Luke 16:15 - Ai Vola Tabu Ena Vakavakadewa Vou

¹⁵ Sa qai kaya vei ira ko Jisu, “Sa i kemuni o ni dau vakadonui kemuni e matadra na tamata, ia sa kila na Kalou na lomamuni; ni veika sa nanumi ni rui bibi vakalevu vei ira na tamata sa tawayaga sara ena mata ni Kalou.

Ai Vola Tabu (Vakadewa Makawa Vakavoutaki 2021)

¹⁵ A sa kaya vei ira ko koya, “Oi kemudou dou sa vakadonui kemudou e matadra na tamata; ia sa kila na lomamudou na Kalou, ni sa ca sara e na mata ni Kalou na ka e vinaka sara vei ira na tamata.

AI VOLA TABU

¹⁵ A sa kaya vei ira ko koya, Oi kemudou dou sa vakadonui kemudou e matadra na tamata; ia ka sa kila na lomamudou na Kalou: ni sa ca sara e na mata ni Kalou na ka e vinaka sara e matadra na tamata.

Vakavakadewa Makawa

¹⁵ A sa kaya vei ira ko koya, Oi kemudou dou sa vakadonui kemudou e matadra na tamata; ia sa kila na lomamudou na Kalou: ni sa ca sara e na mata ni Kalou na ka e vinaka sara vei ira na tamata.

Vakavakadewa Vou kei na iVola tale eso

¹⁵ Sa qai kaya vei ira o Jisu, “Sa i kemuni o ni dau vakadonui kemuni e matadra na tamata, ia sa kila na Kalou na lomamuni; ni veika sa nanumi ni rui bibi vakalevu vei ira na tamata sa tawayaga sara ena mata ni Kalou.

Luke 16:15 Iomraidhean Croise

1 Samuela 16:7

Ia sa kaya vei Samuela ko Jiova, “Mo kakua ni digitaka na i tuvaki ni kena i rairai se na kena balavu. Au sa sega ni digitaki koya baleta ni'u sa sega ni vakatulewa ena lewa vakatamata. Era sa raica ga na tamata na i rairai e taudaku, ia au sa dikeva na yalona.”

Vosavakaibalebale 21:2

A sala kece ni tamata sa rairai dodonu ga vua, ia sa dikeva ko Jiova na yalo ni tamata.

1 Korinica 4:5

O koya oqo mo ni kakua kina ni vakalewa e dua na tamata ni se bera na kena gauna. Me tu vakawawa ga na i otioti ni veilewai me yacova na nona lako mai na Turaga. Ena vakaraitaka mai o koya na veika sa vunitaki tu ena butobuto, ka vakatakila mai na i naki ni lomadra na tamata. Ia sa na qai solia na Kalou ki na tamata yadua na veivakacaucautaki sa veiganiti kaya.

Jeremaia 17:10

Oi au ko Jiova, Au sa kila na vakasama, Ka vakatovolea na yalodra na tamata. Au sa sauma na tamata yadua Me vaka na nona i valavala Na ka e veirauti Kei na nona i vakarau.

Vosavakaibalebale 16:5

Sa cati ira na tamata viavialevu ko Jiova, ka na sega ni laivi ira me ra dro bula mai na cudruvi.

Cakacaka 15:8

A sa vakadinadinataka na ka oqo vei ira na Kalou, o koya sa kila na loma ni tamata kecega, ena nona solia vei ira na Yalo Tabu me vaka ga na nona a solia vei keda.

1 Pita 3:4

Ia me sauni ga na yalo sa tabogo ena i ukuuku talei sa sega ni vuca rawa, o ya na yalomalumalumu kei na yalomalua, ni sa ka talei sara oqo ena mata ni Kalou.

Luke 11:39

Sa qai kaya vua na Turaga, “O kemuni na Farisi o ni sa dau vakasavasavataka ga na taudaku ni bilo kei na veleti, ia na lomamuni sa sinai tu ena kocokoco kei na i valavala ca.

