Josua 2:11 - Ai Vola Tabu Ena Vakavakadewa Vou

¹¹ Ia ni keimami a rogoca, sa tarai keimami na rere; ka sa duatani na neimami taqaya ena vukumuni. Ko Jiova na nomuni Kalou sa Kalou ni lomalagi e cake kei na vuravura talega e ra.

Ai Vola Tabu (Vakadewa Makawa Vakavoutaki 2021)

¹¹ Ia ni keimami a rogoca, sa qai waicala ga na yalo i keimami, a sa yali vei ira yadua na lomadei e na vukumuni. Ni sa Kalou ga ko Jiova na nomuni Kalou mai lomalagi e cake, e vuravura talega e ra.

AI VOLA TABU

¹¹ Ia ni keimami a rogoca, sa qai waicala ga na yalo i keimami, a sa yali vei ira yadua na lomadei, e na vukumudou: ni sa Kalou ga ko Jiova na nomudou Kalou mai lomalagi ecake, e vuravura talega era.

Vakavakadewa Makawa

¹¹ Ia ni keimami a rogoca, sa qai waicala ga na yalo i keimami, a sa yali vei ira yadua na lomadei, e na vukumuni: ni sa Kalou ga ko Jiova na nomuni Kalou mai lomalagi e cake, e vuravura talega era.

Vakavakadewa Vou kei na iVola tale eso

¹¹ Ia ni keimami a rogoca, sa tarai keimami na rere; ka sa duatani na neimami taqaya ena vukumuni. O Jiova na nomuni Kalou sa Kalou ni lomalagi e cake kei na vuravura talega e ra.

Josua 2:11 Iomraidhean Croise

1 Tui 8:60

o koya oqo me ra kila kina na veimatanitu e vuravura taucoko ni sa Kalou ko Jiova, ka sa sega tale e dua.

2 Tui 5:15

A sa qai lesu tale o Nemani vua na tamata ni Kalou kei ira kece na nona tamata, a la'ki tucake tu e matana, ka kaya, “Raica, au sa qai kila tu oqo ni sa sega ni dua tale na Kalou e vuravura taucoko, io, e Isireli duadua ga; ia oqo, mo taura mada e dua na i loloma mai vei au na nomuni tamata.”

Niemaia 6:16

Ia ni sa rogo yani na ka oqo vei ira na keimami meca, era sa rere kecega na veimatanitu era tu vakavolivoliti keimami. Era a qoroqoro talega ni ra a raica sa caka oti rawa na cakacaka levu oqo ena nona veivuke na neimami Kalou.

Esiteri 8:17

Era a mamarau na Jiu ena veiyasana kei na veikoro lelevu kecega ni a la'ki kacivaki kina na i vakaro o ya, ka ra a vakacegu mai na nodra cakacaka ka ia na kena kana magiti. Ia me vaka ni a rui levu na nodra rerevaki ira na Jiu na lewe ni vanua, a mani lewe levu vei ira era tavuki me ra sa wili vaka-Jiu.

NA SAME 102:15

Era sa rerevaki Jiova na veimatanitu, Era na rerevaka na nona kaukauwa na tui kecega e vuravura.

NA SAME 22:14

Sa takali na noqu kaukauwa; Sa takali me vaka na wai sa tasova ki na qele. Sa mavule kecega na i sema ni suiqu, Ka sa waicala na utoqu e lomaqu.

NA SAME 58:7

Me ra takali yani me vaka na wai sa drodro tani yani, Me ra vaka na co sa buturaki ena gaunisala.

NA SAME 83:18

Ia me ra kila ni yacamuni ko Jiova, O koya na ledua sa Cecere Sara e vuravura taucoko.

Lako Yani 15:14

Era a rogoca na veimatanitu, ka ra sautaninini ena rere; era sa domobula na kai Filisitia.

Lako Yani 15:15

Era sa rere vakalevu na nodra dauveiliutaki na kai Itomi, era sa sautaninini na dauveiliutaki ni Moapi; sa takali yani na nodra yalodoudou na kai Kenani.

