तितुस 3:2 - Muria Far Western

² अनि बोनांगे चाहळिंग वळकस बदनाम केमाकिरक, मति कोमल स्वभावतोर मन्दिला पहाजे अनि सबोय लोकुरासंग दरोज हजोर नम्रताते मिलेमास मनिर।

तितुस 3:2 Iomraidhean Croise

मत्ति 11:29

नना शान्त अनि नम्र स्वभावतोर मन्तोना इन्जोर नावा जुवा आपुना पोरो ताहच नावाकेडाल करयाट ते निमाट आपुना मन्दे शान्ति पुटिहकिट।

बुतोंग 23:5

पोलुस इतुर: “हे दादालोरक येर हजोर याजक आन्दुर इन्जोर नना पुनोन आन्दान, बाक्याकि ‘आपुना लोकुरा मुक्यालतुन बाताले खराब इन्मा’ ” इदाम पवित्र पुस्तकतिगा कोटता मन्ता इन्जोर इतुर।

१ कुरिन्थुस 6:10

कलेरक, लालचि, दाळंगो उन्वालोरक, वाहचवालोरक, दोखा हेवालोरक इदाम लोकुरक परमेस्वरना राज्यता वारिस आयोर आयनुर।

१ कुरिन्थुस 9:19

इदाम नना केवल स्वतन्त्र मानेय मन्तोना, बोनाय गुलाम हिलेन ते वने पकाय लोकुरकुन परमेस्वरना हेरे विस्वासते ततका इन्जोर नना आपुनतुन सबोय लोकुरा गुलाम बनेकितान।

२ कुरिन्थुस 10:1

मियासंग मन्दानपा नम्र स्वभावतोर मन्तोर अनि मियाताल लक मन्दानपा हिमतवाले मन्तोर इन्जोर निमाट इन्तोरिट ओर नना पोलुस मसिना नम्रता अनि दयाता पोरोयते मिकुन विनन्ति किन्तोना।

२ कुरिन्थुस 12:20

बाक्याकि नना मिया हेरे वायका असके मियाबारेते नावा इच्चा लेहका मिकुन अनि नना बदाम आयिला पहाजे इन्जोर विचार किन्तोरिट अदाम लेहका नना आयोन आस निमाट नाकुन वने मिलेमायकिट इन्जोर वने नना वरयान्तोना। अनि मिया नडुम वाहचाना, हेवा, होंग, विरोद, इरषा, चाहळिंग, अभिमानि अनि अव्यवस्ता इदाम पोल्लोंग कलियकि इन्जोर वने नाकुन वरे मन्ता।

गलाति 5:22

मति पवित्र आत्माता बुतो इव मन्तांग: आपसते मया कियाना, गिरदाते मन्दाना, शान्तिते मन्दाना, दिरजते प्रगटकियाना, दया कियाना, भलायि कियाना, इम्मानदारिते मन्दाना,

गलाति 6:1

हे बायि-दादालोरक, बोरायि मानेयतुन बोदे दोसते पयिर ते निमाट सोबाय विस्वासि लोकुरक नम्रतातासंग ओना गलतिताल बराबर किम्ट अनि निमाट वने परिक्षाते अरियवि आयकिट इन्जोर आपुना वने ध्यान इराट।

गलाति 6:10

इन्जोर माक सन्दि पुटानपा सबोय लोकुरकुन विशेषाल विस्वासि लोकुरा भलायि किम्ट।

इफिसुस 4:2

सबोय नम्रताते कोमलताते अनि धिरजतासंग दरोज व्यवहार किम्ट अनि मयाते वरोर दुसरोन सहन किम्ट।

इफिसुस 4:31

सबोय प्रकारतांग नफरत, प्रकोप, होंग अनि वाहचाना, निन्दा अनि सबोय प्रकारता खराब स्वभावतुन बाहरो टन्डस हरचिम्ट।

फिलिप्पि 4:5

आपुनतुन हुळिला बनेकिस मन्ता मिया सोबाय स्वभाव सबोय लोकुरकनिगा प्रगट आयि। प्रबु येसु मसिना असा मल्स वायाना हेरे मन्ता इन्जोर दरोज आल्हाट।