1 Veigauna 29:17

Au sa kila ni o ni dau vakatovolea na yalo ni tamata kecega, ia o ni sa vinakata na tamata yalododonu. Ena dela ni yalodina kei na yalododonu, au sa solia kece yani kina oqo vei kemuni ena yalo e vinakata, ka'u sa raica na nodra marautaka na nomuni tamata era sa soqoni eke me ra kauta mai na nodra i solisoli vei kemuni.

Luke 10:29

Ia ni sa via vakadonui koya vakai koya ga, sa qai kaya vei Jisu, “Ia o cei na kai noqu?”

Vakatakila 2:23

Au na vakamatei ira talega era sa daumuri koya voli, ka ra na qai kila kina na veisoqosoqo lotu ni sai au ga ka sa dau dikeva na vakanananu kei na gagadre kecega ni tamata; ia au na sauma ga vei kemuni yadudua me veiganiti kaya ga kei na veika o ni sa cakava.

1 Pita 5:5

Oi kemuni na i tabagone, mo ni vakamalumalumutaki kemuni vakakina vei ira era qase cake vei kemuni. Sa dodonu kina vei kemuni vakayadua mo ni vakaisulutaki ena yalomalumalumu ena vuku ni nomuni veiqaravi vakai kemuni, ni sa volai, “Sa vorati ira sa viavialevu na Kalou, Ia sa lomani ira ga sa yalomalumalumu.”

Roma 3:20

Ni sa sega sara ni dua na tamata sa vakadonui mai vua na Kalou ena nona muria na Lawa; na ka ga e kitaka na Lawa sai koya me vakatakila vua na tamata ni sa caka cala.

Joni 2:25

A sa sega ni yaga vua me dua e tukuna vua na ka e baleta na tamata, ka ni sa kila o koya na ka e tu e loma ni tamata.

Maciu 23:5

Era dau cakava na nodra cakacaka kecega me ra raici ira kina o ira na tamata; era daramaka e ligadra na nodra kato ni masu ka tu kina na tiki ni Vola Tabu, ka vakabalavutaka na wa-talitali ena i tutu ni nodra i sulu.

Luke 18:21

Sa qai kaya na turaga o ya, “A veika kecega oqori au sa dau muria tiko mai na gauna au a se gone kina ka yacova mai oqo.”

Vosavakaibalebale 20:6

Sa tukuna kecega na tamata na nodra yalodina kei na nodra yalovinaka, ia tovolea mada ga mo vakaraica mai e dua na tamata sa yalodina ka yalovinaka vakaidina sara!

Luke 18:11

“A sa tucake vakatikitiki tu na Farisi ka masu vakai koya vakaoqo, ‘Kemuni na Kalou, au vakavinavinaka vei kemuni ni'u sa sega ni tamata kocokoco, se dauveivakaisini, se dauyalewa, me vakataki ira na vo ni tamata. Au sa vakavinavinaka ni'u sa sega ni vakataki koya na daukumuni i vakacavacava o ya.

NA SAME 7:9

Ni tarova na nodra i valavala ca na tamata ca, Ka'u kerei kemuni mo ni saumi ira na yalododonu. Sa i kemuni na Kalou yalosavasava, O ni sa dau vakatovolea na vakasama kei na yalo.

2 Veigauna 6:30

mo ni qai rogoca mai lomalagi mai na nomuni tikotiko vakaturaga, ia mo ni veivosoti ka mo ni solia vua na tamata yadua, me veiganiti kaya na nona i valavala kecega, ni o ni sa kila na lomadra yadua, ni sai kemuni duabau ga ka kila na lomadra kecega na luve ni tamata;

Cakacaka 1:18

(A sa volia o Jutasa e dua na tiki ni qele mai na i lavo sa saumi kina na nona cakacaka ca, ka sa mate kina; ka sa kacabote na boto ni ketena, ka lutu kece mai ki tuba na wawa ni ketena.

