Jeremaia 3:2 - Ai Vola Tabu Ena Vakavakadewa Vou

² Rai cake mada ki na veidelana. E sega li ni dua na vanua o a sega ni vakayacora kina na i valavala sa vaka na yalewa dautagane? Ni o dau waraki ira o domona ena bati ni gaunisala, me vaka e dua na kai Arapea ena vanua dravuisiga. O sa vakadukadukalitaka na vanua ena nomu i tovo ca ni dautagane.

Ai Vola Tabu (Vakadewa Makawa Vakavoutaki 2021)

² Mo ta cake ka rai ki na veiyasana cecere, ka raica se dua na tikina dou sega ni veimoceri kina. E na gaunisala ko a waraki ira, me vaka na kai Arapea mai na vanua lala; ia ko sa vakadukadukalitaka na vanua e na nomu dautagane kei na nomu ca.

AI VOLA TABU

² Mo ta cake e na matamu ki na veiyasana cecere, ka raica se dua na tikina dou a tawa koto kina. E na gau-ni-sala ko a lawavaki ira, me vaka na kai Arapea mai na veikau; ia ko sa vakadukadukalitaka na vanua e na nomu dauyatagane kei na nomu ca:

Vakavakadewa Makawa

² Mo ta cake ka rai ki na veiyasana cecere, ka raica se dua na tikina dou sega ni veimoceri kina. E na gaunisala ko a waraki ira, me vaka na kai Arepea mai na veikau; ia ko sa vakadukadukalitaka na vanua e na nomu dautagane kei na nomu ca:

Vakavakadewa Vou kei na iVola tale eso

² Rai cake mada ki na veidelana. E sega li ni dua na vanua o a sega ni vakayacora kina na i valavala sa vaka na yalewa dautagane? Ni o dau waraki ira o domona ena bati ni gaunisala, me vaka e dua na kai Arapea ena vanua dravuisiga. O sa vakadukadukalitaka na vanua ena nomu i tovo ca ni dautagane.

Jeremaia 3:2 Iomraidhean Croise

Vakatekivu 38:14

Sa qai mai luvata tani yani na nona i sulu vakayada e daramaka voli, ka ubia na matana ena i ubi ni mata, ka la'ki dabe toka ena matamata ki Eneimi ena sala vaka ki Timina. A sa kila o koya ni sa cauravou levu sara o Sela, na luve i Juta ka gone duadua, ia a se sega ga ni soli yani o koya vei Sela me watina.

1 Tui 11:3

A sa vakawatitaka e lewe 700 na raluve o Solomoni, ka ra lewe 300 na watina lalai. Era a qai vakavuna na watina me vuki tani mai vua na Kalou.

2 Tui 23:13

A sa vakacacana o Josaia na tui na veitikina cecere ni vakacaboisoro nei Solomone na tui era tu ena tokalau kei Jerusalemi, vaka ki na ceva ni Ulunivanua ni Veiolive, ka dau ia kina na sokalou ki na matakau vakasisila o Aseteroci na nodra kalou yalewa na kai Saitoni, vei Kimosi na nodra kalou na Moapi, kei Moloke na nodra ka kalou na luve i Amoni.

NA SAME 106:38

Era sa vakamatei ira na tamata dodonu oqo, na luvedra tagane kei na luvedra yalewa, Me ra i soro vei ira na kalou ni Kenani; Ka sa vakadukadukalitaki na vanua ena veivakamatei oqo.

Vosavakaibalebale 23:28

Era sa waraki iko me vaka na daubutako ka vakavuna me ra sega ni yalodina vei watidra e vuqa na tagane.

Vosavakaibalebale 7:11

Sa yalo doudou na yalewa oqo ka sega ni madua; sa sega ni dau tiko vakamalua e vale

Jeremaia 12:12

Era sa lako mai na dauveivakarusai Mai na veidelana dravuisiga kece. Au sa tala na i valu Me vakarusa na vanua taucoko Ka na sega sara e dua na tamata Me bula vakacegu tikoga.

