Jeremaia 4:4 - Ai Vola Tabu Ena Vakavakadewa Vou

⁴ Kemuni na tamata mai Juta kei Jerusalemi, ni maroroya na nomuni veiyalayalati kei au, na nomuni Kalou ka vakacabora na yalomuni vei au. De na qai waqa noqu cudru me vaka na buka; me baleta na veika ca o ni sa cakava, ena kama ka na sega e dua me bokoca rawa.

Ai Vola Tabu (Vakadewa Makawa Vakavoutaki 2021)

⁴ Dou cilivi kemudou mo dou nei Jiova, ka kauta tani na vuso ni yalomudou, koi kemudou na kai Juta kei na lewe i Jerusalemi, de lako yani me vaka na bukawaqa na noqu cudru, ka waqa me sega e dua e bokoca rawa, e na vuku ni kena ca ni nomudou i valavala.”

AI VOLA TABU

⁴ Dou cilivi kemudou me nei Jiova, ka kauta tani na vuso ni yalomudou, oi kemudou na kai Juta kei na lewe ni Jerusalemi: de lako yani me vaka na buka na noqu cudru, ka waqa me sega e dua e bokoca, e na vuku ni kena ca ni nomudoui valavala.

Vakavakadewa Makawa

⁴ Dou cilivi kemudou mo dou nei Jiova, ka kauta tani na vuso ni yalomudou, koi kemudou na kai Juta kei na lewe i Jerusalemi: de lako yani me vaka na bukawaqa na noqu cudru, ka waqa me sega e dua e bokoca rawa, e na vuku ni kena ca ni nomudou i valavala.

Vakavakadewa Vou kei na iVola tale eso

⁴ Kemuni na tamata mai Juta kei Jerusalemi, ni maroroya na nomuni veiyalayalati kei au, na nomuni Kalou ka vakacabora na yalomuni vei au. De na qai waqa noqu cudru me vaka na buka; me baleta na veika ca o ni sa cakava, ena kama ka na sega e dua me bokoca rawa.

Jeremaia 4:4 Iomraidhean Croise

2 Veigauna 34:25

Era sa biuti au ka ra vakacaboisoro ki na veikalou tani, ka ra sa vakacudrui au kina ena cakacaka ni ligadra. Sa tubu cake vakalevu na kena waqa na noqu cudruva na vanua oqo, ka na sega ni bokoci rawa.

Aisea 10:17

Na rarama kei Isireli ena yaco me bukawaqa, Ka yameyame ni buka na nona Le Dua Savasava; Ena vakama ka vakarusa ena dua ga na siga Na nona kau vakavotona kei na soni.

Aisea 30:33

Ni sa vakarautaki makawa tu na vanua me na kama kina O koya na tui Asiria ena bukawaqa. Na kena matadravu sa titobu sara ka rabailevu, Ka sa levu sara na kena buka era sa bini cake tu. Na i cegu i Jiova, Ka sa vaka na kubou ni sulifure katakata, Ena vakawaqaca na buka.

Aisea 51:17

I Jerusalemi, mo yadra mai! Yadra mada ka duri cake! O a mateni ena bilo ni veitotogitaki E a solia vei iko ena nona cudru ko Jiova mo gunuva; O a gunuva kece ka vakavuna mo veicebayaki.

Jeremaia 15:14

Au na cakava me ra qaravi ira na kedra meca ena dua na vanua era se sega ni bau kila, baleta ni sa vaka na bukawaqa na noqu cudru, ka na tawa mudu na kena waqa.”

Jeremaia 21:12

Kemuni na kawa i Tevita! Sa kaya vakaoqo ko Jiova: Me ia na lewa dodonu ena veisiga. Me taqomaki na tamata sa vakaisini mai vei koya sa veivakaisini. Kevaka e sega ni vakayacori vakakina, na cala o ni sa kitaka oqo ena vakavuna me waqa na noqu cudru me vaka na buka sa sega ni boko rawa.

Jeremaia 21:5

Au na valuti iko ena ligaqu qaqa, kei na noqu cudru, na noqu voravora, kei na noqu yalokatakata.

Jeremaia 23:19

Ni sa vaka e dua na cagilaba na cudru ni Turaga, e dua na cagi kaukauwa ka na liwava na uludra na tamata ca.

Jeremaia 36:7

De ra sa na qai masu vei Jiova ka gole tani mai na nodra i tovo ca, ni sa vunauci ira na tamata oqo ko Jiova ena nona cudru rerevaki kei na rarawa.”

Jeremaia 44:22

Ena siga sara ga edaidai sa rusa tu ga na nomuni vanua ka lala tu. Sa yaco me ka e veivakidacalataki ka ra vakayagataka na tamata na yacana me ka ni veivakamaduataki baleta ni sa sega ni vosota rawa ko Jiova na nomuni tovo ca ka vakasisila.

Jeremaia 9:25

A sa kaya ko Jiova, “Ena yaco mai na gauna au na vakaitotogitaki kemuni kina na tawa cilivi vakayalo;

Jeremaia 9:26

E Ijipita, Juta kei Itomi, o ira na luve i Amoni kei Moapi kei ira kece era tiko ena vanua dravuisiga ka sa kotiva na tutu ni drau ni uludra; ka ni ra sa tawa cili; sa tawa cili vaka talega e lomadra na Isireli.”