Luke 20:47

Era kovea vakailawaki na nodra veivale na yada dravudravua, ka ra veivakaisini walega ena nodra masu balavu. Na ka oqo ena bibi vakalevu cake sara kina na kedra i totogi.”

Luke 20:20

Era sa mani qai vakaraici koya lo tiko, ka tala eso me ra veretaki koya. Era la'ki lasutaka ni ra tamata dodonu, ka ra saga me ra coriti Jisu mai na nodra vakatataro eso, me ra soli koya yani kina ki na vakatulewa kei na kaukauwa nei Kovana ni Roma.

Maciu 6:16

“Ni dou sa lolo, kakua ni vakaveveku mata me vakataki ira na dauveivakaisini, ni ra dau vukica vakatani na matadra, me laurai vei ira na tamata na nodra lolo voli. Au sa kaya vakaidina vei kemudou, era sa taura oti na kedra i sau.

Maciu 6:5

“Ni dou sa masu, mo dou kakua ni vakataki ira na dauveivakaisini; ni ra dau vinakata me ra masu ni ra tucake tu ena veivalenilotu kei na veitutu ni sala, me raici ira kina na tamata. Au sa kaya vakaidina vei kemudou, era sa taura oti na kedra i sau taucoko.

Maciu 6:2

“O koya oqo, ni o sa soli ka ni loloma, kakua ni uvu davui e matamu me vaka era dau cakava na dauveivakaisini ena veivalenilotu kei na veigaunisala, me ra dokai ira kina na tamata. Au sa kaya vakaidina vei kemudou, era sa taura oti na kedra i sau.

Malakai 3:15

Me vaka eda sa raica tiko oqo, o ira na tamata dokadoka sai ira ga ka sa dau marau voli. Io, sa sega wale ga ni toso vinaka tale tikoga na nodra bula na tamata ca, ia era sa dau vakatovolea ga na yalovinaka i Jiova mai na nodra i tovo ca, ka ra sa sega ni bau cudruvi kina.’ ”

NA SAME 49:18

Kevaka e sa yalovakacegu ga o koya ena vuku ni nona bula ka sa dokai ena vuku ni nona rawa ka,

NA SAME 49:13

Raica na ka e yacovi ira era sa vakararavi ga vei ira, Io, na veika ca era na sotava na dauvakararavi ki na nodra i yau.

Joni 21:17

A sa taroga tale, “I Saimoni na luve i Jona, o sa lomani au se segai?” Sa rarawa na loma i Pita ni sa kena i katolu na nona taroga vua, “O sa lomani au, se segai?” A mani kaya vua, “Kemuni na Turaga, o ni sa kila na ka kecega, o ni sa kila ni'u sa lomani kemuni!” A qai kaya vua ko Jisu, “Vakani ira na noqu sipi.

NA SAME 10:3

Sa dokadokataka voli na tamata ca na nona gagadre ca; Sa vosacataka ka cati Jiova na tamata kocokoco.

Luke 18:9

Sa qai tukuna talega na vosa vakatautauvata oqo ko Jisu vei ira eso era vakabauti ira ga vakai ira ni ra sa tamata dodonu, ka beci ira na tani.

Luke 18:14

Au sa tukuna oqo vei kemudou, a sa vakadonui mai vua na Kalou o koya na daukumuni i vakacavacava ni sa suka lesu ki na nona vale, ka sega ni o koya na Farisi. O ira kece sa vakalevulevui ira era na vakayalomalumalumutaki, kei ira kece era sa vakayalomalumalumutaki ira era na vakalevulevui.”

Cakacaka 1:24

E ratou sa qai masu ka kaya, “Oi kemuni na Turaga, oi kemuni o ni sa kila na yalo ni tamata kecega, mo ni vakatakila mada mai se o cei vei rau oqo o ni sa digitaka,

Roma 8:27

Ia na Kalou, o koya sa raica na yalo ni tamata, sa kila na vakasama ni Yalo Tabu; ni sa dau masulaki keda na Yalo Tabu me vaka na ka e vinakata na Kalou.