तितुस 3:10 - Muria Far Western

¹⁰ अनि बोर मानेय मसिलोकुरा सभातुन बिगळे किया हुळान्तोर, ओन उन्दि-रन्ड बेरांग ओना गलतितुन समजेह किम अनि ओर समजेमायवेक ओना बारेते निमा वले वळकमा, अनि ओर मसिलोकुरा सभातुन बिगळे केमाकिर इन्जोर ओनाताल निमा अलग आम।

तितुस 3:10 Iomraidhean Croise

रोमि 16:17

हे नावोर बायि-दादालोरक, मिकुन करहिता खरोय पोल्लोता विरोदते मिकुन करहिच मसिलोकुरा सभाताल अलग किस परमेस्वरताल लक किन्तोर इदाम लोकुरकुन निमाट पुन्ट अनि ओराताल सावदान मन्ट इन्जोर इदेक नना विनन्ति किन्तोना।

१ कुरिन्थुस 11:19

ओहो! ते निमाट सोबाय कियाला आतोरिट! इन्जोर इदाम किसोर मन्ट, आयोते मिया नडुम सोबाय विस्वासि बोर मन्तोर या हिलेर इन्जोर बदाम पुन्दानुरक।

२ कुरिन्थुस 13:2

नना दुसरो बेरा मियासंग मतोना असके पाप कितोर ओर लोकुरा अनि दुसरो सबोयि लोकुरा पापता विरोद चेतावनि हिस मतोना। अदाम इदेक नना लक मन्ज वने असा ओर लोकुरकुन नना चेतावनि हिन्तोना। नना असा मिया हेरे वायिकाते ओर लोकुरा पोरो बाताले दया केवोन आयिका इन्जोर मुनेटाल इन्तोना।

गलाति 5:12

मिकुन कतनाता बारेते गलति शिक्षण करहिस बिगळे किन्तोर ओरक आपुना मेन्दुलता भाग पुरा कदियस वाटिर ते सोबाय आयार।

गलाति 5:20

मूरति पुजा, जादुटोना, वेयरि, वाहचाना, हेवा, होंग, स्वार्थपन, मसिलोकुरा सभातुन फुट कियाना अनि विस्वासि लोकुरा नडुम विभाजन बनेकियाना,

२ तिस्लुनि 3:14

अनि बोरे इद पत्रते वेहता पोल्लोतुन मानेमायोर ते ओनागा ध्यान इराट अनि ओनासंग निमाट संबन्द बन्द किम्ट, इदामते ओर आपुना आचरनते लज्जा आयिर।

२ तिस्लुनि 3:6

हे बायि-दादालोरक, बोर खरोय करहाना मावाकेडाल येतितोर मति ओदेना अनुसार ओर ताकोर अनि ओर खराब चाल ताकान्तोरक अदाम तमो लोकुरकताल निमाट अलग आम्ट इन्जोर माक मिकुन प्रबु येसु मसिना पोरोयते आग्या हिन्तोरोम।

२ तिमुति 3:5

अनि ओरक खरोय विस्वासि लेहका लोकुरकना मुने आपुनतुन प्रगट कियानुरक मति ओर लोकुरक आपुना जिवनते परमेस्वरतुन बुतो कियाला हेवोर। निमाट इदाम लोकुराताल लक मन्ट।

२ पतरस 2:1

इस्रायेल लोकुरकनिगा आपुनास परमेस्वरना पोल्लो वेहवाल आन्दोम इदाम खोटाल वळकवालोरक मतोरक; अदामे मियागा वने खोटाल करिहवालोर आयनुरक, अनि ओर लोकुरक मसि विस्वासता नाश किन्ता गलत करिहना मकस मकस करहान्तोरक, अनि ओरक आपुनतुन किमत हिस असतुन स्वतन्त्र कितोर ओर हजोर प्रबुन वने इन्कार किस आपुनतुन सान्डेय नाशतिगा वाटसियानुरक।

२ यहुनाल 1:10

अनि बोरायि येसुना बारेते माक करिहता खरोयतुन विस्वास केवोर अनि ओर मिया हेरे वायिर ते ओन लोतिगा स्विकार केमा अनि ओन नमस्कार वने केमा।