Josua 5:6 - Ai Vola Tabu Ena Vakavakadewa Vou

⁶ Era a veilakoyaki voli na Isireli ena loma ni vanua lala me yabaki vasagavulu, ni ra sa mate kece o ira ka okati na nodra yabaki ni bula me ra tamata i valu ni ra biuti Ijipita mai. Era sa mate ena vuku ni nodra talaidredre vei Jiova. A sa yalataka oti vei ira o koya ni ra na sega ni raica na vanua sa yalataka vei ira na nodra qase me na solia vei ira, o ya na vanua sa dave kina na sucu kei na oni.

Ai Vola Tabu (Vakadewa Makawa Vakavoutaki 2021)

⁶ Ni sa yabaki vasagavulu na nodra lako voli na Isireli mai na vanua lala, a ra mate kece mada na tamata era sa tamata i valu ka lako tani mai Ijipita, ni ra sa sega ni vakarorogo ki na vosa i Jiova. Ia sa bubului kina vei ira ko Jiova me ra kakua sara ni raica na vanua, ka bubului kina ko Jiova vei ira na nodra qase me solia vei keda, e dua na vanua sa dave kina na sucu kei na oni.

AI VOLA TABU

⁶ Ni sa vasagavulu na yabaki ka ra lako voli na luve i Isireli mai na lekutu, a ra oti kece mada na tamata sa tamatai valu ka lako tani mai Ijipita, e na vuku ni ra tawa vakarorogo ki na domo i Jiova: ia ka vosavavakini kina vei ira ko Jiova me kakua ni vakaraitaka kivei ira na vanua, ka vosavavakini kina ko Jiova vei ira na nodra qase me solia vei keda, e dua na vanua sa dave kina na oni kei na wai-ni-sucu;

Vakavakadewa Makawa

⁶ Ni sa yabaki vasagavulu na nodra lako voli na Isireli mai na vanua liwa, a ra mate kece mada na tamata era sa tamata i valu ka lako tani mai Ijipita, ni ra sa sega ni vakarorogo ki na vosa i Jiova: ia sa bubului kina vei ira ko Jiova me ra kakua sara ni raica na vanua, ka bubului kina ko Jiova vei ira na nodra qase me solia vei keda, e dua na vanua sa dave kina na oni kei na wai-ni-sucu.

Vakavakadewa Vou kei na iVola tale eso

⁶ Era a veilakoyaki voli na Isireli ena loma ni vanua lala me yabaki vasagavulu, ni ra sa mate kece o ira ka okati na nodra yabaki ni bula me ra tamata i valu ni ra biuti Ijipita mai. Era sa mate ena vuku ni nodra talaidredre vei Jiova. A sa yalataka oti vei ira o koya ni ra na sega ni raica na vanua sa yalataka vei ira na nodra qase me na solia vei ira, o ya na vanua sa dave kina na sucu kei na oni.

Josua 5:6 Iomraidhean Croise

NA SAME 107:4

Eso era a veilakoyaki voli ena vanua dravuisiga, Ka sega ni kunea na sala me ra lako kina ki na koro me ra la'ki tiko kina;

Lako Yani 3:17

Au sa vakadeitaka oqo ni'u na kauti kemuni tani mai na veivakararawataki e Ijipita, ki na nodra vanua na kai Kenani, na Itaiti, na Amoraiti, na Perisaiti, na Aivaiti, kei na Jepusaiti, na vanua sa dave kina na sucu kei na oni.

Lako Yani 3:8

ka'u sa lako sobu mai kina me'u sereki ira mai vei ira na kai Ijipita, ka me'u kauti ira tani mai Ijipita ki na dua na vanua sa levu ka sautu, na vanua sa dave kina na sucu kei na oni, ki na nodra vanua na kai Kenani, na Itaiti, na Amoraiti, na Perisaiti, na Avaiti, kei na Jepusaiti.

Jeremaia 2:2

Me'u tukuna vei ira yadua mai Jerusalemi Na nona vosa oqo: “Au sa nanuma tiko na nomu yalodina Ni o a se gone, Ena nomu daulomani au Ni daru a se qai vakawati; O a muri au ena loma ni vanua dravuisiga, Ki na dua na vanua e se sega ni bau teivaki.

