Joeli 3:2 - Ai Vola Tabu Ena Vakavakadewa Vou

² ka'u na qai vakasoqoni ira vata na lewe ni veimatanitu ka kauti ira sobu ki na buca i Josefati, ka'u na qai veilewaitaki ira mai kea, ena vukudra na noqu tamata kei Isireli na noqu i votavota, baleta ni ra a dui biubiuti ira ena kedra veimama na veimatanitu, ka ra a veivotayaka na noqu vanua.

Ai Vola Tabu (Vakadewa Makawa Vakavoutaki 2021)

² ka'u na qai vakasoqoni ira vata na lewe ni veimatanitu kecega ka kauti ira sobu ki na buca i Josefati. Ka'u na ia na veilewai vata kei ira mai kea, e na vukudra na noqu tamata kei na noqu i votavota na Isireli, baleta ni ra sa dui veiseyakitaki ira ki na veivanua. Era sa vota talega na noqu vanua,

AI VOLA TABU

² kaʼu na qai vakasoqoni ira vata na lewe ni veimatanitu kecega, ka kauti ira sobu ki na buca i Josafati, ka ia na veilewai kei ira maikea e na vukudra na noqu tamata kei na noqui votavota na Isireli, o ira sa ra dui veiseyaka ki na veivanua, a noqu vanua talega sa ra vota:

Vakavakadewa Makawa

² ka'u na qai vakasoqoni ira vata na lewe ni veimatanitu kecega, ka kauti ira sobu ki na buca i Jiosafati, ka totaki ira maikea na noqu tamata kei na noqu i votavota na Isireli, o ira sa ra dui veiseyaki ki na veivanua, ka ra sa vota talega na noqu vanua:

Vakavakadewa Vou kei na iVola tale eso

² ka'u na qai vakasoqoni ira vata na lewe ni veimatanitu ka kauti ira sobu ki na buca i Josefati, ka'u na qai veilewaitaki ira mai kea, ena vukudra na noqu tamata kei Isireli na noqu i votavota, baleta ni ra a dui biubiuti ira ena kedra veimama na veimatanitu, ka ra a veivotayaka na noqu vanua.

Joeli 3:2 Iomraidhean Croise

2 Veigauna 20:26

Ena i kava ni siga, era a qai soqoni vata yani ena Buca o Beraka ka vakalagilagi Jiova mai kea ena vuku ni veika a vakayacora. Sa i koya oqo na vuna sa vakatokai kina na tikina o ya me Buca o Beraka me yacova na siga oqo.

Aisea 66:16

Ena totogitaki ira kece na tamata e vuravura era sa cala Ena nona i seleiwau kei na bukawaqa, Ka ra na lewe vuqa sara era na mate.

Aisea 66:18

Au sa kila na nodra vakasama kei na nodra i valavala. Au sa lako mai me'u soqoni ira vata na lewe ni veimatanitu kecega. Ni ra na lako vata mai era na qai raica na noqu lagilagi,

Jeremaia 12:14

A sa kaya ko Jiova, me baleti ira na tamata sa bula veitikivi kei Isireli ka ra sa vakacacana na vanua au a solia vei ira na noqu tamata na Isireli. “Au na kauti ira tani na tamata oqo mai na dui nodra vanua me vaka na kau cavu vakadua, ka'u na vakabulai Juta mai vei ira.

Jeremaia 25:31

Ena rorogo na kena voqa Mai na i yalayala kei vuravura, Sa beitaki ira na veimatanitu ko Jiova Ka na veilewaitaki ira o koya; Ia o ira na totogi era na vakamatei. Sa i Jiova ga sa kaya oqo.

Jeremaia 49:1

Oqo na ka a tukuna na Turaga ko Jiova me baleti ira na Amoni, “Sa e vei o ira na Isireli? Sa sega beka ni dua me taqomaka na nodra vanua? A cava era laivi ira kina na tamata era qaravi Moloke me ra taura ka tiko ena vanua ni mataqali i Kata?

Jeremaia 50:17

O ira na Isireli era sa vaka na sipi era sa cemuri vei ira na laione ka ra veiseyaki. E a valuti ira e liu na tui Asiria, ia e muri a qai musulaka na suidra o Nepukanesa na tui Papiloni.”

Isikeli 25:8

Sa kaya vakaoqo o koya na Kalou ko Jiova, “Ni sa kaya o Moapi, ‘Raica, sa qai vakataki ira kece na veimatanitu na mataqali i Juta,’

Isikeli 34:6

Era a talabusese na noqu sipi, ka ra lako sese voli ena veiulunivanua kei na veidelana cecere kecega; era a dui veiseyaki na noqu qele ni sipi, ena dela i vuravura taucoko, ka sega ni dua me vakataroga se vakasaqarai ira.

