Luke 4:8 - Ai Vola Tabu Ena Vakavakadewa Vou

⁸ Sa qai sauma ko Jisu ka kaya vua, “Sa volai ena i Vola Tabu, ‘Mo vakarokoroko vua na Turaga na nomu Kalou ka qaravi koya duadua ga!’ ”

Ai Vola Tabu (Vakadewa Makawa Vakavoutaki 2021)

⁸ A sa vosa vua ko Jisu, ka kaya, “Ni sa volai, ‘Mo vakarokoroko vei Jiova na nomu Kalou, ia mo qaravi koya duaduaga.’ ”

AI VOLA TABU

⁸ A sa vosa vua ko Jisu, ka kaya, Mo lakani ki dakuqu, Satani: ni sa volai, Mo soro vei Jiova na nomu Kalou, ia mo qaravi koya duaduaga.

Vakavakadewa Makawa

⁸ A sa vosa vua ko Jisu, ka kaya, Mo lako ki dakuqu, Setani: ni sa volai, Mo vakarokoroko vei Jiova na nomu Kalou, ia mo qaravi koya duaduaga.

Vakavakadewa Vou kei na iVola tale eso

⁸ Sa qai sauma o Jisu ka kaya vua, “Sa vola vakaoqo na i Vola Tabu, ‘Mo vakarokoroko vua na Turaga na nomu Kalou ka qaravi koya duadua ga!’ ”

Luke 4:8 Iomraidhean Croise

2 Tui 19:15

A sa masu o Esekaia ena mata i Jiova, ka kaya, “Kemuni Jiova, na nodra Kalou na Isireli, o kemuni sa tiko vakaturaga ena kedrau maliwa na jerupi, oi kemuni vakai kemuni ga sa Kalou ni veimatanitu kecega e vuravura. Oi kemuni ga sa bulia na lomalagi kei na vuravura.

NA SAME 83:18

Ia me ra kila ni yacamuni ko Jiova, O koya na ledua sa Cecere Sara e vuravura taucoko.

Aisea 2:11

Na mata viavialevu ni tamata ena vakamalumalumutaki, ka na buturaki sobu na nodra dokadoka. Ena siga o ya sa na vakacerecerei taudua ga kina ko Jiova.

Maciu 16:23

Ia, sa qai vuki o koya ka kaya vei Pita, “Lako tani ki dakuqu, Setani! O iko na i vakatatao ni noqu sala, baleta ni sa vakatamata ga na nomu vakasama ka sa sega ni lako mai vua na Kalou.”

Maciu 4:10

Sa qai kaya vua ko Jisu, “Lako tani, Setani! Ni sa volai tu, ‘Mo vakarokoroko vua na Turaga na nomu Kalou, ka mo qaravi koya duadua ga.’ ”

Luke 4:4

Sa qai kaya vua ko Jisu, “Sa volai tu, ‘Ena sega ni bula na tamata ena madrai duadua ga.’ ”

Luke 4:7

Ena nomu na veika kece oqo kevaka o na cuva ka vakarokoroko vei au.”

Vakarua 10:20

Mo ni rerevaki Jiova na nomuni Kalou. Mo ni qaravi koya ka yalodina vua, ka vosa ni yalayala ena vuku ni yacana duadua ga.

Vakarua 6:13

Mo ni rokovi Jiova na nomuni Kalou ka qaravi koya duadua ga, ka vakayacora na nomuni vosa ni yalayala kecega ena yacana.

Jemesa 4:7

O koya oqo mo ni vakamalumalumutaki kemuni kina vua na Kalou. Vorata na tevoro, ena dro tani kina mai vei kemuni o koya.

1 Pita 5:9

Mo ni tudei sara ena nomuni vakabauta ka vorati koya, ni o ni sa kila ni sa yaco tale tikoga na veivakararawataki vakaoqo vei ira na wekamuni e vuravura taucoko.

Vakatakila 19:10

Au sa qai bale sobu ki yavana ena vakarokoroko, ia sa qai kaya vei au o koya, “Kakua sara ni kitaka oqori! Oi au na nomu i tokani dauveiqaravi ka vakakina o ira na veiwekani sa vakabauta, o ira kece era sa taura dei tiko na dina sa vakatakila ko Jisu. Mo vakarokorokotaka ga na Kalou!” Ni sa veivakauqeti vei ira na parofita na dina ka sa mai vakatakila ko Jisu.

Vakatakila 22:9

Ia sa qai kaya vei au o koya, “Mo kakua sara ni cakava oqori! Oi au e dua na nomu i tokani dauveiqaravi ga kei ira na wekamu na parofita, vata kei ira era sa muria na vosa ni vola oqo. Mo vakarokorokotaka ga na Kalou!”

1 Samuela 7:3

A qai vosa vei ira kecega na veimataqali i Isireli o Samuela, ka kaya, “Kevaka o ni via lesu tale vei Jiova ena yalomuni taucoko, ia mo ni biuta laivi na veikalou tani kei na Aseteroci talega. Mo ni vagolea vakatabakidua na yalomuni vei Jiova ka qaravi koya duadua ga; ena qai vakabulai kemuni o koya mai na ligadra na kai Filisitia.