तितुस 3:5 - Muria Far Western

⁵ अनि मावा सोबाता बुतोते आयो; मति परमेस्वर मावागा दया किसुन मावा सबोय पापतुन नोरसितुर। अनि पवित्र आत्माते माकुन उन्दि पुनाल जनम अनि पुनाल जिवा हितोर।

तितुस 3:5 Iomraidhean Croise

मत्ति 3:11

नना मिकुन एरते पस्तेमायाना बपतिस्मा हिन्तोना, मति नावा पजा वायवाल मन्तोर ओर नावाताल लाववाले मन्तोर, ओना हरपुह ताहानाता नना योग्य हिलेन। ओर मिकुन पवित्र आत्माते अनि किसते बपतिस्मा हियानुर।

लूका 1:50

अनि परमेस्वरदुन मानेमास ओना आरादना किन्तोर लोकुरा पिळि-पिळितिगा परमेस्वरना दया मन्दार।

लूका 1:54

परमेस्वर बदाम मावोर दादा दादिलोरकुन वाचा हितुर अदामे अब्रहाम अनि अब्रहामना वंशतिगा परमेस्वर दया कियानुर इन्जोर आलिहच परमेस्वर आपुनोर सेवक इस्रायेलिन मदत किन्तोर।”

लूका 1:72

अनि मावोर बाबो-दादिलोरकुन दया कियान साटि,

लूका 1:78

मावोर परमेस्वरना पकाय हजोर दयाते स्वरगताल मावा साटि उन्दि पुनाल दियांग मावा साटि पुटार।

रोमि 11:14

बदामे आयि निमाट यहुदि आयोर लोकुरकुन हुळस नावोर आपुनोर यहुदिलोकुरकुन हेवा आयिला पहाजे अनि अदाम ओरागडाल हुचुलोर लोकुरा पिसाना आयिला पहाजे इन्जोर नना आपुना सेवातुन पकाय मह्त्वाता मानेमान्तोना।

रोमि 11:6

अनि ओरा बोदायि सोबाय बुतोता कारणते आयो मति ओरकुन दया किस परमेस्वर ओरकुन आचतोर; ओरा बुतोता कारणते ओरकुन आच मनेर ते ओना दया बेकार मन्ता।

रोमि 12:2

अनि निमाट इद सन्सारता लोकुरक लेहका बनेमायमाट मति परमेस्वरतुन मिया मन्दुन बदले किया हिम्ट। अनि ओर मिकुन पुनाल मानेय बनेकियानुर असके परमेस्वर साटि सोबाय अनि ओना गिरदा कियाना बुतो बाताल मन्ता इन्जोर मिया बारेता ओना सबोय इच्चातुन मिकुन समजेमायार।

रोमि 3:20

इन्जोर मूसाना नियमता बुतोता कारण बोरे मानेय परमेस्वरना मुने येताना योग्य आय परोर मति मूसाना नियमता द्वारा आपुना पापता बारेते बराबर समजेमायनुर।

रोमि 3:28

इन्जोर बोरायि मानेय मूसाना नियमता बुतोता अनुसार आयो मति विस्वासता द्वाराय परमेस्वरना मुने येताना योग्य बनेमाय परान्तोरक इन्जोर पका मन्ता।

रोमि 4:5

मति परमेस्वरना बुतो मानेयना लेहका आयो। बोरे मानेय आपुना बुतोता कारण परमेस्वरना मुने येताना योग्य बनेमाय परोर, बोरे परमेस्वरनिगा विस्वास किन्तोर ओन परमेस्वर आपुना मुने येताना योग्य ठहरे किन्तोर।

रोमि 9:11

अनि ओरक पेकोरा जनम आयानाता मुने अनि ओर बारायि खराब गलति कियानाता मुनेय परमेस्वरना आचानाता उदेश बोनाय मानेयना बुतोता कारणते आयो मति ओना योजना पुरा कियान साटि ओना इच्चाते कारण इदाम आयान साटि,

रोमि 9:16

इन्जोर साटि मानेयना इच्चाता अनुसार या ओना पकाय कोसिसता द्वारा परमेस्वर ओन आचोर। मति दया किन्तोर आपुना इच्चाते अनुसार ओर बोरे मानेयतुन आचान्तोर।

