तितुस 3:3 - Muria Far Western

³ अनि माक वने येसु मसिन विस्वास कियानाता मुने निरबुद्धि, परमेस्वर अनि मानेयना आग्यानुंग मानेमायोम आन्दोम, असके माक खरोय हरितुन लेस मतोरोम अनि मन्दा पकाय खराब विचार अनि पाप कियानाता विचारता नियत्रणते मतोम अनि माक एका-मेका होंगते मतोम, हेवा किन्दोम, दुसरो लोकुरक माकुन होंग किन्दुरक अनि माक वने ओरकुन होंग किन्दोम।

तितुस 3:3 Iomraidhean Croise

मत्ति 21:29

‘नना हनोन’ इन्जोर ओर उत्तर हितुर, मति पजा पस्तेमास ओर बगिचातिगा हतुर।

लूका 21:8

अनि येसु आपुनोरक चेलालोरकुन इतुर, “बोरे मिकुन दोखा हेमाट इन्जोर निमाट चोव्कोस मन्ट, बाक्याकि पकाय लोकुरक, ‘नना मसि आन्दान’ अनि ‘अन्त आयाना बेरा वाता’ इदाम इन्तोर नावा पोरोयदे वायनुरक मति निमाट ओरांग केन्जमाट।

युहनाल 8:34

येसु ओरकुन उत्तर हितुर, “बोरायि पाप किन्तोर ओर पापता अदिकारते मन्तोर इन्जोर नना मिकुन खरोय खरोय इन्तोना।

रोमि 11:30

निमाट मुने परमेस्वरना आग्यातुन मानेमायवि आन्दिट मति इदेक ओरक इस्रायेल लोकुरक परमेस्वरना आग्यातुन स्विकार केवोरक इन्जोर निमाट यहुद आयोर लोकुरकुन परमेस्वरना दया पुटता अदामे,

रोमि 6:12

इन्जोर निमाट पापता इच्चाता अनुसार ताकमाट इन्जोर मिया नाश आयवाल मेन्दुलतिगा पाप बसकेय अदिकार केमाकिर।

रोमि 6:17

मति निमाट पापतोर दास मतोरिट ते वने माक करिहता उपदेशतुन पुरा मन्दे निमाट पालन किस,

रोमि 6:22

मति इदेक पापताल स्वतन्त्र आस अनि परमेस्वरना दास आयानाता कारण निमाट पवित्रतातुन पुटिहतोरिट। अदेना परिणाम अनन्त जिवन मन्ता।

रोमि 6:6

माक असा पापता दास मनोम आयकोम इन्जोर पापते निन्दिता मावा मेन्दुल नाश आयान साटि मावा जुनाल पापि स्वभावता मानेय मसिनासंग कुरुसतिगा अन्जिहतोर इन्जोर माक पुन्तोरोम।

२ कुरिन्थुस 12:20

बाक्याकि नना मिया हेरे वायका असके मियाबारेते नावा इच्चा लेहका मिकुन अनि नना बदाम आयिला पहाजे इन्जोर विचार किन्तोरिट अदाम लेहका नना आयोन आस निमाट नाकुन वने मिलेमायकिट इन्जोर वने नना वरयान्तोना। अनि मिया नडुम वाहचाना, हेवा, होंग, विरोद, इरषा, चाहळिंग, अभिमानि अनि अव्यवस्ता इदाम पोल्लोंग कलियकि इन्जोर वने नाकुन वरे मन्ता।

गलाति 6:3

मति निमाट हुडलोर मन्तोरिट ते वने आपुनतुन पकाय हजोर समजेमान्तोरिट ते आपुनतुन दोखा हिन्तोर।

कुलुसि 1:21

निमाट येसु मसिना विस्वासते वायाना पहले आपुना खराब विचार अनि खराब बुतोंगता कारण परमेस्वरना हेरेटाल लक मतोरिट अनि ओनोर विरोदि मन्दिट।

कुलुसि 3:7

अनि मसिना विस्वासते वायाना पहले निमाट वने इव सबोय गलतिता अनुसार आपुना जिवनते ताकसोर मन्दिट।

२ तिमुति 3:13

अनि खोटाल उपदेश करिहवालोर ओर लोकुरक सोबाय उपदेश करहान्तोर लेहका आपुना खोटाल उपदेश करहिन्तोर अनि खराब बुतो किसोर मन्दानुरक। अनि ओर लोकुरक दुसरोन दोखा किन्तोर अनि आपुन वने दोखा तिन्तोर।

२ तिमुति 3:6

अनि खरोय विस्वासता लावतुन हरचिन्तोर ओर लोकुरक दुसरोना लोहक लोहक दान्तोरक। अनि ओद लोता मुर्ख आसकनिगा आपुना गलति उपदेश किस अवेकुन नियत्रण किन्तोर। अनि अव आसक दरोज पाप किस सबोय प्रकारता गलति शारिरिक विचारता नियत्रणते मन्तांग,

तितुस 1:16

मति माक परमेस्वरदुन पुन्तोरोम इन्जोर ओरक इन्तोर, मति ओरक आपुना बुतोते परमेस्वरना आग्यातुन मानेमायोर अनि परमेस्वरतुन मानेमायोर इन्जोर परमेस्वर ओरकुन विरोद किन्तोर, अनि ओरक बोदे सोबाता बुतोतुन किया परोर।

तितुस 2:12

अनि ओद दया प्रगट आतु इन्जोर मावोर हजोर परमेस्वर अनि मावोर पिसिहवाल येसु मसि हजोर लावदे असा वायनुर इन्जोर गिरदाते माक आशा किस जिवित मन्दानपा दुनियाता बेकार पोल्लोतुन तासिस इद दुनियातिगा संयम, परमेस्वरना मुने येताना योग्य अनि परमेस्वरना भक्तिते जिवन जिवेमायान साटि इद दया माकुन मदत किन्ता,

याकुब 1:26

अनि बोरायि मानेय आपुना वन्जेर पोरो काबु इरोर आयनुर अनि ओर आपुनतुन दोखा हिस आपुनतुन भक्ति केवाल लेहका समजेमायिर ते ओना भक्ति व्यर्थ आयार।

१ पतरस 1:14

निमाट परमेस्वरना आग्या मानेमायवाल बालक मन्तोरिट इन्जोर निमाट अळानि मन्तोरिट ओद बेरा मियागा मता खराब इच्चाता पालन केमाट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 12:9

अनि सबोय दुनियातुन भळकेह केवाल इबिलिस या सयतान इदाम पोरोयतोर ओद पकाय हजोर मासुल तरासिन अर्थ ओद जुनाल तरासिन दरतितिगा अरिहचितुर अनि ओनोर दूतकुन वने ओनासंग अरिहचितुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 13:14

पहलेटा जानवरता मुने तोहान साटि परवांगि पुटता ओव चिन्हता द्वारा ओद दुसरो जानवर दरतितिगा मनवालोरकुन भळकेह किन्दुर। अनि तलवारते घाव आतु ते वने असा जितो आता ओद पहलेटा जानवरता मूरति बनेहकिम्ट इन्जोर ओद दुसरो जानवर दरतितिगा मनवालोरकुन इन्दुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 18:2

ओर पकाय जोरदे इतुर, “ ‘नाश आतु! हजोर बाबिलोन सहेर नाश आतु!’ ओद दुष्टात्माता लोन, अनि सबोय अशुद्ध आत्माता सोबाय मन्दाना जागा, अनि सबोय अशुद्ध अनि खराब पिटेनांग सोबाय मन्दाना जागा आस मता।