O cei beka oqo? Ni rau sa bau talairawarawa talega ki na nona i vakaro na cagi kei na wai!”

Ai Vola Tabu (Vakadewa Makawa Vakavoutaki 2021)

²⁵ A sa kaya vei ira ko koya, “Evei na nomudou vakabauta?” A ra sa rere ka kurabui, ka veikayaka vakai ira, “Ko cei beka oqo; sa vakarota na cagi kei na wai, a rau sa talairawarawa vua?”

AI VOLA TABU

²⁵ A sa kaya vei iratou ko koya, Evei na nomudou vakabauta? A ratou sa rere ka kidacala, ka veikayaki vakai iratou, O cei beka o qo; ni sa vosa ki na cagi kei na wai, a rau sa talairawarawa vua?

Vakavakadewa Makawa

²⁵ A sa kaya vei ira ko koya, Evei na nomudou vakabauta? A ra sa rere ka kurabui, ka veikayaka vakai ira, Ko cei beka oqo; sa vakarota na cagi kei na wai, a rau sa talairawarawa vua?

Vakavakadewa Vou kei na iVola tale eso

²⁵ Sa qai kaya vei iratou o koya, “Sa evei na nomudou vakabauta?” Ia ratou sa rere ga ka kurabui ka veikayaka vakai iratou, “O cei beka oqo? Ni rau sa bau talairawarawa talega ki na nona i vakaro na cagi kei na wai!”

Luke 8:25 Iomraidhean Croise

Vosavakaibalebale 30:4

O cei sa bau lako cake ki lomalagi se lesu sobu tale mai? O cei sa vesuka rawa na cagi e ligana? Se sa ologa rawa na wai ena i sulu? Se sa bulia na i yalayala kei vuravura? O cei o koya, kevaka o sa kila? O cei na luvena tagane?

Vosavakaibalebale 8:29

ka sa vakarota kina na wai ni wasawasa Me kakua tale ni tubu cake me vaka na nona vosa. Au a tu e kea ena kena vakayavutaki o vuravura.

Maciu 14:31

A dodoka yani vakatotolo na ligana ko Jisu ka tauri koya, ka kaya vua, “Tamata lailai na nomu vakabauta! Na cava tale o vakatitiqa kina?”

Maciu 17:20

Sa qai kaya vei iratou o koya, “E baleta ni lailai ga na nomudou vakabauta. Ni'u sa kaya vakaidina vei kemudou, kevaka e tu vei kemudou na vakabauta me vaka na sore ni musita, dou na kaya ki na ulunivanua oqo, ‘Mo toso mai na vanua oqo ki kea,’ ka na toso vakakina. Sa sega na ka e dredre vei kemudou!

Maciu 6:30

Ia kevaka sa vakasuluma vakaoqo na Kalou na co ni veivanua, na co ka sa bula edaidai ka sa yali tale yani ni mataka ni sa vakamai ena lovo, ena sega li ni qai levu cake sara na nona kauwai me vakasulumi kemudou, Oi kemudou sa lailai na nomudou vakabauta?

Maciu 8:10

Ni sa rogoca ko Jisu, sa kurabui, ka kaya vei ira ka muri koya tiko, “Au sa kaya vakaidina vei kemudou, au se sega mada ni bau raica vua e dua e Isireli na mataqali vakabauta vakaoqo.

Maciu 8:26

Sa qai kaya vei iratou, “A cava dou sa rere kina, sa lailai na nomudou vakabauta?” Sa qai duri cake ka vunauca na cagi kei na wasawasa, ka sa maravu mai.

Marika 4:35

Ena siga o ya ni sa yakavi mai, sa qai kaya vei iratou na nona tisaipeli ko Jisu, “Tou lako mada ki tai kadua.”

Luke 12:28

Ia kevaka sa vakaisulutaka vakaoqo na Kalou na co era bula tu e veivanua edaidai ka ra biu ki na lovo ni mataka, sa na qai uasivi sara na ka ena vakasulumi kemudou kina — oi kemudou sa lailai na nomudou vakabauta!

Luke 8:24

E ratou sa qai la'ki vakayadrati koya sara, ka kaya, “Turaga, Turaga, e datou sa leqa!” Sa qai tu cake o koya ka vunauca na cagi kei na biau cudrucudru; a rau sa mani mudu sara, ka mai lutu yani na maravu.

Luke 8:26

E ratou sa qai kele yani ki na nodra vanua na kai Katara ka toka veidonui kei Kalili.

Joni 11:40

Sa qai kaya vua ko Jisu, “Au a sega li ni kaya vei iko, ni o na raica ga na kaukauwa ni Kalou kevaka o vakabauta?”