Jeremaia 1:1 - Ai Vola Tabu Ena Vakavakadewa Vou

¹ Oqo na vosa i Jiova ka a yaco vei Jeremaia na luve i Ilikaia, e dua vei ira na bete mai Anacoci ena vanua o Penijamini.

Ai Vola Tabu (Vakadewa Makawa Vakavoutaki 2021)

¹ A vosa i Jeremaia na luve i Ilikaia, e dua vei ira na bete era tiko mai Anacoci e na vanua ko Penijamini.

AI VOLA TABU

¹ A VOSA i Jeremaia na luve i Ilikiya, e dua vei ira na bete era tiko mai Anacoci e na vanua ko Penijamini:

Vakavakadewa Makawa

¹ A vosa i Jeremaia na luve i Ilikaia, e dua vei ira na bete era tiko mai Anacoci e na vanua ko Penijamini:

Vakavakadewa Vou kei na iVola tale eso

¹ Oqo na vosa i Jiova ka a yaco vei Jeremaia na luve i Ilikaia, e dua vei ira na bete mai Anacoci ena vanua o Penijamini.

Jeremaia 1:1 Iomraidhean Croise

1 Tui 2:26

A vosa vei Epaiaca na bete o koya na tui, ka kaya, “Mo lako tani ki Anacoci, ki na nomu vanua; ni sa dodonu mo mate. Ia au na sega ni vakamatei iko edaidai, ni o sa colata voli na Kato ni Veiyalayalati i Jiova ena mata i Tevita na tamaqu, ka o vakaivotavota vata kaya ena veika kecega ka vakararawataki kina.”

1 Veigauna 6:60

A soli vata talega vei ira na veikoro oqo kei na kedra vanua veico mai na nodra mataqali na Penijamini: o Kipa, o Alemeci, o Anacoci. Na kena levu taucoko e 13 na veikoro me ra tiko kina na nodra veivuvale na kawa i Eroni.

2 Veigauna 35:25

A osivaki Josaia o Jeremaia na parofita; ka ra tagilagalagataki Josaia o ira kecega na tagane kei na yalewa dausere ena nodra lele me yacova na siga oqo. Era a vakarota me cavuti tiko e Isireli, ka raica, sa volai tu ena vakaloloku.

2 Veigauna 36:12

A sa valavala ca o koya ena mata i Jiova na nona Kalou; a sega ni vakamalumalumutaki koya ena mata i Jeremaia na parofita ni a vosa vua mai na gusu i Jiova.

2 Veigauna 36:21

Ena ka oqo, sa vakayacori kina na vosa i Jiova ena gusu i Jeremaia na parofita: “Ena lala tu na qele ka yabaki vitusagavulu, me rawati kina na vakacegu ni vakatatabu me baleta na qele me vaka ni a sega tu ni dau vakayacori.”

Esera 1:1

Ena i matai ni yabaki ni veiliutaki nei Sairusi na tui Perisia, a sa vakayacora kina ko Jiova na veika sa vosa oti kina vei Jeremaia na parofita. A sa vakauqeti Sairusi me kacivaka na i vakaro oqo, ka me vola ka kauta wavoki me wiliki vakadomoilevu ena veivanua kece sara ena nona matanitu:

Esera 2:23

Mai na koro o Anacoci, era sa lewe 128.

Aisea 1:1

Na i vola oqo sa koto kina na i tukutuku baleti Juta kei Jerusalemi e a vakaraitaka na Kalou vei Aisea na luve i Emosi ena gauna e ratou a tui kina e Juta o Usaia, o Jocame, o Easi kei Esekaia.

Aisea 10:30

Ni qolou na lewe i Kalimi, ni vakarorogo na lewe i Laisa, Mo ni sauma yani na kai Anacoci.

Aisea 2:1

Sa i koya oqo na i tukutuku e a vakaraitaka na Kalou vei Aisea na luve i Emosi me baleti Juta kei Jerusalemi:

Jeremaia 11:21

Era a saga na kai Anacoci me ra vakamatei Jeremaia, ka ra kaya vua ni ra na vakamatei koya kevaka e parofisai tikoga ena yaca i Jiova.

Jeremaia 29:27

A cava o sega ni vunauci Jeremaia kina na kai Anacoci sa parofisai tiko vei ira na tamata?

Jeremaia 30:1

A sa kaya vei Jeremaia, na Turaga ko Jiova, na nodra Kalou na Isireli,

Jeremaia 37:12

A cavutu o Jeremaia me biuti Jerusalemi me lako ki na vanua i Penijamini me la'ki taukena na nona i votavota ni vanua vei ira na kai nona.

Isikeli 1:3

A qai yaco sara mai na vosa ni Kalou vei Isikeli na bete, na luve i Pusi, ena nodra vanua na kai Kalidia mai na Uciwai o Kipa; a tiko vua mai kea na liga i Jiova.

Taniela 9:2

Ena i matai ni nona yabaki ni tui, oi au, o Taniela, au a vulica ka vakadikeva tiko eso na i vola tukutuku vakatabui, ka'u mani vakananuma tiko na vosa ni Turaga vei Jeremaia na parofita, ka ni na rusa koto mada o Jerusalemi me vitusagavulu na yabaki.

Emosi 1:1

Oqo na vosa i Emosi, e dua na i vakatawanisipi mai na koro o Tikoa. Ni vo koto e rua na yabaki me yaco mai kina na uneune, ka donuya oqo na gauna e se tui Juta tiko kina o Usaia ka tui Isireli tiko kina o Jeropoama na luve i Joasa, a sa vakatakila kina na Kalou vei Emosi na veika kece sara oqo me baleti Isireli.

Emosi 7:10

A sa qai talatala o Amasaia na bete mai Peceli kivei Jeropoama na tui Isireli, ka kaya, “Sa bukia tiko o Emosi na kemu vere ena kedra maliwa na Isireli. Na nona vosa ena vakacacana na matanitu.

Maciu 16:14

E ratou sa qai kaya, “Eso era kaya, o Joni na Dauveipapitaisotaki, ka so tale era kaya ni o Ilaijia, ka so tale era kaya ni o Jeremaia, se e dua tale na parofita.”

Maciu 2:17

Sa qai vakayacori sara kina na vosa i Jeremaia na parofita, ni a kaya,

Maciu 27:9

Sa qai vakayacori sara kina na veika ka a tukuna o Jeremaia na parofita, ni a kaya, “Era sa qai kauta na tolusagavulu na tiki ni siliva, na levu ni i lavo era sa vakadonuya na Isireli me ra sauma vua,