रोमि 9:30

ते माक बाताल इन्काट? परमेस्वरना मुने येताना योग्य बनेमायाना कोसिस केवोर यहुदि आयोर लोकुरक मसिनिगा विस्वास इरतुरक इन्जोर परमेस्वरना मुने येताना योग्य ठहरे मातुरक।

१ कुरिन्थुस 6:11

मियागा हुचुलोर लोकुरक मुने इदामे पाप केवालोरक मतोरक मति प्रबु येसु मसिना कारण मावोर परमेस्वरना आत्मा मिया पापतुन नोरस पवित्र बनेकिस परमेस्वरना येताना योग्य ठहरे कितुर।

गलाति 2:16

ते वने मानेय मूसाना नियमता अनुसारता बुतोते आयो, मति केवल येसु मसिनिगा विस्वास कियानाता द्वारा परमेस्वरना मुने येताना योग्य ठहरे मान्तोर इन्जोर माक पुन्तोम। केवल मूसाना नियमतुन पालन किस परमेस्वरना मुने येताना योग्य आय परोर। मसिनिगा विस्वास कितोम इन्जोर विस्वासता द्वारा परमेस्वर माकुन परमेस्वरना मुने येताना योग्य आस स्विकार कितोर।

इफिसुस 2:4

मति परमेस्वर पकाय दयावाले मन्तोर अनि ओना हजोर मयाता कारण ओर माकुन पकाय मया कितुर।

इफिसुस 4:23

अनि आपुना मन्दा आत्मिक स्वभावते पुनाल बनेमासोर हन्ट।

इफिसुस 5:26

एरते साप किस शुद्ध किन्तोर अदाम लेहका मसि आपुना पोल्लोते विस्वासि लोकुरकुन शुद्धि किस पवित्र बनेहकिन्तोर।

कुलुसि 3:10

अनि निमाट आपुना बनेहकेवाल परमेस्वरिन बराबर समजेमास ओना लेहका आयान साटि निमाट सबोय लोकुरक इदेक पुनाल स्वभावतुन स्विकार कितोरिट।

२ तिमुति 1:9

अनि ओर माकुन पिसितुर अनि पवित्र जिवन जिवेमायान साटि केयतुर अनि इद मावा बुतोता अनुसार आयो मति दुनिया बनेकियानाता मुने येसु मसिना द्वारा पिसाना हियान साटि आपुना योजना पुरा कियान साटि ओर योजना कितुर,

तितुस 3:4

असके पजा मावा पिसिहवाल परमेस्वरना दया अनि मया माक सबोय मानेयनिगा प्रगट आतु।

यहुदि 10:22

इन्जोर माक खरोय मन अनि पुरा विस्वासतासंग ओना हेरे दाकाट। अनि मसि परमेस्वरना मुने आपुनतुन बलि हितुर इन्जोर पापता मापि मन्ता। इन्जोर अन्तकरणता दोष लक किस मसिना नतुर मावा मन्दिगा हिदिक्स अनि मेन्दुलतुन शुद्ध एते नोरस परमेस्वरना हेरे दाकाट।

यहुदि 4:16

इन्जोर जरुरिता बेरा मावागा दया अनि मदत पुटि इन्जोर हिमते माक दयाकेवाल परमेस्वरना सिंहासनता हेरे दाकाट।

१ पतरस 1:3

मावोर प्रबु येसु मसिनोर पिता परमेस्वरना धन्यवाद आयि!

१ पतरस 2:10

मुने निमाट परमेस्वरनोर लोकुरक हिले आसिट मति इदेक निमाट परमेस्वरना लोकुरक आन्दिट, मुने मियागा परमेस्वरना दया पुटो आसि मति इदेक मियागा परमेस्वरना दया पुटिहतोरिट।

१ पतरस 3:21

ओद उसा बपतिस्माता दृष्टान्त मन्ता, बपतिस्मा इदेक मेन्दुलता मयिल साप कियाना आयो मति शुद्ध अन्तकरण साटि परमेस्वरतुन उन्दि विनन्ति मन्ता, येसु मसिना असा जिवे मायानाता द्वारा माकुन पिसहान्तोर।