Luke 10:42 - Ai Vola Tabu Ena Vakavakadewa Vou

⁴² ia sa dua bau ga na ka e yaga. Sa digitaka o Meri na i votavota vinaka, na ka ena sega ni kau tani rawa mai vua.”

Ai Vola Tabu (Vakadewa Makawa Vakavoutaki 2021)

⁴² ia sa dua bauga na ka e yaga. A sa digitaka ko Meri nai votavota vinaka, o koya ena sega ni kau tani mai vua.”

AI VOLA TABU

⁴² ia ka sa dua bauga na ka e yaga: a sa digitaka ko Meri nai votavota vinaka, a ya ena sega ni kau tani vua.

Vakavakadewa Makawa

⁴² ia sa dua bauga na ka e yaga: a sa digitaka ko Meri nai votavota vinaka, o koya ena sega ni kau tani mai vua.

Vakavakadewa Vou kei na iVola tale eso

⁴² ia sa dua bau ga na ka e yaga. Sa digitaka o Maria na i votavota vinaka, na ka ena sega ni kau tani rawa mai vua.”

Luke 10:42 Iomraidhean Croise

NA SAME 119:111

Sa noqu i votavota ka sega ni mudu na nomuni i vakaro, Era sa ka ni reki ga ki lomaqu.

NA SAME 119:173

Ni vakarau tu ga mo ni vukei au Baleta ni'u sa muria na nomuni i vakaro.

NA SAME 119:30

Au sa vakadeitaka oti me'u na talairawarawa; Ka'u sa biuta e mataqu na nomuni lewa.

NA SAME 142:5

I Jiova, au sa kerea ga na nomuni veivuke, Sa i kemuni, i Jiova, na noqu i sasabai; Sa i kemuni ga na ka kecega ka'u sa gadreva ena bula oqo.

NA SAME 17:15

Au na raici kemuni baleta ni'u sa yalododonu; Ia ni'u sa yadra cake au sa na marau ni'u sa raici kemuni.

NA SAME 27:4

Au a kerea vei Jiova e dua na ka: Me'u tiko ga ena vale i Jiova Ka qoroya na nona vinaka, Ka me'u dau taroga na nona i vakasala mai kea.

NA SAME 73:25

Na cava tale e noqu e tu mai lagi, ia oi kemuni ga? Ni o ni sa noqu, na cava tale au se gadreva e vuravura?

Dauvunau 12:13

Ia sa rogoci na veika kece; Oqo na i tinitini ni veika kece sara: Mo rerevaka na Kalou ka muria na nona i vunau, Ni sai koya ga oqo na i naki levu e buli kina na tamata.

Marika 8:36

A cava na kena yaga vua na tamata, me rawati vuravura taucoko, ka vakayalia wale kina na yalona?

Luke 10:39

Ia e dua tiko na tacina yalewa, a yacana o Meri. A dabe tiko ena yasa ni yava ni Turaga o Meri ka vakarorogo ki na nona vosa.

Luke 11:1

A masu tiko ko Jisu ena dua na vanua. Ia ni sa oti na nona masu, sa qai kaya vua e dua na nona tisaipeli, “Turaga, ni vakavulici keitou mada ena masu, me vaka na nona vakavulici iratou na nona tisaipeli o Joni.”

Luke 12:20

Ia sa qai kaya vua na Kalou, ‘Tamata lialia! Ena bogi ga edaidai ena tarogi kina vei iko na yalomu, era na qai nei cei na ka o sa vakarautaka tu?’

Luke 12:33

Dou volitaka na veika e tu vei kemudou ka solia na kena i lavo vei ira na dravudravua; dou vakarautaka ga na nomudou taga ni lavo e sega ni madra rawa, ka maroroya na i yau mai lomalagi ena sega ni oti rawa, ena tikina e sega ni torova rawa na daubutako, se kakana kina na sarasara.

Luke 16:2

Sa qai kacivi koya ka kaya vua, ‘A cava au sa mai rogoca oqo me baleti iko? Solia mai e dua na i tukutuku ni nomu qarava na i yau, ni sa sega ni rawa mo dauniyau tikoga.’

