तितुस 3:9 - Muria Far Western

⁹ मति बेकारता पोल्लोंग अनि वारसाना बारेते ओरा विवादताल लक मन्ट अनि यहुदि नियमता बारेते विवाद किन्तोरक ओरा वने लक मन्ट अनि वाहचानाताल लक मन्ट, बाक्याकि इव सबोय पोल्लोंग बाताले फायदातांग हिलेंग अनि बाताले बुतोता वने हिलेंग।

तितुस 3:9 Iomraidhean Croise

१ कुरिन्थुस 13:2

अनि नाकुन परमेस्वरना पोल्लो वेहाना वर्दान पुटस नावागा परमेस्वरना मकिस इरस मता सबोय योजनातुन समजेमायाना लाव अनि सबोयि ग्यान मन्ता अनि मटातुन गुचाहाना लेहका हजोर विस्वास नावागा मन्ता मति नना दुसरोन मया केवोन ते नना बाताले हिलेन।

१ कुरिन्थुस 8:1

मूरतिता मुने बलि हिता जेवनता बारेते निमाट पत्रतिगा कोटस नाकुन पुच्चेमाता ओद प्रश्नता बारेते वने नना इदेक उत्तर हियाका: इंगो, इदेना बारेते “माक सबोय लोकुरकुन ग्यान मन्ता” इन्जोर माक वळकिलातरोम। मति ग्यानते लोकुरक आपुनतुन हजोर किन्तोर इन्जोर आलहाट। मति मया दुसरो लोकुरकुन बरसिला मदत किन्ता।

१ तिमुति 4:7

अनि ओद खोटाल अनि व्यर्थ पिटोतुन पुरा इन्कार किम; अनि इदाम पिटो सिरानते बनेकितुरक मति इव खोटाल अनि व्यर्थ पिटेंग लोकुरकुन परमेस्वरना आदर कियान साटि मदत केवोंग इन्जोर निमा परमेस्वरना खरोय उपदेशता पालन कियाकि ते निमा परमेस्वरिन गिरदा केवाल मानेय आयकि।

२ तिमुति 2:14

अनि नना वेहता सबोय पोल्लोंग विस्वासि लोकुरकुन आलहिच हिम्ट, अनि उन्दि उन्दि पोल्लोता अर्थतुन पयसुन ओरक अदेना बारेते तर्क वितर्क किसुन लोकुरकना विस्वासतुन नाश किन्तोर अनि इदेना द्वारा दुसरोन बाताले लाभ पुटो। अदाम तर्क वितर्कतुन निमा बन्द किम।

२ तिमुति 2:16

अनि परमेस्वरना विरोद मन्ता ओद गलति करहानाताल निमा लक हन बाक्याकि इदाम पोल्लोंग लोकुरकुन परमेस्वरनिकेडाल लक ओयनुंग।

२ तिमुति 2:23

अनि मुर्खताता निरर्थ बहसताल वाहचाना आन्ता इन्जोर समजेमास अदेनताल निमा लक हन।

तितुस 1:14

अनि यहुदि लोकुरांग बनेहकितांग पिटोनिगा अनि परमेस्वरना खरोय वाचातुन मानेमायान साटि इन्कार किन्तोर ओरा द्वारा बनेहकितांग नियमतिगा मन लावेह केमाकिर इन्जोर ओरकुन डाटेह किम।

याकुब 4:1

मिया नडुम हाहाना-पिटाहाना अनि वाहचाना बाक्या आन्ता? बाताल मिया लोपा गलति कियाना अनि ओद गलतितिगा पकाय गिरदा आयाना इदाम इच्चाताल मन्ता बहे?