Jeremaia 30:3 - Ai Vola Tabu Ena Vakavakadewa Vou

³ baleta ni na yaco mai na gauna au na kauti ira lesu tale kina na noqu tamata, na Isireli kei Juta. Au na kauti ira lesu tale mai ki na vanua au a solia vei ira na nodra qase me ra taukena tale.”

Ai Vola Tabu (Vakadewa Makawa Vakavoutaki 2021)

³ Ni sa kaya ko Jiova, Raica, ena yaco mai na gauna ka'u na vakalesui ira tale mai kina na noqu tamata na Isireli kei na Juta era a vakabobulataki, sa kaya ko Jiova, ia ka'u na vakalesui ira tale mai ki na vanua ka'u a solia ki na nodra qase, ka ra na taukena.”

AI VOLA TABU

³ Ni sa kaya ko Jiova, Raica, ena yaco mai na gauna kaʼu na kauti ira tale mai kina na noqu tamata na Isireli kei na Juta era vakabobulataki, sa kaya ko Jiova: ia kaʼu na vakalesui ira tale mai ki na vanua kaʼu a solia ki na nodra qase, a ra na taukena.

Vakavakadewa Makawa

³ Ni sa kaya ko Jiova, Raica, ena yaco mai na gauna ka'u na vakalesui ira tale mai kina na noqu tamata na Isireli kei na Juta era a vakabobulataki, sa kaya ko Jiova: ia ka'u na vakalesui ira tale mai ki na vanua ka'u a solia ki na nodra qase, ka ra na taukena.

Vakavakadewa Vou kei na iVola tale eso

³ baleta ni na yaco mai na gauna au na kauti ira lesu tale kina na noqu tamata, na Isireli kei Juta. Au na kauti ira lesu tale mai ki na vanua au a solia vei ira na nodra qase me ra taukena tale.”

Jeremaia 30:3 Iomraidhean Croise

Jeremaia 29:14

Au na laivi kemuni mo ni kunei au, sa kaya ko Jiova, ka'u na qai vakalesuya vei kemuni na nomuni kalougata ka kumuni kemuni vata mai na veivanua ka'u a vakasavi kemuni kina. Ka'u na kauti kemuni lesu ki na veivanua au a kauti kemuni vakavesu mai kina.”

Jeremaia 16:15

Ia era na bubului ga vei au na Kalou bula o koya sa kauti ira tani mai na Isireli mai na matanitu mai cake, vaka ki na vualiku, kei na veimatanitu kece sara au a veibiuyaki ira kina. Au na kauti ira lesu tale mai ki na nodra vanua dina, na vanua au a solia vei ira na nodra qase.

Isikeli 20:42

Ia o ni na kila ni sai au ko Jiova, ni'u na kauti kemuni ki na vanua o Isireli, na vanua ka'u a yalataka me'u solia vei ira na nomuni qase.

Jeremaia 30:18

A sa kaya tale ko Jiova: “Au na vakasukai ira lesu tale Na kawa i Jekope Ki na nodra vanua, Ka na sobuta na noqu loloma na veivuvale yadua. Ena tawa tale na veikoro kece, Ka vakavoui tale na veivale kecega.

Sefanaia 3:20

Sa lako tiko mai na gauna! Au na vakalesui ira kina sa veituyaki ki na nodra vanua; Au na vakarogoi kemuni kina e vuravura taucoko Ka vakayacora mo ni bula sautu tale mada.” A veika oqo sa kaya ko Jiova.

Jeremaia 33:26

au sa na qai biuti ira na kawa i Tevita na noqu dauveiqaravi, ka'u na sega ni digitaka e dua na kawa i Tevita me liutaki ira na kawa i Epara-ama, Aisake kei Jekope. Au na vakalesuya tale mai na nodra kalougata na noqu tamata, ka lomani ira ena yalololoma.”

Jeremaia 32:44

Ena voli tale na veitiki ni vanua ena i lavo, ena tabaki na kena i vola ni veiyalayalati, dregati ka vakadinadinataki. Na ka oqo ena yaco ena vanua i Penijamini ena veikoro wavokiti Jerusalemi, ena veikoro kei Juta, na veikoro ena veiulunivanua, na veibuca kei na veikoro ena ceva. Au na vakalesui ira tale na tamata ki na nodra vanua.”

