Ena ka oqo, sa qai vakauta kina e dua na i tukutuku na i vakalesilesi liu ni valenitui, kei koya na i vakalesilesi liu ni koro, kei ira na qase vata kei ira na dauveisusu, me vakaoqo: “Keimami sa okati me nomuni tamata, ka sa tu vakarau me keimami cakava na veika kecega o ni vinakata. Ia keimami na sega ni bulia e dua me tui; mo ni vakayacora ga na ka sa dodonu vei kemuni.”
Era sa qai vakauta na kai Kipioni e dua na i tukutuku vei Josua ki na nona keba mai Kilikali, ka tukuna, “Mo ni kakua ni laivi keimami na nomuni tamata, ni lako vakatotolo mai ka mai vukei keimami, ni vakabulai keimami! O ira kece na nodra tui na Amoraiti ka tiko ena veidelana era sa soqoni vata me valuti keimami.
Era sa tukuna vakaoqo na neitou qase kei ira na lewe ni neitou vanua, ‘Mo dou vakarautaka na kemudou i vaqa ena dua na i lakolako; dou lako yani ka veivosaki kei ira ka tukuna, “Oi keitou na nomuni tamata; mo ni veiyalayalati mada kei keitou.”
Ia ena gauna vata o ya sa lesi ira me ra tamata dauveiqaravi me ra dautabuka ka dautakiwai vei ira na Isireli, ka vaka talega kina ki na i cabocabonisoro i Jiova. Era sa vakayacora tikoga na cakacaka oqo me yacova edaidai, ena vanua ni vakacaboisoro sa digitaka ko Jiova na Kalou me qaravi kina.