Isikeli 35:10

Ena vuku ni o a kaya, ‘Na matanitu kei na vanua ruarua oqo ena noqu ga, ia keimami na taukena ka dina ga ni sa tiko kina ko Jiova,

Isikeli 36:1

Ia o iko, na luve ni tamata, mo ia tale na parofisai ki na veiulunivanua i Isireli, ka kaya, ‘Oi kemuni na veiulunivanua e Isireli, mo ni rogoca na vosa i Jiova.

Isikeli 36:5

O koya oqo, sa kaya kina na Kalou ko Jiova, ‘Au sa vosa tiko ena noqu cudru katakata vei ira na vo ni veimatanitu, kei ira kece talega mai Itomi, ka ra taura ka wasea na noqu vanua me nodra ena yalo reki, kei na marau mai na vuvu ni yalodra, ka sala vata kei na veibeci, me rawa ni ra taukena, ka tokitaka.’

Isikeli 38:22

Ia ka'u na vakataulewa me yaco kina na mate dauveitauvi kei na dave ni dra; ia ka'u na vakatauca vua kei ira na nona tamata e lewe vuqa ka ra tiko kaya; na uca tau bi, kei na uca cevata, na bukawaqa kei na vatu lelevu.

Isikeli 39:11

Ia ena siga o ya, ka'u na solia vei Koki e dua na vanua me kemuni i bulubulu e Isireli, ena Nodra Buca na Vulagi Lako ena bati ni wasawasa vaka ki na tokalau. Sa latia na nodra sala na dauveilakoyaki, ia era na buluti Koki e kea kei na i soqosoqo levu; ka sa na vakatokai me yacana na Buca i Emikoki, o ya na i soqosoqo levu i Koki.

Joeli 3:12

Me ra yadra na veimatanitu, Ka lako sobu mai ena buca o Josefati; Mai kea, au na veilewaitaki ira Na veimatanitu kei na vanua sa volita.

Joeli 3:14

Sa udolu vakaudolu Era sa tiko ena buca ni veicudruvi. Sa voleka ga na siga i Jiova Ena buca ni veicudruvi.

Emosi 1:11

A sa kaya ko Jiova, “Era sa ia tikoga na i valavala ca o ira na kai Itomi, ia ena ka oqo ka'u na cudruvi ira kina. Era a vakasasataki ira na Isireli na wekadra voleka, sa tabu loloma vei ira. Sa sega ni vakaiyalayala na nodra cudru, ka ra sega ni bau yalovinaka vakalailai.

Maika 4:12

Ia o ira na veivanua oqo era sega sara ni kila na ka e tiko ena loma i Jiova. Era sega sara ni kila ni sa nakita tiko o koya me soqoni ira vata mai ka qai totogitaki ira, me vaka ni sa kumuni vata me samu na raisi sa musu oti.

Sefanaia 3:8

A sa kaya ko Jiova, “Ni waraki au mada. Ni wawa me yacova na siga ka'u na duri cake kina me'u beitaki ira na veimatanitu. Sa dei tu na lomaqu me'u soqoni ira vata na veimatanitu kei na veivanua ka laiva me ra tovolea mada na kaukauwa ni noqu cudru. Na waqa ni noqu cudru ena vakarusa na vuravura taucoko.

Vakatakila 11:18

Era sa cudru vakalevu na tamata sa sega ni kila na Kalou, Baleta ni sa yaco mai oqo na gauna ni nomuni cudru, Na gauna me ra sa veilewaitaki kina na mate. Sa kena gauna oqo me ra saumi kina na nomuni dauveiqaravi, na parofita, Kei ira na yalosavasava kecega, o ira kece sara sa rokova na yacamuni, Se ra tamata wale se ra cecere. Sa kena gauna oqo me ra vakarusai kina o ira sa vakarusai vuravura tiko!”

Vakatakila 16:14

Sa i iratou oqo na yalo ni tevoro sa dau cakava na veicakacaka mana eso. O iratou na yalo e tolu oqo sa lako yani vei ira na tui ni veivanua e vuravura taucoko, me vakasoqoni ira vata mai ki na i valu ena siga bibi o ya, na Siga ni Kalou Kaukauwa.

Vakatakila 16:16

A ratou sa vakasoqoni ira vata mai na tui ki na vanua sa vakatokai ena vosavakaiperiu o Amaketone.

Vakatakila 16:6

O ira oqo era a vakadavea na nodra dra na yalosavasava kei ira na parofita, ka o ni sa solia kina vakaoqo vei ira na dra me ra gunuva. Sa rauta vinaka me ra sotava na ka oqo!”

Vakatakila 20:8

ka na lako yani o koya me temaki ira na veimatanitu era sa tiko ena veiyasa i vuravura kecega, o ya o Koki kei Mekoki. Ena vakasoqoni ira vata mai o Setani me ra ia na i valu, ka kedra i wiliwili sa vaka na mata ni nuku ni matasawa.