Iperiu 8:8

Ia sa kunea ga na Kalou na cala vei ira na nona tamata, ni sa kaya kina: “Ena yaco mai na siga, sa kaya na Turaga, Ni'u na cakava kina e dua na veiyalayalati vou kei ira na Isireli vata kei ira na Juta.

Joeli 3:1

“Ia ena gauna o ya, ni'u sa vakalesuya oti tale kina vei Juta kei Jerusalemi na nona i yau,

Isikeli 36:24

Ni'u na kauti kemuni mai vei ira na veimatanitu tani, ka vakasoqoni kemuni mai na veivanua kecega, ka kauti kemuni ki na nomuni vanua.

NA SAME 53:6

Au na masulaka me yaco mai na veivakabulai Vei ira na Isireli mai Saioni! Ni sa vakatoroicaketaki ira tale na nona tamata na Kalou Era na marau na kawa i Jekope; era na reki na Isireli.

Luke 21:6

“Me baleta na veika dou sa raica tiko oqo, ena yaco mai na gauna ena sega ni vo tale eke eso na vatu me ra veitaqataqai tu; era na talaraki sobu kecega.”

Luke 19:43

Ni na yaco mai vei iko na gauna era na viribaiti iko kina na nomu meca, ka vakavolivoliti iko, ka sogoti iko ena veiyasana kecega,

Luke 17:22

Sa qai kaya vei iratou na tisaipeli, “Ena yaco mai na gauna dou na gadreva kina mo dou raica e dua na nona siga na Luve ni Tamata, ia dou na sega sara ni raica.

Isikeli 47:14

Ia mo ni wasewasea sara vakatautauvata; au a bubului me'u na solia vei ira na nomuni qase, ka sa na lutu ki na ligamuni na vanua oqo me nomuni votavota.

Jeremaia 32:37

Au na soqoni ira vata na tamata mai na veimatanitu kece sara au a vakasavi ira kina, ena noqu rarawa, na cudru, kei na yalo katakata, ka'u na kauti ira lesu mai ki na vanua oqo ka laiva me ra mai tiko ena galala.

Jeremaia 31:38

Ena yaco mai na gauna, me na tara tale kina na koro levu taucoko oqo, me tekivu mai na vale cecere i Ananeli ena yasana vaka ki na ra, me na yaco ki na Matamata ki Tutuna.

Jeremaia 31:31

A qai kaya tale ko Jiova, “Ena yaco mai na gauna au na cakava kina e dua na veiyalayalati vou kei ira na noqu tamata na Isireli vata kei ira na Juta.

Jeremaia 31:27

A sa kaya ko Jiova, “Ena yaco mai na gauna au na vakatawana tale kina na vanua o Isireli kei Juta ena tamata kei na manumanu.

Jeremaia 30:10

Kemuni na kawa i Jekope na noqu dauveiqaravi, Ni kakua ni rere, kemuni na Isireli, Ni kakua ni yalo lailai. Au na sereki kemuni mai na vanua yawa o ya, Mai na vanua o ni a vakabobulataki kina. Era na lesu tale mai na kawa i Jekope Ka mai tiko sautu; Era na galala Ka sega ni dua me vakarerei ira.”

Jeremaia 27:22

Era na kau ki Papiloni ka na tu mai kea me yacova ni'u sa talevi ira tale. Au na qai kauti ira lesu tale mai ka mai biuti ira ena vanua oqo.” Ni sai Jiova ga sa kaya oqo.

Jeremaia 27:11

Ia kevaka e dua na matanitu ena vakarorogo ki na lewa ni tui Papiloni ka qaravi koya, au na laiva me na tiko ga ena nona vanua me teivaka, ka tiko ga kina,” a kaya ko Jiova.

Jeremaia 23:5

A sa kaya ko Jiova, “Ena yaco dina mai na gauna, Au na qai digitaka kina e dua na kawa dina i Tevita me tui. Ena daumaka na nona veiliutaki ka na vinaka ka dodonu ena vanua taucoko.