Aisea 13:7

Ena malumalumu kina na liga kecega, ka na datuvu na yalo kecega.

Aisea 19:1

Oqo e dua na i tukutuku me baleti Ijipita. Sa lako mai ko Jiova ki Ijipita, Ka sa vodo mai ena dua na o totolo sara. Era sa sautaninini na matakau ni Ijipita e matana, Ka ra sa rere sara na kena tamata.

Isikeli 21:15

ka me waicala kina na lomadra, ka ra bale mate e lewe vuqa ena nodra matamata ni koro. Na noqu i seleiwau ni veivakamatei sa wawa tu ena veimatamata yadua, sa taliva vinaka me ia kina veivakamatei.

Neumi 2:10

Sa rusa, sa laladidi, sa vakaloloma o Ninive! Sa waicala na yalo ena rere vakaitamera; Sa sautaninini na durudra, Sa takali na nodra kaukauwa; Sa vulaci na matadra kecega.

Vakarua 1:28

Na cava me keimami lako kina i kea? Keimami sa rere. O ira na tamata eda a talai ira yani era tukuna ni o ira na tiko mai kina era tamata kaukauwa cake ka ra balabalavu cake mai vei keda. Sa levu cake sara na nodra koro ka sa yaco sara i lomalagi na kena bai. Era a raica mai kea na tuwawa!’ ”

Vakarua 20:8

Era na kaya talega na turaganivalu vei ira na sotia, E bau tiko beka e dua na tamata sa yalolailai ka rere? Kevaka e tiko e dua, me lesu tale o koya ki na nona i tikotiko, de na qai vakayalolailaitaki ira talega na kena vo.

Vakarua 4:39

O koya oqo mo ni kila kina edaidai ka kakua sara ni guilecava ni sa Kalou dina ga ko Jiova mai lomalagi e cake kei na vuravura era; ka sega tale e dua.

Josua 14:8

Ia, o iratou na wekaqu keitou a lako vata e ratou a vakayalolailaitaki ira na tamata me ra rere vakalevu. Ia, au a yalodina ka talairawarawa ga vei Jiova na noqu Kalou ena veika au cakava.

Josua 2:24

ka tukuna, “Sa dei na yalo i keirau ni sa solia vei keda ko Jiova na vanua taucoko. Era sa domobulataki keda o ira kecega na tamata.

Josua 5:1

Era sa rogoca o ira kece na nodra tui na Amoraiti ena ra ni Joritani kei ira kece na nodra tui na kai Kenani ena baravi ni Wasa Meditereni ni sa vakadiva ko Jiova na wai ni Joritani me yacova ni ra takoso taucoko na Isireli. Era a rere sara kina vakalevu, ka yali na nodra yalo dei ena vukudra na Isireli.

Josua 7:5

Era sa vakamatea kina na meca e tolusagavulu kaono na tamata; ka ra vakasavi ira na Isireli mai na matamata ni koro me yacova sara na i kelikeli ni vatu, ka ravuti ira ni ra dro sobu tiko ki baba. Era sa yalolailai ka rere vakalevu na Isireli ena vuku ni ka oqo.

Josua 9:24

Era sa qai tukuna vei Josua, “Keimami a cakava saka oqo baleta ni keimami sa rogoca ni dina na i rogorogo ni a vakarota ko Jiova na nona tamata o Mosese me solia vei kemuni na vanua taucoko oqo, ka me vakamatei ira kece sara na veimataqali tamata era vakaitikotiko kina, ni o ni toso tiko mai. Keimami sa vakayacora ga oqo me baleta ni keimami sa rerevaki kemuni vakalevu; ka taqayataka na neimami bula.

Vakatakila 6:16

Era sa kacivaka yani ki na veiulunivanua kei na veiuluvatu, “Ni lutuki keimami mai ka vunitaki keimami mai na mata i koya sa dabe tiko ena i tikotiko vakaturaga kei na cudru ni Lami!