१ तिस्लुनि 2:7

मति उन्दि अवाल आपुना बालकिन पालन पोषन किन्ता अदाम लेहका माक मिया नडुमते मन्जकुन मिकुन सोबाय पालन पोषन कितोम।

१ तिमुति 3:11

अनि मसिलोकुरा सभाता सेवातुन मदत केवांग आसक वने गम्बिर अनि सम्मानता योग्य आयिला पहाजे; दोष केवि आयमाकि अनि हर पोल्लोते विस्वास योग्य आयि।

१ तिमुति 3:3

अनि अध्यक्ष दाळंगो उन्वाल अनि पिटिहवाल मनमाकिर मति ओर कोमल स्वभावतोर मनिर, वाहचवाल मनमाकिर अनि गलत बुतो किसुन पयसांग कमेय केवाल मनमाकिर।

याकुब 3:17

मति स्वरगताल वायवाल ग्यान पहले पवित्र मन्ता पजा शान्ति प्रिय, नम्रता, आग्याकारि, दया अनि सबोय प्रकारता सोबाय बुतो इदाम पोल्लोतुन कियान साटि इद ग्यान माकुन लाव हिन्ता। अनि ओद बोनाय पक्षपात केवो अनि कपटि हिले।

याकुब 4:11

हे बायि-दादालोरक, निमाट वरोर दुसरोन बदनामि केमाट। अनि बोर आपुना तमोना बदनामि किन्तोर अनि न्याय किन्तोर ओर परमेस्वरना नियमता बदनामि किन्तोर, अनि ओन नियमता पोरो दोष लावे किन्तोर। अनि निमाट नियमतिगा दोष लावे किन्तोरिट ते निमाट ओद नियमता अनुसार ताकवाल आयो मति ओद नियमता पोरो न्याय केवाल आन्दिट।

१ पतरस 2:1

इन्जोर सबोय प्रकारता खराब बुतो, दोखा, कपट, हेवा, अनि निन्दातुन लक किस,

१ पतरस 3:10

बाक्याकि “बोरायि जिवनता इच्चा इरान्तोर, अनि सोबाय दिया हुळाना इच्चा किन्तोर, ओर आपुना वन्जेरतुन खराबताल, अनि आपुना टोडितुन खराब वळकानाताल रोकेकियाला पहाजे।

१ पतरस 3:8

आकरिते सबोयजन उन्दि मन अनि दयावाले अनि तमो लोकुरकुन मया केवाल अनि करुणामय अनि नम्र बने माम्ट।

१ पतरस 4:4

निमाट ओरा खराब चाल-चलनतिगा ओरासंग सहभागि आयविट इन्जोर ओरक आश्चरय किस मिया निन्दा किन्तोरक।

२ पतरस 2:10

विशेषाल बोर आपुना मेन्दुलता अनुसार अशुद्ध इच्चाता परके ताकान्तोरकुन अनि सबोय अदिकारतुन तुच्च मानेमान्तोरकुन वने। अनि ओरक खोटाल करिहवालोरक ओरा गलत बुतो कियान साटि पकाय हिमत मन्तोरक, अनि हजोर पदवालोरा वने निन्दा कियान साटि वरियोरक।

यहुदा 1:10

येर लोकुरक बोव पोल्लोंग येरकुन समजेमायोंग अदेना निन्दा किन्तोरक। अनि बुद्धि हिले ओद जानवरक लेहका बोव पोल्लोंग येरकुन स्वाभाविक रितिते आपुना अनुभवते समजेमान्तोरक अदेना कारण येरक आपुना नाश किन्तोरक।

यहुदा 1:8

अदामे मावोर लोकुरकनिगा मकस वातोरक येर लोकुरक आपुना कनिष्काना परके वितसोर आपुना मेन्दुलते अशुद्ध पाप किन्तोरक, अनि प्रबुना अदिकारतातुन तुच्च मानेमास स्वरगदूतकना निन्दा किन्तोरक।