Jeremaia 2:20

“Isireli, o a sa besetaka makawa sara na noqu lewa; O cata na muri au, ni o sa kaya, Au na bese ni qarava! Ia ena veidelana cecere Kei na ruku ni veivunikau drokadroka, O a sega ni yalodina vei au Me vaka na yalewa dautagane.

Jeremaia 2:23

O kaya rawa vakacava ni o sega ni vakadukadukalitaki iko, Ni o a sa sega ni bau qaravi Peali? Raica mada na i valavala ca o a cakava ena buca; raica na ka o sa cakava. O sa vaka na kameli kila sa via veiyacovi, ka sa veiciciyaki voli me vakaceguya na lomana,

Jeremaia 2:7

Au a kauti ira ki na dua na vanua bulabula Me ra matalau ena kania na kena vuata Kei na kena veika vinaka e vuqa. Ia ni ra sa lako mai, Era sa vakacacana na noqu vanua; Ka vakadukadukalitaka na vanua au solia vei ira.

Jeremaia 3:1

A sa kaya ko Jiova, “Kevaka e dua na tagane sa veisere kei na watina yalewa, ka sa biuti koya talega na watina yalewa ka la'ki watina tale e dua, e dodonu li me tauri koya tale na tagane watina e liu? Sa vakadukadukalitaki na vanua ena nomu veidauci kei ira na tagane o sa domona, ia ka'u sa sureti iko ga mo lesu tale mai vei au, sa kaya ko Jiova.

Jeremaia 3:13

Vakadinadinataka ga ni o sa cala. Ni o sa talaidredre vua na nomu Kalou. Tusanaka nomu cala ena ruku ni veivunikau drokadroka ni o sa la'ki qaravi ira kina na kalou tani, ka ni o sa sega ni muria na noqu vosa. Oi au, ko Jiova, sa vosa vakaoqo.

Jeremaia 3:21

E dua na domo sa rogo ena veidelana; Na domo ni nodra tagi Kei na vakamamasu na Isireli, Baleta ni ra sa kitaka na i valavala ca, Ka guilecavi Jiova na nodra Kalou.

Jeremaia 3:9

Ka sa sega ni kauwaitaka vakalailai. Sa vakadukadukalitaka na vanua; sa veibutakoci ena nona sa ia ga na sokalou ki na vatu kei na veivunikau.

Jeremaia 7:29

Mo ni tagi na lewenivanua e Jerusalemi; Ni kotiva na drau ni ulumuni ka viri yawa. Ena veidelana mo ni lagata na sere ni veibulu baleta ni'u sa cudru Na nomuni Kalou ka cati kemuni.

Isikeli 16:16

Ia o a qai kauta eso na nomu i sulu ka ukutaka kina na nomu veiyasana cecere ena ka e veivolavolai, ka sa ia kina na dautagane. A veika oqo e sega ni dodonu me a vakayacori, se me na vakayacori.

Isikeli 20:28

Ia ka'u a kauti ira mai ki na vanua ka'u a bubuluitaka me'u solia me nodra: ia ena veivanua ga era raica kina e dua na ulunivanua cecere, se dua na kau rugurugua, era sa vakacabora e kea na nodra i soro kei na nodra i madrali me ka ni veivakacudrui; era vakatubura cake e kea na nodra ka boi vinaka, ka sova talega kina na nodra i sevu.

Osea 2:5

Ni sa kitaka ga na dautagane na tinadra: o koya sa kunekunetaki ira sa ia ga na i valavala e veivakamaduataki, ni sa kaya, “Au na muri ira na tagane eso ka'u sa domona — era sa solia na qau madrai kei na mequ wai, na noqu vuti ni sipi kei na noqu lineni, na noqu waiwai olive kei na mequ waini.”

Luke 16:23

A sa tacake mai Etesi ni sa vakararawataki tu ka raici Epara-ama sara tu vakayawa, kei Lasarusa ni koto e lomaserena.

Vakarua 12:2

Ena vanua o ni sa na taukena, mo ni talaraka sobu na vanua kece era dau qarava kina na nodra kalou o ira na kena i taukei e liu; oqori ena veiulunivanua cecere, ena veidelana, kei na veiruku ni vunikau draudrau vinaka.