Dauvunau 7:2 - Ai Vola Tabu Ena Vakavakadewa Vou

² Sa uasivi cake me da lako ki na dua na vale e caka tiko kina na vakaloloku, mai na vale e caka tiko kina na kana magiti baleta ni na rawa me ra vakasamataka kina na tamata era bula tiko ni sa waraki keda kece tu ga na mate.

Ai Vola Tabu (Vakadewa Makawa Vakavoutaki 2021)

² Sa vinaka me lako ki na vale ni tagi ka ca me lako ki na vale ni kana magiti; ni sai tinitini ni tamata kecega oqo, ia ko koya sa bula tiko ena nanuma kina e lomana.

AI VOLA TABU

² Sa vinaka me lako ki na vale ni tagi, ka ca me lako ki na vale ni solevu: ni sa kedrai otioti o qori na tamata kecega; ia ko koya sa bula tiko ena nanuma kina e lomana.

Vakavakadewa Makawa

² Sa vinaka me lako ki vale ni tagi, ka ca me lako ki na vale ni kana magiti: ni sa kenai otioti ni tamata kecega oqo; ia ko koya sa bula tiko ena nanuma kina e lomana.

Vakavakadewa Vou kei na iVola tale eso

² Sa uasivi cake me da lako ki na dua na vale e caka tiko kina na vakaloloku, mai na vale e caka tiko kina na kana magiti baleta ni na rawa me ra vakasamataka kina na tamata era bula tiko ni sa waraki keda kece tu ga na mate.

Dauvunau 7:2 Iomraidhean Croise

NA SAME 90:12

Ni vakavulici keimami ena kena rui lekaleka na neimami bula, Me rawa ni keimami vuku kina.

Dauvunau 2:14

Sa rawa vei ira na vuku me ra raica na vanua me ra lako kina, ia era sa sega ni raica rawa na tamata lialia. Ia au sa kila talega ni sa tautauvata ga na ka dredre era na sotava vata kecega na vuku kei na lialia.

Dauvunau 2:16

E sega ni bau dua e nanumi ira na lialia. Eda na guilecavi kecega ena gauna mai muri. Eda na mate vata kecega na vuku kei na lialia.

Dauvunau 3:19

Ni sa tautauvata ga na ka sa yacovi ira na tamata vata kei ira na manumanu, sa mate o koya me vakataki ira talega na manumanu. E rau sa tautauvata ga. Sa sega ni vinaka cake na tamata mai na manumanu baleta ni sa sega ni vakaibalebale ruarua vei rau na bula.

Dauvunau 3:20

E rau sa gole vata ga ki na dua ga na vanua, sai koya na kuvu ni soso, e rau sa lako ruarua mai kina ia e rau na lesu ruarua talega kina.

Dauvunau 6:6

mai vua na tamata e rua na udolu na yabaki na nona bula ka sega ni marautaka. Ia e rau sa lako ruarua ki na duavata ga na vanua.

Dauvunau 9:2

Sa sega na kena duidui. Sa tautauvata ga na ka ca sa yacovi ira na yalododonu kei ira na i valavala ca, vei ira na vinaka kei ira era ca, vei ira era lotu kei ira era sega ni lotu, vei ira era dau qarava na Kalou kei ira era sega ni dau qarava na Kalou. Sa sega ni uasivi cake na tamata vinaka mai na tamata i valavala ca, sa sega talega ni uasivi cake o koya sa bubului vei koya sa sega ni bubului.

Dauvunau 9:3

Sa dua na ka ca sa yaco vei ira kecega, ka sa cala na ka oqo me vaka na kena cala na ka kecega sa yaco e vuravura. Sa sinai na vakasama ni tamata ena gauna kecega sa bula kina ena veika ca kei na veika lialia, ka ra mai mate yani vakasauri.

Dauvunau 9:5

O ira era sa bula era kila tiko ni ra na mate, ia o ira na mate era sa sega ni kila e dua na ka, sa sega tale na ka me ra na saumi kina ka ra sa na sega tale ni nanumi tiko.

Aisea 47:7

O a nanuma ni o na ranadi tikoga me tawa mudu Ka sega ni vakasamataka na veika oqo e lomamu Se vakananuma na kedra i cavacava kece.

Jeremaia 16:8

Kakua ni curu ki na dua na vale e caka tiko kina na kanavata. Kakua ni dabe kei ira, se kana ka gunu vata kei ira.

Akeai 1:5

Ni bau raica mada na veika sa yaco tiko vei kemuni!

Malakai 2:2

E dodonu mo ni dau vakarokorokotaki au ena veika o ni sa vakayacora. Kevaka o ni sa sega ni vakarorogo ki na veika au sa tukuna, au na cudruvi kemuni. Au na vagolea na noqu cudru ki na veika o ni sa dau vakararavi kina. Ia na kena dina, o ya ni'u sa cudruva oti na veika oqori, baleta ni o ni sa dau taura tu ga vakamamada na noqu i vakaro.

Tiko mai na Lekutu 23:10

Na kawa i Isireli sa vaka na kuvu ni soso: Sa dredre sara me wiliki ni ra sa rui lewe levu. Isa me na cava na noqu bula me vaka e dua na tamata ni Kalou; Ka me'u mate ena vakacegu me vaka na tamata yalododonu.”

Maciu 5:4

“Sa kalougata o ira era sa dautagi; Ni ra na vakacegui.

Vakarua 32:29

Era sega ni raica rawa na vu ni nodra vakadrukai; era sa sega ni kila rawa na i balebale ni veika sa yaco.

Vakarua 32:46

a sa qai kaya, “Qarauna vinaka sara mo ni muria na i vakaro au sa solia vei kemuni edaidai. Vakatavulica vei ira na luvemuni me ra qarauna vinaka talega, me ra muria ena yalodina na vosa ni Kalou.

Filipai 3:19

Era na tini dina ga ki eli o ira oqo, ni sa nodra kalou na gagadre ni yagodra, ni ra sa dau dokadokataka na ka e dodonu me ra maduataka, ka ra sa dau vakasamataka ga na veika ni bula oqo.

Iperiu 9:27

Ni sa lesi me ra na mate ga vakadua na tamata, ka me qai muri na nodra lewai mai vua na Kalou.