Lele i Jeremaia 4:11

A sa solia kece ko Jiova na nona cudru; Sa sovaraka na nona cudru katakata, A sa vakatubura e dua na kama e Saioni, Ka sa vakamai kina na kena yavu.

Isikeli 16:38

Au na vakataulewa vei iko ena vuku ni veibutakoci kei na vakadave dra, ka'u na totogitaki iko mai na noqu cudru kei na vuvu.

Isikeli 18:31

Biuta laivi sara na nomu i valavala ca kecega o ni a cala kina vei au, ka vakavouia na lomamuni kei na yalomuni! A cava li o ni via mate kina, oi kemuni na mataqali i Isireli?

Isikeli 20:33

“Me vaka na dina ni noqu bula, sa kaya na Kalou ko Jiova, au na nomuni tui, ka lewai kemuni vakaidina ena kaukauwa ni ligaqu ka sa dodo yani, ka sovaraka vei kemuni na noqu cudru.

Isikeli 21:17

Ia oi au, au na qumia vata na ligaqu ruarua, ka vakaceguya na noqu cudru; oi au ko Jiova, ka'u sa vosa me vakaoqo.”

Isikeli 24:13

Ia na veveka o ya sai koya na nomuni dukadukali ka vakasisila. Baleta ni'u sa na vakasavasavataki iko ka o sa bese tu ni savai tani mai na nomu dukadukali, o na sega tale mada ni savai mai na nomu dukadukali, me yacova ni sa vakayacori na noqu cudru vei iko.

Isikeli 24:8

Me na vakatubura na noqu cudru, me ia na veicudruvi, au sa tauca na dra ka vakadavea e dela ni vatu, ka me kakua ni tabonaki.

Isikeli 44:7

ena nomuni vakacurumi ira mai na vulagi, ka sa sega tu ni cilivi na yalodra kei na yagodra, me ra mai tiko ena noqu Tikina Tabu, ka vakacacana, ni o ni sa vakacabora vei au na kequ kakana, na uro, kei na dra. Ia o ni sa vakacacana na noqu veiyalayalati, me kena i kuri na nomuni valavala vakasisila kecega.

Isikeli 6:12

O koya sa tiko vakayawa ena tauvimate ka mani mate sara; o koya sa tiko voleka ena mate ena i valu; o koya sa vo tiko ena mate ena dausiga. Au sa na vakaceguya kina vakaoqo na noqu cudru katakata vei ira.

Isikeli 8:18

O koya oqo, ka'u na vakayaco-ka kina ena cudru. Au na sega ni vakavoca na nodra bula ka'u na sega talega ni yalololoma vei ira. E dina ga ni kevaka era sa tagi vakadomoilevu ki daligaqu, au na sega ga ni rogoci ira.

Vunau ni Soro 26:28

au na qai vorati kemuni talega ena noqu cudru katakata, ka totogitaki kemuni me vakavitutaki, ena vuku ni nomuni valavala ca.

Vunau ni Soro 26:41

ka vakavuna me'u vuki tani talega vei ira ka kauti ira ki na nodra vanua na nodra meca. Ia ni ra sa vakamalumalumutaka na yalodra o ira na nomuni kawa, ka ra sotava na i sau ni nodra valavala ca kei na viavialevu,

Emosi 5:6

Mo ni golevi Jiova ga, mo ni bula. Kevaka o ni sega ni gole vua, ena lako sobu o koya vei ira na Isireli me vaka na bukawaqa. Ena vakamai ira na lewenivanua mai Peceli na bukawaqa oqo, ka sega ni dua e rawa ni bokoca rawa.

Sefanaia 2:2

ni se bera ni o cagitaki laivi me vaka na qani sila sa cagina ena cagi, ni se bera ni drau sota kei na cudru katakata i Jiova, ni se bera na siga me vakaraitaka kina na nona cudru kaukauwa.

Roma 2:25

Kevaka o sa muria na i vunau i Mosese, sa na yaga na nomu cilivi; ia kevaka o sega ni muria na Lawa, e vinaka cake ga mo a kua ni cilivi.

Vakarua 10:16

Ia oqo, mo ni ciliva kina na yalomuni, ka mo ni kakua tale ni vakadrecike tiko.

Vakarua 30:6

Ena qai solia ko Jiova vei kemuni kei ira na luvemuni na yalo ni talairawarawa, mo ni lomani koya kina ena lomamuni kei na yalomuni taucoko, ka tawana tikoga na vanua o ya.

Vakarua 32:22

Na noqu cudru ena caudre vaka na bukawaqa ka vakama na veika kecega e vuravura. Ena yaco sara ki na vuravura e ra, ka vakama na yavu ni veiulunivanua.

Kolosa 2:11

O ni sa cilivi talega ena nomuni sa tu vata kei Karisito, ka oqo e sega ni veicilivi sa vakayacora na tamata, ia na veicilivi ga sa vakayacora na Karisito, ka sa okati kina na nomuni sa sereki mai na kaukauwa ni valavala ca ni yago oqo.