तितुस 3:1 - Muria Far Western

¹ अनि सरकारि अदिकारिना अदिकारते मनिरक अनि ओरा आग्या मानेमायिरक अनि बोदे खरोय बुतो कियान साटि तेयार मनिरक इन्जोर विस्वासि लोकुरकुन आलिहचिम,

तितुस 3:1 Iomraidhean Croise

मत्ति 22:21

ओरक ओन इतुरक, “हजोर राजाना मन्ता।” असके येसु ओरकुन इतुर, “हजोर राजाना हजोर राजान हिम्ट, अनि परमेस्वरना परमेस्वरतुन हिम्ट।”

१ कुरिन्थुस 15:58

इन्जोर हे नावोर प्रिय बायि-दादालोरक, निमाट विस्वासते मजबुत मन्ट अनि बोदे कारणते निमाट विस्वासताल लक हन्माट। अनि प्रबुन साटि निमाट किन्तोरिट ओद मेहनत बेकार हिले इदाम समजेमास निमाट प्रबुना बुतो पकाय लावदे मुने किसोर मन्ट।

इफिसुस 2:10

बाक्याकि माक ओनोर बनेहकितोर मन्तोरोम। माक सोबाय बुतो कियाला पहाजे इन्जोर परमेस्वर येसु मसिना द्वारा माकुन पुनाल जिवन बनेहकितुर; माक पकाय सोबाय बुतो किसोर आपुना जिवन ताकिहिला पहाजे इन्जोर परमेस्वर मुनेटाले योजना तयार कितोर।

फिलिप्पि 1:11

अनि येसु मसिताल पुटिहच परमेस्वरना मुने येताना योग्य बुतोंगता सोबाय गुणक आपुना जिवनते येचुन आपुना बुतोते प्रगट कियाकिट अनि अदेनते परमेस्वरना महिमा अनि स्तुति आसोर मनि इन्जोर नना इद प्रार्थना किन्तोना।

कुलुसि 1:10

निमाट प्रबुना योग्य चाल-चलन किस पवित्र आत्मा हिन्तोर ओद सबोय ग्यान अनि समजेमायानातासंग परमेस्वरना इच्चातुन पुरा रितिते पुन्ज मियागा सबोय प्रकारतांग भल्लो बुतोता कायांग प्रगट किस सबोय प्रकारते ओन प्रसन्न किस निमाट परमेस्वरिन बराबर पुन्ज बरसोरिंग हन्ट।

१ तिमुति 2:2

विशेषाल राजाह साटि अनि सबोय हजोर सरकारि नवकरि लोकुरक साटि प्रार्थना किम्ट बाक्याकि ओरक आपुना देशतोरक लोकुरकुन खरोय रितिते न्याय अनि सोबाय शासन कियान साटि परमेस्वर ओरकुन मदत कियाला पहाजे। अनि इदाम सबोय लोकुरकुन साटि प्रार्थना कियाकिट ते माक सोबाय शान्ति अनि परमेस्वरना इच्चाता अनुसार मन्दा परान्तोरोम।

१ तिमुति 4:6

अनि हे तिमुथियुस, नना निकुन वेहता सबोय पोल्लोंग विस्वासि लोकुरकुन समजेहकिस परमेस्वरना खरोय पोल्लो अनि अदेना बारेता खरोय उपदेश निमा पालन कियाकि ते निमा परमेस्वरना सोबाय सेवक बनेमायकि।

१ तिमुति 5:10

अनि ओद रान्डि आसक सोबाय बुतो केवे मनि अनि आपुना बालकिन पालन पोषन किस वरताहकुन सोबाय गिरदाते मानेमास पवित्र लोकुरा सेवा केवे मन्दिला पहाजे, अनि दुःखि लोकुरकुन मदत किस सबोय सोबाय बुतो कियान साटि मन्दे गिरदा केवे मन्दिला पहाजे। इदाम रान्डि आसकना पोरोय मसिलोकुरा सभाता मदत सुचितिगा कोटिला पहाजे।

२ तिमुति 1:6

इन्जोर नना नियागा कय इरस निकुन सोपेह किता परमेस्वरना वरदानतुन निमा सोबाय उपयोग किसोर मन।

२ तिमुति 2:14

अनि नना वेहता सबोय पोल्लोंग विस्वासि लोकुरकुन आलहिच हिम्ट, अनि उन्दि उन्दि पोल्लोता अर्थतुन पयसुन ओरक अदेना बारेते तर्क वितर्क किसुन लोकुरकना विस्वासतुन नाश किन्तोर अनि इदेना द्वारा दुसरोन बाताले लाभ पुटो। अदाम तर्क वितर्कतुन निमा बन्द किम।

२ तिमुति 2:21

अनि वरोन पापताल शुद्ध किन्तोर ते बदाम आदर कियानाता दळियातुन आपुनोर मालकाल उपयोग किन्तोर अदामे ओरकुन सोबायता बुतो साटि प्रबु उपयोग कियानुर।

तितुस 1:16

मति माक परमेस्वरदुन पुन्तोरोम इन्जोर ओरक इन्तोर, मति ओरक आपुना बुतोते परमेस्वरना आग्यातुन मानेमायोर अनि परमेस्वरतुन मानेमायोर इन्जोर परमेस्वर ओरकुन विरोद किन्तोर, अनि ओरक बोदे सोबाता बुतोतुन किया परोर।

तितुस 2:14

अनि मावा गलतिताल पिसान साटि अनि भलाता बुतो कियान साटि पकाय तयार मन्तोर लोकुरकुन आपुना साटि शुद्धि कियालाय येसु मसि मावा साटि हातुर।

तितुस 3:14

अनि ओरक सोबाय बुतो केविर इन्जोर निमा सबोयलोर विस्वासि लोकुरकुन करहा, बाक्याकि ओरक वरोन दुसरोना जरुरितुन पुरा केविर, अनि इदाम ओरक बिना फयदाते मनमाकिर।

तितुस 3:8

अनि इव पोल्लोंग बोव नना मिकुन वेहान्तोना इव पोल्लोंग पकाय खरोय मन्तांग, इन्जोर विस्वासि लोकुरकुन इव पोल्लोंग डाटेह किसुन ओरकुन समजे किम। अनि बोर परमेस्वरतिगा विस्वास कितोर ओरकुन इव पोल्लोनुंग सोबाय बुतो कियान साटि मन लावेह किसोर मनिरक इन्जोर इव पोल्लोंग पकाय सोबाय मन्तांग अनि सबोय लोकुरकुन फायदातांग मन्तांग।

२ पतरस 1:12

इन्जोर निमाट इव पोल्लोंग पुन्तोरिट, अनि बोद खरोय पोल्लो मिकुन पुटता अगा टिकेमास मन्तोरिट ते वने नना मिकुन इव पोल्लोंग असा आलहिच हियान साटि दरोज तयार मनका।

यहुदा 1:5

मति निमाट इद सबोय पोल्लोंग उन्दि बेरा पुतोरिट ते वने हुचुक पोल्लोनुंग मिकुन आलहिच हियाना नना इच्चा किन्तोना। प्रबु मिस्रि देशताल आपुना लोकुरकुन पिसिहचुन पसहिस मतोर पजा बोर विस्वास केवोर आतुरक ओरकुन नाश कितुर।