Esera 3:12

E vuqa vei ira sa qase cake sara ena kedra maliwa na bete kei na Livai kei ira turaga ni mataqali, ka ra sa raica oti na i matai ni Valenisoro, era sa vakaisaisa ga ka tagi ni ra sarava tiko na vakadavori ni yavu ni Valenisoro vou oqo. Ia o ira na kena vo era tu e kea, era sa vakarewa kaila ga ena levu ni marau.

Esera 3:8

A sa qai tekivu na nodra cakacaka ena i karua ni yabaki ni nodra sa lesu tale mai ki na i tikotiko makawa ni Valenisoro e Jerusalemi, ena i karua ni vula. Eratou sa veitauriligataka na cakacaka o Serupepeli, kei Josua, kei ira na vo ni wekadra, kei ira na bete, kei ira na Livai, vata kei ira kecega era sa lesu mai na veivakabobulataki. Era sa lesi na Livai sa 20 na nodra yabaki se qase cake me ra liutaka na cakacaka ni kena tara cake tale na Valenisoro.

Esera 3:1

Ni sa yaco mai na i kavitu ni vula, era sa tiko vakavinaka tale ena nodra veikoro na Isireli. Era a qai soqoni vata yani ki Jerusalemi.

Vakarua 30:3

Ena qai lomani kemuni ko Jiova ka na vakasukai kemuni mai na veimatanitu sa vakasavi kemuni kina, ka vakavuna tale mo ni tiko vinaka.

Jeremaia 31:23

A sa kaya na Turaga ko Jiova ni lewevuqa, na nodra Kalou na Isireli, “Ena gauna au sa na vakalesui ira tale kina na tamata ki na nodra vanua, era na kaya tale ena vanua o Juta kei na kena veikoro. ‘Me vakalougatataka ko Jiova Na ulunivanua tabu mai Jerusalemi, Na tikina tabu sa tiko kina.’

Vakarua 30:5

mo ni mai taukena tale na vanua era a taukena mada e liu na nomuni qase. Ena qai vakavuna mo ni tiko vinaka tale ka vakalewevuqataki kemuni cake mai vei ira na nomuni qase.

Jeremaia 3:18

Ena gauna o ya sa na duavata tale o Isireli kei Juta ka rau sa na lako mai na vanua mai na tokalau ki na vanua au a solia vei ira na nodra qase nodra i votavota tawa mudu.”

Jeremaia 29:10

A sa kaya ko Jiova, “Ni sa oti na vitusagavulu na yabaki mai Papiloni, au na qai sikovi kemuni ka vakayacora na ka au sa yalataka, o ya, me'u kauti kemuni lesu tale ki na nomuni vanua.

Jeremaia 30:4

A sa kaya ko Jiova me baleti Isireli kei Juta:

Jeremaia 31:16

Kakua ni tagi, Qusia tani na wai ni matamu. Na ka kece o cakava vei ira na luvemu, Ena sega ni rawa me na sega ni saumi; Ka ra na suka tani mai na nodra vanua na meca.

Jeremaia 51:60

A vola o Jeremaia ena dua na i vola na i tukutuku kece ni veivakarusai ena yacovi Papiloni ka vakakina na veika tale eso me baleti Papiloni.

NA SAME 126:4

Kemuni Jiova ni kauti keimami lesu ki na neimami vanua, Me vaka na kena kauta lesu mai na nomuni uca na wai me vakalesui ki na veiuciwai sa maca tu.

Isikeli 34:13

Ia ka'u na kauti ira tani mai vei ira na veimataqali tamata, ka vakasoqoni ira mai na veivanua, ka kauti ira mai ki na nodra vanua; ka'u na vakani ira ena veiulunivanua i Isireli, ena veimataniwai, kei na i tikotiko kece ni vanua.

Sefanaia 2:7

Era na tawana na nomuni vanua o ira na vo-ni-bula e Juta. Era na vakania mai kea na nodra sipi, ka ra na moce ena veivale mai Asikiloni. Ena tiko ga kei ira na nodra Kalou ko Jiova, ka na vakavutuniyautaki ira tale o koya.