Isikeli 20:15

Ia ka'u a bubuluitaka vei ira mai na loma ni vanua dravuisiga me'u kakua ni kauti ira ki na vanua ka'u a solia vei ira, na vanua sa dave kina na wai ni sucu kei na oni, na vanua lagilagi ka uasivi cake mai na veivanua kecega,

Isikeli 20:6

Ena siga o ya, au a yalataka vei ira ni'u na kauti ira tani mai na vanua o Ijipita, ki na dua na vanua ka'u a vakadikeva matua me nodra, na vanua sa drodro kina na wai ni sucu kei na oni, na vanua uasivi ka lagilagi mai na veivanua kecega.

Joeli 3:18

Ia, ena siga o ya Ena tiri na waini vou mai na veiulunivanua, Ena drodro na sucu ena veidelana, Na veidreke ni wai kece sara e Juta, Ena drodro mai kina na wai; Ena dave na wai mai na vale i Jiova Me vakasuasuataka na Buca o Sitimi.

Tiko mai na Lekutu 14:23

Era na sega sara ni butuka na vanua ka'u sa bubului kina me'u solia vei ira na nodra qase. Ena sega sara ni dua vei ira ka besetaki au me na butuka na vanua o ya.

Tiko mai na Lekutu 26:63

Sai ira oqo ka wiliki ira o Mosese, kei Iliesa na bete, ena gauna e rau a wiliki ira kina na Isireli, ena bucabuca o Moapi voleka ki na Joritani, ka donui Jeriko.

Vakarua 1:3

Ena i matai ni siga ni katinikadua ni vula ena i ka vasagavulu ni yabaki ni oti na nodra a biuti Ijipita mai, a tukuna o Mosese vei ira na tamata na veika kece a vakarota vua ko Jiova me tukuna vei ira.

Vakarua 2:14

A yaco oqo ni sa oti e 38 na yabaki ena noda biuta mai na vanua o Katesi Banea. O ira kece na tamata ni vala ka bula ena i tabatamata o ya era a mate kece sara, me vaka sa yalataka ko Jiova.

Vakarua 2:7

“Mo ni nanuma na nona vakalougatataki kemuni ko Jiova na nomuni Kalou ena veika kecega o ni sa vakayacora. Sa dau taqomaki kemuni ena nomuni veilakoyaki voli ena vanua lala levu oqo. Sa tiko voli ga kei kemuni ena loma ni vasagavulu na yabaki oqo, ka o ni sega sara ni bau leqa ena dua na ka.”

Vakarua 8:4

E a sega ni bau madra mai na i sulu o ni tokara voli, ka sega ni bau vuce na yavamuni ena loma ni vasagavulu na yabaki o ya.

Iperiu 3:11

Au a bubului kina ena noqu cudru, ka kaya: ‘Era na sega sara ni curu mai ka mai vakacegu vata kei au!’ ”

Josua 1:6

Mo kaukauwa ka qaqa, ni ko na liutaki ira na tamata oqo me ra taukena na vanua au a yalataka me'u solia vei ira na nodra qase.

Josua 24:7

era sa tagi ka kere veivuke vei au. Au sa qai biuta na butobuto ena kemuni veimama kei ira na kai Ijipita. Au a qai cakava na wasawasa me ubi ira ka luvuci ira. O ni sa kila na ka au a cakava vei ira na kai Ijipita. Ni oti o ya o ni a qai mai tiko ena vanua lala ena dua na gauna balavu.

Josua 5:5

E dina ga ni ra a cilivi kece o ira ka biuti Ijipita mai, ia o ira kecega era a sucu ena vanua lala donuya na i lakolako mai Ijipita era sa sega ni cilivi.

Josua 5:7

Sa qai vakatuburi ira cake na luvedra tagane me kedra i sosomi, ka sai ira oqo ka cilivi ira o Josua. Era sa sega tu ni cili, baleta ni sa sega ni rawa me ra cilivi e gaunisala.