तितुस 3:7 - Muria Far Western

⁷ अनि परमेस्वर मावागा दया किसुन माकुन निरदोष बनेहकितुर इन्जोर माक अनन्त जिवा पुटार इदाम पकाय हजोर आशा मन्ता।

तितुस 3:7 Iomraidhean Croise

मत्ति 25:34

असके राजाल आपुना तिन्दान कयबासाडोरकुन इन्दानुर, ‘हे नावोर बाबोनोर धन्य लोकुरक, वराट, दुनिया बनेकियानाता मुनेटाले मिया साटि तयार किस मन्ता ओद राज्यतोर वारिस आम्ट।

मरकुस 10:17

येसु अगडाल पसियस हरिते हन्दिला आस मतोर असके वरोर मानेय वितसोर ओना हेरे वातुर अनि येसुना मुने मिन्डांग टेकेकिस ओन पुच्चेमातुर, “हे बेसतोर गुरु, अनन्त जिवन स्विकार कियान साटि नना बाताल कियाका?”

रोमि 11:6

अनि ओरा बोदायि सोबाय बुतोता कारणते आयो मति ओरकुन दया किस परमेस्वर ओरकुन आचतोर; ओरा बुतोता कारणते ओरकुन आच मनेर ते ओना दया बेकार मन्ता।

रोमि 3:24

मति परमेस्वरना दयाते येसु मसिना द्वारा पापता बन्दनताल लेहचिस फुकोटते पुटता उन्दि बकसिस लेहका माकुन परमेस्वरना मुने येताना योग्य ठहरे किन्तोर।

रोमि 3:28

इन्जोर बोरायि मानेय मूसाना नियमता बुतोता अनुसार आयो मति विस्वासता द्वाराय परमेस्वरना मुने येताना योग्य बनेमाय परान्तोरक इन्जोर पका मन्ता।

रोमि 4:16

इन्जोर परमेस्वरना वाचा विस्वासता काया आन्दु अनि इद परमेस्वरताल दया आस फुकोटते पुटान्ता। इद प्रकारते परमेस्वरना वाचा अब्रहामना सबोय वंशज साटि मन्ता। केवल नियमतुन मानेमान्तोरक ओर लोकुरकुन आयो मति अब्रहामना लेहका विस्वास किन्तोरक लोकुरकुन वने पुटार इन्जोर पका कियाना साटि मन्ता। बाक्याकि अब्रहाम माक सबोय लोकुरा बाबाल मन्तोर।

रोमि 4:4

मति बुतो केवालना रोजि हियाना बोदे दान आयो मति ओद ते रोजि पुटाना ओना हक्क मन्ता।

रोमि 8:17

अनि माक ओना मरक आन्दोम ते वारिस वने आन्दोम, अनि माक मसिनासंग परमेस्वरनोर वारिस मन्तोम; अनि परमेस्वरना महिमाता सहभागि आयाना मन्ता ते ओनासंग दुःखता वने सहभाहि आयिला पहाजे।

१ कुरिन्थुस 6:11

मियागा हुचुलोर लोकुरक मुने इदामे पाप केवालोरक मतोरक मति प्रबु येसु मसिना कारण मावोर परमेस्वरना आत्मा मिया पापतुन नोरस पवित्र बनेकिस परमेस्वरना येताना योग्य ठहरे कितुर।

गलाति 2:16

ते वने मानेय मूसाना नियमता अनुसारता बुतोते आयो, मति केवल येसु मसिनिगा विस्वास कियानाता द्वारा परमेस्वरना मुने येताना योग्य ठहरे मान्तोर इन्जोर माक पुन्तोम। केवल मूसाना नियमतुन पालन किस परमेस्वरना मुने येताना योग्य आय परोर। मसिनिगा विस्वास कितोम इन्जोर विस्वासता द्वारा परमेस्वर माकुन परमेस्वरना मुने येताना योग्य आस स्विकार कितोर।

गलाति 3:29

अनि निमाट मसिहनोर आन्दिट ते अब्रहामनोर बालक अनि परमेस्वरना वाचाता अनुसार अब्राहिमना वारिस वने आन्दिट।

गलाति 4:7

इन्जोर निमाट इदेक इद दुनियाता बेकार दरम नियमता दासक आयो मति परमेस्वरना बालक आतिट, अनि बालक आतिट ते परमेस्वरना द्वारा परमेस्वरना वारिस वने आतिट।

२ तिस्लुनि 2:16

अनि मावोर प्रबु येसु मसि अनि मावोर बाबो परमेस्वर माकुन मया किन्तोर अनि ओना दया माकुन प्रोत्साहन अनि सोबाय आशा हिता।

तितुस 1:2

अनि इद दुनिया बनेमायानाता मुनेटाले बसकेय खोटाल वळकोर ओर परमेस्वर इद आशाता बारेता वाचा हितोर।

तितुस 2:11

बाक्याकि सबोय मानेयकना पिसाना साटि परमेस्वरना दया प्रगट आतु,

यहुदि 1:14

असके स्वरगदूतक बोर मन्तोरक? ओर सबोय स्वरगदूत परमेस्वरना सेवा केवांग आत्मांग मन्तांग अनि पिसाना प्रापत कियान साटि हर हुळस मन्तोरकुन मदत कियान साटि परमेस्वर लोहान्तोर मन्तोरक।

यहुदि 11:7

विस्वासता कारणतेय नुहिन बसकेय हुळोर आसि ओव पोल्लोता बारेता परमेस्वर चेतावनि हिस मतोर असके परमेस्वरना आदरते आपुना लोतोरकुन पिसहान साटि उन्दि बेहरा जहाज बनेहकितुर। इन्जोर ओर आपुना विस्वासतेय इद दुनियातुन दोषि ठहरे कितुर अनि विस्वासता द्वारा परमेस्वरना मुने येताना योग्य आयाना वारिस आतुर।

यहुदि 11:9

विस्वासता कारणतेय ओन वाचा हिस मतोर ओद अन्जान देशतिगा अब्रहाम हन्जुन वरोर परदेशि लेहका परमेस्वर ओन हिता ओदे वाचाता वारिस मतोर इसहाक अनि याकुबनासंग तम्बुहतिगा मन्जोर मतोर।

यहुदि 6:17

इन्जोर परमेस्वर शपथ येतितोर। ओद सपता द्वारा परमेस्वर आपुना योजनातुन बसकेय बदले केवोर आयनुर अनि ओर अदेन कियानुर इन्जोर परमेस्वरना वाचा पुटतोर लोकुरक साटि पका किस वेहाना इच्चा किन्दुर।

याकुब 2:5

हे नावोर प्रिय बायि-दादालोरक केन्जाट: बाताल परमेस्वर गरिब लोकुरकुन विस्वासते दनवान बने कियान साटि अनि आपुनिगा मया केवालोरकुन वाचा किस मता परमेस्वरना ओद राज्यता वारिस आयान साटि ओरकुन आचतोर बहे? मति निमाट ओरक गरिब लोकुरकुन अपमान कितिट।

१ पतरस 3:7

अदामे हे मुजोहारालोरक, मिया प्रार्थना व्यर्थ आयमाकि इन्जोर सोबायि बुद्धिते मुत्तेहनासंग जिवन जिवे माम्ट, अनि आसकुन कमजोर मन्तांग ते वने माक इवुरास जिवनता वरदानता वारिस आन्दोम इदाम समजेमास अवेहना आदर किम्ट।