Luke 16:25

“Ia sa kaya ga o Epara-ama, ‘Na luvequ, nanuma lesu mada na gauna o se bula voli kina ni a soli me nomu na veika vinaka kecega, ka sa ciqoma ga o Lasarusa na veika ca kecega. Ia oqo, sa kune vakacegu tiko eke o koya, ia o iko sa vakararawataki.

Luke 18:22

Ni sa rogoca o ya ko Jisu, sa qai kaya vua, “E dua ga na ka e se vo tiko vei iko. Volitaka na ka kecega era tu vei iko, ka veivotayaka vei ira na dravudravua na kena i lavo; o na qai vakaiyau mai lomalagi. Ka mo qai lako mai o iko, ka muri au.”

Luke 8:18

“Ni qarauni kemuni kina ena i tovo ni nomuni dau vakarorogo; o koya ga sa tu vua na ka ena soli vakalevu tale vua, ia o koya e sega na ka e tu vua, ena kau tani mai vua na ka e nanuma ni sa bau tu vua.”

Joni 11:1

E a qai tauvi Lasarusa e dua na mate. O Lasarusa e kai Pecani, na nodrau koro o Meri kei Marica na tuakana.

Joni 11:19

Era lewe vuqa na Jiu era a lako vei rau o Marica kei Meri, me ra vakacegui rau ena vuku ni ganedrau.

Joni 12:3

Sa qai taura mai o Meri e veimama na lita na waiwai talei sara sa caka mai na narita dina, ka lumuta kina na yava i Jisu, ka quata na yavana ena drau-ni-uluna; a sa curuma na loma ni vale taucoko na i boi kamica ni waiwai.

Joni 17:3

Sa i koya oqo na bula tawamudu, me ra kilai kemuni na Kalou dina duadua ga, kei Jisu Karisito, o koya o ni sa tala mai.

Joni 4:14

ia o koya ena gunu ena wai au na solia vua ena sega ni viagunu ka tawamudu; ia na wai au na solia vua ena yaco me wai vure ena lomana ka tovure yani ki na bula tawamudu.”

Joni 5:24

“Au sa tukuna vakadodonu sara vei kemuni ni o koya sa rogoca na noqu vosa, ka vakabauti koya sa talai au mai, sa nona na bula tawamudu; ena sega ni lewai me cudruvi, ia sa toki ga mai na mate ki na bula.

Joni 6:27

Ni kakua ni ogataka na kakana e rawa ni rusa, ia na kakana ga ena tu dei tu ka yacova na bula tawamudu, na kakana ka na solia vei kemuni na Luve ni Tamata: ni sai koya sa tiko vua na i vakatakilakila ni sa vakadonui koya na Kalou o Tamana.”

1 Korinica 13:3

Sa rawa vei au me'u solia tani yani na veika kecega sa noqu, se mani solia sara na yagoqu me vakamai — ia kevaka sa segai vei au na loloma, sa sega ga na kena yaga vei au.

Kalatia 5:6

Ni da tu vata kei Karisito Jisu, sa sega ni kauwaitaki kina na cili se na tawa cili, na vakabauta ga sa vakavatukanataki ena loloma.

Vakarua 30:19

Ia oqo au sa solia vei kemuni na galala ni digidigi ena maliwa ni bula kei na mate, ena maliwa ni veivakalougatataki ni Kalou kei na veicudruvi ni Kalou. Au sa kaciva na lomalagi me vakadinadinataka na ka o ni sa digia. Ni digitaka na bula mo ni na bula kina kei ira na nomuni kawa.

Josua 24:15

Ia, o ni sega ni vinakata mo ni qaravi Jiova, mo ni digitaka edaidai o koya mo ni qarava, se nodra veikalou na nomuni qase mai na vanua o Mesopotemia, se na nodra veikalou na Amoraiti o ni sa mai tiko oqo ena nodra vanua. Ia, oi au kei na noqu matavuvale keitou na qaravi Jiova ga.”

Josua 24:22

A sa tukuna vei ira o Josua, “O ni sa nomuni i vakadinadina ga oi kemuni ni o ni sa digitaka mo ni qaravi Jiova.” Era a sauma lesu, “Io, keimami sai vakadinadina.”