Luke 20:10 - Ai Vola Tabu Ena Vakavakadewa Vou

¹⁰ Ia ni sa yacova na gauna ni tatamusuki, sa qai tala na i taukei ni loganivaini e dua na tamata kivei ira era lisitaka na qele me ra solia vua na nona i wasewase ni qerepi sa tamusuki; ia era a qai mokuta ka vakatalai koya tani, ka sega ni solia vua e dua na ka.

Ai Vola Tabu (Vakadewa Makawa Vakavoutaki 2021)

¹⁰ Ia ni sa yaco na kena gauna, sa tala ko koya e dua na tamata vei ira nai vakatau-ni-were, me ra solia vua eso na vua ni loga-ni-vaini. Ia era sa yaviti koya ko ira nai vakatau-ni-were, ka vakatala tani e na liga-lala.

AI VOLA TABU

¹⁰ Ia ni sa yaco na kena gauna, sa tala ko koya e dua nai talatala vei ira nai vakatau-ni-were, mo ra solia vua e so na vua ni were-ni-vaini: a sa yaviti koya ko ira nai vakatau-ni-were, ka vakatala tani wale.

Vakavakadewa Makawa

¹⁰ Ia ni sa yaco na kena gauna, sa tala ko koya e dua na tamata vei ira nai vakatau-ni-were, me ra solia vua eso na vua ni were-ni-vaini: a ra sa yaviti koya ko ira nai vakatau-ni-were, ka vakatala tani wale.

Vakavakadewa Vou kei na iVola tale eso

¹⁰ Ia ni sa yacova na gauna ni tatamusuki, sa qai tala na i taukei ni loganivaini e dua na tamata kivei ira era lisitaka na qele me ra solia vua na nona i wasewase ni qerepi sa tamusuki; ia era a qai mokuta ka vakatalai koya tani, ka sega ni solia vua e dua na ka.

Luke 20:10 Iomraidhean Croise

1 Tui 22:24

A sa qai toro voleka yani na parofita o Setekaia vei Maikaia ka sabica na matana, ka taroga, “Ena gauna cava sara mada sa lako tani mai kina vei au na yalo i Jiova, me vosa kina vei iko?”

2 Tui 17:13

A sa talai ira yani na nona tamata kei na parofita ko Jiova me ra vakaroti ira na Isireli kei ira na Juta matua, ni a kaya, “Mo ni gole tani mai na nomuni valavala ca, ka vakabauta na noqu i vunau kei na noqu i lesilesi, me vaka na vunau kece ka'u a vakarota vei ira na nomuni qase, ka'u a tukuna tale vei kemuni ena gusudra na parofita na noqu tamata.”

1 Veigauna 19:4

Sa qai vesuki iratou na tamata i Tevita o Anuni, ka toroya laivi na kumidratou, ka kotiva laivi na nodratou i sulu me tekivu mai dibidratou, ka vakatalai iratou yani.

2 Veigauna 16:10

Ena vuku ni ka oqo, a sa cudru vakalevu o Esa vua na parofita, ka biuti koya ki na valeniveivesu. Ena gauna vata talega oqo sa tekivu me ia kina o Esa A vakararawataki ira talega na nona tamata ena gauna vata o ya.

Niemaia 9:26

Ia era sa talaidredre ga ka vuki tani mai vei kemuni. Era sa vakanadakuya na nomuni Lawa ka vakamatei ira na nomuni parofita - o ira era a vakasalataki ira me ra lesu yani vei kemuni; ia, era cakava ga na veika ni veivakacudrui lelevu.

Niemaia 9:30

O ni a vosoti ira tikoga ka vuqa na yabaki ka vakasalataki ira na Yalomuni ka tiko vei ira na nomuni parofita, ia era a sega ga ni via rogoca. O koya o ni a soli ira tale kina ki na ligadra na lewe ni vanua.

NA SAME 1:3

Era sa vaka na veivunikau sa tei ena bati ni uciwai, Sa vuataka na vuadra ena kena gauna, Ka sa sega ni malai na drauna. Era na rawata na veika kece sara era sasagataka.

Jeremaia 2:30

Au a totogitaki ira na luvemuni, ia sa sega ni yaga, era sa sega ni vulica rawa e dua na ka. O ni sa vakamatei ira na nomuni parofita ena i seleiwau me vaka na laioni cudrucudru.

Jeremaia 20:2

A vakanakuitataki Jeremaia o Pasuri ka vesuka ena sinucodo ki na matamata mai cake i Penijamini ena Valenisoro.

Jeremaia 35:15

Au a talai ira tikoga mai na noqu dauveiqaravi na parofita vei kemuni ka ra a tukuna vei kemuni mo ni biuta tani na nomuni tovo ca ka cakava na ka dodonu. Era a vunauci kemuni mo ni kakua ni qarava na veikalou tani, mo ni na tikoga kina ena vanua au a solia vei kemuni kei na nomuni qase.

Jeremaia 5:24

Era sega ni dau kaya ena lomadra, ‘Me da rerevaki Jiova na noda Kalou, o koya sa solia mai na uca ena kena gauna, na uca ni vula i laulau kei na vula i tubutubu ka sa dau taqomaka tiko na macawa ni gauna ni tatamusuki.

Luke 13:34

“Isa Jerusalemi, isa Jerusalemi! O iko o a vakamatei ira na parofita, ka vakaviriki ira ena vatu na i talatala sa tala yani vei iko na Kalou! Sa vakavuqa na noqu vakasoqoni ira vata na luvemu, me vaka na nona vakasoqoni ira vata na luvena na tina ni toa ena ruku ni tabana, ia o a sega ga ni vinakata!

Luke 20:11

Sa qai tala e dua tale na tamata o koya, ka ra a mokuta talega ka vakamaduataka, ka vakatalai koya tani, ka sega talega ni solia vua e dua na ka.

Luke 20:9

Sa qai tekivu ko Jisu me tukuna vei ira na tamata na vosa vakatautauvata oqo. “E a tea e dua na tamata e dua na loganivaini, ka lisitaka vei ira eso na dauteitei, ka lako ki na dua na vanua tani ka la'ki dede tu kina.

Joni 15:16

Dou sa sega ni digitaki au, ia ka'u sa digitaki kemudou, ka'u sa lesi kemudou mo dou lako ka vuavuai vakalevu sara ena vuamudou sa tudei. Ena solia kina vei kemudou ko Tamaqu na ka kecega dou sa kerea vua ena yacaqu.

Roma 7:4

O ni sa vaka talega o ya na wekaqu. Me baleta na Lawa, o ni sa mate oti vaka talega kina, me vaka o ni sa tiki ni yago i Karisito; ia sa yaco oqo mo ni taukeni mai vua sa vakaturi cake tale mai na mate, me rawa kina ni da vuataka na vua yaga vua na Kalou.